SLC-Result

Regular:

SLC-Result



Examted:

SLC-Result

SLC RESULT

Download Link for SLC Result 2066 (Regular).

slc_radio gorkha.xlsx

Download Link for SLC Result 2066 (Exampted).
slc 2066 examted.xls

Regular:

SLC-Result



Examted:

SLC-Result

बर्षायाम शुरु, गोरखाको ग्रामीण क्षेत्रको यातायात सेवा बन्द

१७ असार २०६७
बर्षायाम शुरु भएसँगै गोरखाको ग्रामीण क्षेत्रको यातायात सेवा बन्द हुन थालेको छ । पानीका कारण सडकमा पहिरो जान थालेपछि नियमित वससेवा साचालन गर्न नसकिएको यातायात ब्यवसायीहरुले बताएका छन् । हिजो र अस्ती परेको पानीलॆ सडक बिगारेकाले आज सदरमुकामबाट केही ठाउँमा मात्रै बस चलेको यातायात ब्यवसायी समिति गोरखाले जनाएको छ । गोरखा आरुघाट सडकखण्डको खान्चोकमा पहिरो गएका कारण आज सो रुटमा कुनै बस नचलेको समितिका कार्यालय प्रमुख एकराज उपाध्यायले जानकारी दिनुभयो । यस्तै १२ किलो भालुस्वाँरा सडकको कमेरेभीरमा पहिरो गएपछि सो सडकखण्ड पनि आज दिनभर बन्द भएको छ ।
यसबाहेक सदरमुकामकाट वस चल्ने जिल्लाका बोर्लाङ्ग क्यामुन्टार नाम्जुङ्ग बतासे लगायतका ठाउँमा पनि वस साचालनमा कठिनाई भएको यातायात ब्यवसायी समिति गोरखाका महासचीव रामहरि केसीले जानकारी दिनुभयो । वर्षाकै कारण भच्छेक हर्मी र आँपपिपल क्षेत्रको वस सेवा भने यसअघि नै बन्द भैसकेको छ । आरुघाट र भालुस्वाँरा सडक अघिल्ला वर्षभन्दा केही राम्रो भएकाले सो सडकखण्डमा भने वर्षामा पनि वस साचालनको प्रयास गरिने महासचीव केसीले बताउनुभयो ।
अघिल्ला वर्षहरुमा जेठ दोश्रो साताबाटै बन्द हुने वस सेवा यसपाली भने वर्षा ढिलो गरि शुरु भएकाले अहिले सम्म साचालन भैरहेको ब्यवसायीहरुले बताएका छन् । वर्षा र सडकको अवस्था हेरेर कतिपय सडकक्षेत्रमा वर्षामा पनि यातायात साचालनका लागि पहल गरिने समितिमा महासचीव केसीले बताउनुभयो । यातायात ब्यवसायी समितिले गोरखाका विभिन्न गाउँमा गरी ६४ वटा वस साचालन गर्दै आएको छ ।

विदेशीकै इसारामा सरकार ढलेको सभासद् पार्वती थापाको भनाई

१७ असार २०६७
अखिल नेपाल महिला संघ क्रान्तिकारीकी केन्द्रिय सदस्य तथा सभासद पार्वती थापाले माधव कुमार नेतृत्वको सरकार विदेशीको इशारामा बनेको र विदेशीकै इसारामा ढलेको बताउनु भएको छ । सभासद थापाले अनेमसंघ क्रान्तिकारीले आज गोरखा सदरमुकाममा गरेको नयाँ बन्ने संविधानमा महिलाका अधिकार विषयक एक दिन अन्तरकि्रया कार्यक्रममा यस्तो बताउनु भएको हो । उहाँले नयाँ बन्ने संविधानमा राज्य सत्ताको हरेका अंगमा महिलाको समान अवसर ग्यारेन्टी हुनुपर्ने बताउनु भएको छ ।
कार्यक्रममा प्रमुख अतिथि अनेमसंघ क्रान्तिकारीकी केन्द्रिय सचिवालय सदस्य सुशिला िसंखडाले चुलो र चौकोमा मात्र बसेर अहिलेको महिलाका भुमीका पुरा नहुने भन्दै अधिकारको लागि संघर्ष र त्याग आवश्य रहको बताउनु भएको छ ।
संगठनको गोरखा जिल्ला अध्यक्ष सरीता लामीछानेको अध्यक्षतामा भएको कार्यक्रममा संघकी केन्द्रीय सदस्य जानुका पौडेल बन्दना पाण्डे लगायतले मन्क्तव्य राख्नु भएको थियो । कार्यक्रममा ६०० जना महिलाको सहभागीता रहेको थियो ।

