निवन्ध प्रतियोगिता सम्पन्न

३० वैशाख २०६७
जिल्ला भु संरक्षण कार्यालय गोरखाको आयोजनामा आज गोरखा मकैसीको विजया भवानी उच्च माविमा भु संरक्षणमा विद्यार्थीको भुमिका विषयक निबन्ध प्रतियोगिता सम्पन्न भएको छ । प्रतियोगितामा कक्षा १० की पुष्पा श्रेष्ठ पहिलो कक्षा ९ की योजना घिमिरे दोश्रो कक्षा ९ कै वालदेवी थापा तेश्रो र कक्षा १० का दिपेन्द्र श्रेष्ठले सान्त्वना स्थान पाउनुभएको छ ।
उहाँहरुलाई भु संरक्षण कार्यालयले स्टेशनरी सामाग्री पुरस्कार दिएको विद्यालयका शिक्षक गोकुलप्रसाद अधिकारीले जानकारी दिनुभएको छ । सो अवसरमा जिल्ला भु संरक्षण अधिकृत टेकनारायण श्रेष्ठ र अन्य कर्मचारीहरुले कक्षा ९ र १० का विद्यार्थीलाई भु संरक्षणका लागि विद्यार्थीहरुले गर्न सक्ने कामको बारेमा प्रशिक्षण दिनुभएको थियो ।
भु संरक्षण कार्यालयको विद्यालय संरक्षण शिक्षा अभियान अन्तर्गत साचालित कार्यक्रम शिक्षक अभिभावक संघका अध्यक्ष बद्रीप्रसाद घिमिरेको अध्यक्षतामा सम्पन्न भएको हो ।