ट्याक्टर दुर्घटना

१७ असार २०६७
सिमेण्ट बोकेर गोरखा बजारबाट बोर्लाङ्ग जाँदै गरेको ग १ त १६३२ नंबरको ट्याक्टर गएराती दुर्घटना भएको छ । बुंकोट गाविस ९ भलायोबास भन्ने ठाउँमा पल्टेर दुर्घटना भएको हो । दुर्घटनामा बोर्लाङ्ग ८ का मोहन कुमार श्रेष्ठ र सोही ठाउँका चाउरे नेपाली घाइते भएका छन् । उनीहरुलाई स्थानीयबासीले उद्दार गरी धादिङ्गको खरी गाविस स्थित स्वास्थ्य सँस्थामा उपचार गरिएको छ । बाटो हिलो भएका कारण चालकले नियन्त्रण गुमाएर दुर्घटना हुन सक्ने स्थानीय सुधीर अर्यालले जानकारी दिए ।

गोरखाको कुसुण्डा परिवारलाई जिविसद्धारा आर्थिक सहयोग

१६ असार २०६७
गोरखाको कुसुण्डा परिवारलाई जिल्ला विकास समितिले घर बनाउनका लागि १ लाख ५० हजार रुपियाँ सहयोग गरेको छ । गोरखा नगरपालिका १० तेरकिलोमा अरुको घरमा बस्दै आएको ६९ बर्षीया सुमित्रा कुसुण्डाको परिवारलाई जिविसले घर बनाउने पैसा दिएको हो । स्थानीय शासन सामुदायिक विकास कार्यक्रमको दलित जनजाति लोपोन्मुख लक्षित कार्यक्रम अन्तर्गतको रकमबाट लोपोन्मुख जाति कुसुण्डालाई सहयोग गरेको स्थानीय विकास अधिकारी राजकुमार श्रेष्ठले बताउनुभयो ।
जंगलवाट मानव समुदायमा आएको १५ बर्षपछि जिविसले पहिलोपल्ट कुसुण्डा परिवारलाइ आर्थिक सहयोग गरेको हो । मिरकोट गाविसको सातदोबाटोको जंगलमा बस्दै आएका कुसुण्डा परिवार सुमित्राको श्रीमानको निधनपछि १३ किलो बजारमा भाडा तिरेर वस्न थालेका थिए । आम्दानीको बाटो नभएपछि बिगत एकबर्ष यता घरभाडा तिर्न पनि नसकेको कुसुण्डा परिवारको गुनासो छ । उनीहरुका लागि वासको सबैभन्दा ठूलो समस्या भएकाले सोही शिर्षकका लागि सहयोग गरेको स्थानीय विकास अधिकारी श्रेष्ठले बताउनुचभयो ।
जिविसले दिएको डेढलाख रुपियाँ घर बनाउनका लागि अपुग हुने सुमित्राको गुनासो छ । जिविसले उपलब्ध गराएको रकमले जग्गा खरिद गरी घर बनाउन नपुग्ने भएपछि १३ किलोका दुर्गा पोखरेलले निशुल्क रुपमा ७ आना जग्गा उपलब्ध गराउनुभएको छ । छ जनाको कुसुण्डा परिवारलाई गोरखा नगरपालिकाले मासिक पाँचसय रुपियाँको दरले लोपोन्मुख भत्ता प्रदान गर्दै आएको छ ।

गोरखाको अधिकांश फाँटहरुमा अझै रोपाई भएन

१६ असार २०६७
असार महिनाको आधा समय वितिसक्दा पनि गोरखाको अधिकांश फाँटहरुमा रोपाइ सुरु हुन सकेको छैन । जिल्लाको माथिल्लो क्षेत्र र सिाचाइ सुविधा पुगेका केही क्षेत्रबाहेक अधिकांश क्षेत्रमा रोपाइ हुन नसकेको जिल्ला कृषि विकास कार्यालयले जनाएको छ । धान खेती गर्ने कुल १७ हजार ७ सय ८५ हेक्टर जमिनमध्ये २० प्रतिशतमा मात्र रोपाइ भएको कृषि कार्यालयका बरिष्ठ कृषि विकास अधिकृत वुद्धिबहादुर थापाले जानकारी दिनुभएको छ ।
अहिलेसम्म जिल्लाको हंशपुर जौवारी मुच्चोक खोप्लाङ र देउराली गाविसमा रोपाइ गरिएको उहाँले बताउनुभयो । धानखेती गरिने जमिनमध्ये ३ हजार हेक्टरमा बाह्रै महिना सिाचाइ सुविधा भएको र अरु ठाउँमा वर्षाको पानीमा भर पर्नुपर्ने भएकाले रोपाइ हुन नसकेको हो । असार महिना लागेसंगै मनसुनी वर्षा हुन थालेपछि जिल्लाको अन्य क्षेत्रमा पनि रोपाइ सुरु हुने कृषि कार्यालयले जनाएको छ ।
मनसुनी वर्षापछि खोलाखोल्सीहरु बढेपछि मात्र अधिकांश फाँटहरुमा रोपाइका लागि पानी पर्याप्त हुन गर्छ । मनसुनी बर्षा राम्रोसंग हुन नसकेका कारण रोपाइ हुन नसकेको कृषि कार्यालयको भनाइ छ । मुख्य खाद्यान्न वालीको रुपमा रहेको धान जेठको अन्तिम सातादेखि साउनको मध्यसम्म रोपाइ गर्ने प्रचलन छ । गोरखाको माथिल्लो क्षेत्रमा एक्ले पहेलो लहरे मासर्ी जस्ता परम्परागत धानहरु लगाइन्छ भने दक्षिणि क्षेत्रमा राधा सावित्री हर्दिनाथ जस्ता उन्नत धानहरु खेती गरिने कृषि कार्यालयले जनाएको छ ।

पाथीभरा जलजले मोटर वाटो निमार्ण कार्य सम्पन्न

१६ असार २०६७
गोरखाको आँपपिपल १ स्थित पाथीभरा जलजले जोड्ने मोटर वाटो निमार्ण कार्य सम्पन्न भएको छ । स्थानीय वासिन्दाको सकि्रयतामा पालुङटार भण्डारथोकबाट पाथीभरा जलजले जोड्ने मोटर वाटो खनिए पश्चात स्थानीय वासिन्दा हर्षित भएका छन् । जलजले र पाथीभराका स्थानीय बासिन्दाले गाविस तथा आफ्नै लागनीमा भण्डारथोकदेखि पाथीभरा हुदै जलजले सडक खण्डसम्मको करिव २० किमी सडक खण्ड डोजरद्वारा मोटर वाटोको निमार्ण गरेका हुन् ।
राईनासटार िसंचाई आयोजनाको नहरमा क्षति पुगेपछि भलायखर्क चक्रतीर्थ र धमिलिकुवा गाविस अन्र्तगतको ८ सय ५० हेक्टर जमिनमा रोपाई गर्न समस्या उत्पन्न भएको छ । भलायखर्क र चर्कतीर्थको सिमानामा पर्ने लामोबगर नजिकै नहर भत्किएपछि सो क्षेत्रका कृषकहरुलाई रोपाई गर्न समस्या भएको हो । वर्षाका कारण नहरमा क्षमता भन्दा बढी पानी आएकोले होचो र कमजोर स्थानमा नहर फुट्न गएको हो । नहर फुटेपछि किसानहरुको खेतमा रोपाई गर्न नसकिने भएपछि स्थानीय किसानहरु चिन्तित बनेका छन् । नजिकै रहेको कृष्ण पन्थीको घर वरीपरि पुरेको छ भने वरीपरिका करिब ५ रोपनी खेतमा बलौटो माटो र ढुंगाले पुरीदिएको छ । नहर फुटेकै कारण डुम्रे-बोराङखोला सडक खण्डमा पनि क्षति पुगेको छ । नहर मर्मतका लागि तारजाली र जनशक्तिको आवश्यकता पर्ने देखिएको स्थानीय शिक्षक नारायण पौडेलले वताए ।

राष्ट्रिय धान दिवश गोरखामा पनि

१५ असार २०६७
आज सातौ राष्ट्रिय धान दिवश गोरखामा धुमधामसंग मनाइएको छ । पानी परेपछि असार महिनामा किसानहरुले रोपाई गर्न सुरु गर्ने वेला पारेर सरकारले सात वर्षदेखि असार १५ गतेलाई धान दिवशको रुपमा मनाउदै आएको हो ।
जिल्ला कृषि विकास कार्यालय गोरखा र अन्नपुर्ण खाद्यान्न वाली समुह छेपेटारको आयोजनामा गोरखा नगरपालिका ९ छेपेटारमा धान दिवश कार्यक्रम गरीएको हो । कृषि भूमीको संरक्षण गरौ धानको उत्पादन बढाऔ भन्ने नाराका साथ मनाइएको धान दिवशको प्रमुख जिल्ला अधिकारी कमलमणि काफ्लेले खेतमा धान रोपेर उद्घाटन गर्नुभयो ।
धान दिवशमा एकीकृत माओवादी नेपाली कांग्रेस र नेकपा एमालेका प्रतिनिधिहरु दल निकट किसान संघका प्रतिनिधि र सरकारी कार्यालयका प्रतिनिधिहरु सहभागी थिए । धानको उत्पादनलाई बढाएर खाद्य सुरक्षा कायम गर्नका लागि धान दिवश मनाउन थालिएको जिल्ला कृषि विकास कार्यालयका बरिष्ठ कृषि विकास अधिकृत बुद्धिबहादुर थापाले बताउनुभयो ।
मानो खाएर मुरी उब्जाउने बेलाको रुपमा मानिने असार महिनामा किसानहरु धान रोपाइमा ब्यस्त हुने भएपनि समयमा वर्षा नभएकाले कतिपय क्षेत्रमा भने रोपाइ हुन सकेको छैन ।

गोरखामै आँखाको शल्यकि्रया शुरु

१५ असार २०६७
आखाँ उपचार केन्द्र गोरखाले आजबाट जिल्लामै आखुका रोगीहरुको शल्यकि्रया गर्न सुरु गरेको छ । लायन्स क्लब अफ गोरखाद्धारा साचांलीत सो केन्द्रले हिमालय आखाँ अस्पतालको प्राविधीक सहयोगमा आजबाट गोरखा अस्पताल हाताको प्रस्तावित आखाँ अस्पताल भवनबाट शल्यकि्रर्या सेवा शुरु गरेको हो । यसअघि सो केन्द्रले दैनिक आखा जाँच तथा उपचार चस्मा र औषधी वितरण गर्दै आएको थियो भने शल्यकि्रर्याका लागि पोखरा जानुपर्ने अवस्था थियो ।
यो सेवा सुरु भएपछि हरेक मिहिनाको १५ गते आखा रोगको सल्यकि्रया गरी गोरखामा नै उपचार गर्न सकिने आखा उपचार केन्द्रका संयोजक पुरुषोत्तम अर्यालले बताउनुभयो । शल्यकि्रया सेवाको आज एक कार्यक्रमका वीच हिमालय आखाँ अस्पताल पोखराका बरीष्ठ नेत्र विशेषज्ञ तथा मेडीकल डाइरेक्टर डाक्टर इन्द्रमान महर्जनले उदघाट्न गर्नुभएको हो ।
सो अवसरमा उहाँले गोरखाका आँखा रोगीहरुले छिटो र सुलभ रुपमा जिल्लामा नै उपचार गर्न पाउने बताउनुभयो । गोरखामा आखाको रोगी धेरै रहेको बताउँदै उहाँले आखाका विरामीहरुले उपचारका लागि ठुला शहरमा जानु नपर्ने बताउनुभएको हो । उहाँले जिल्लाको आदा अस्पतालका लागी हिमालय आखाँ अस्पतालले गरिरहेको सहयोगलाई निरन्तरता दिइने पनि प्रतिवद्धता ब्यक्त गर्नुभयो ।
लायन्स क्लबका प्रथम उपाध्यक्ष तथा आँखा अस्पताल भबन निर्माण समीतीका संयोजक लायन शित्तलकाजी मास्केको अध्यक्षतामा भएको कार्यक्रममा नेकपा एमालेका सचिव सम्झना देबकोटा प्रमुख जिल्ला अधिकारी कमलमणी काफ्ले स्थानीय विकास अधीकारी राजकुमार श्रेष्ठ उद्योग वाणिज्य संघ गोरखाका अध्यक्ष रामबाबु जोशी पत्रकार महासंघ गोरखाका अध्यक्ष किशोरजगं थापा लायन्स क्लबका अध्यक्ष कपीलबाबु अर्याल र आँखा उपचार केन्द्रका जिल्ल्ाा संयोजक पुरुषोत्तम अर्याललॆ निर्माणाधीन आखाँ अस्पतालका लागी सक्दो सहयोग गर्ने प्रतिबद्धता ब्यक्त गरेका छन् ।

आलुमा ऐजेरु रोग लाप्राकका बासिन्दा चिन्तित

१५ असार २०६७
खेतमा लगाइएको आलुमा ऐजेरु रोग लागेपछी गोरखा लाप्राकका बासिन्दा चिन्तित भएका छन् । आम्दानीको मुख्य श्रोतका रुपमा रहेको आलुमा रोग लागेर आधाभन्दा बढी उत्पादन घटेपछि विउ पनि नरहने भन्दै उनीहरु चिन्तीत भएका स्थानीय राज गुरुङले बताउनुभयो ।
अघिल्ला वर्षमा एउटा गराामा ३÷४ डोको आलु उत्पादन भएकोमा यसबर्ष १ डोकोपनि उत्पादन नभएको उहाँले बताउनुभयो । लाप्राकमा उत्पादन हुने स्थानीय जातको कालो आलु विगतमा बार्षिक ४ सय क्विन्टल विक्री गर्ने गरीएपनि यसबर्ष बिक्री गर्न नसकीने उहाँले बताउनुभयो ।
उत्पादित आलु लिनका लागी सदरमुकाम छेपेटार ताकु मसेल सिम्जुङ लगायतका ठाउँबाट किसानहरु लाप्राक जाने गर्दछन् । लाप्राकमा रहेका ६०० घरधुरी सबैले आलुखेती गर्दछन् पुष माघमा लगाइने आलु अहिले खन्ने बेला भएको छ ।

गोरखाका सचिवहरुलाई राजिनामा नदिन राजनैतिक दलको आग्रह

१४ असार २०६७
राजीनामा दिन भुमिगत संगठनबाट धम्कीपुर्ण पत्र पाएका गोरखाका गाविस सचिवलाई जिल्लाका कि्रयाशील राजनितिक दलले राजिनामा नदिन आग्रह गरेका छन् । एकीकृत माओवादी नेपाली कांग्रेस र नेकपा एमालेका जिल्ला नेतृत्वले सचिवहरुलाई बरु सदरमुकाम नै वसेर काम गर्न आग्रह गरेका हुन् ।
गाविस सचिव हकहित स्ांरक्षण केन्द्रले धम्कीपुर्ण पत्रको संबन्धमा दलहरुको ध्यानाकर्षण गराउन आयोजना गरेको अन्तरकि्रर्या कार्यक्रममा एकीकृत माओवादीका धु्रव भट्ट नेपाली कांग्रेसका सीपी पोखरेल र नेकपा एमालेका सम्झना देवकोटाले सुरक्षाको जिम्मा लिन नसकेपनि सर्बसाधारणको काम धेरै भएको बेलामा राजीनामा नदिन आग्रह गरेका हुन् ।
आर्थिक वर्ष समाप्तिको बेलामा विकास निर्माणका कामहरु धेरै बाँकी रहेकाले सर्बसाधारणको कामलाई मध्यनजर गर्दै छाडेर तत्काल राजीनामा नदिन दलहरुले आग्रह गरेका हकहित संरक्षण केन्द्रका सचिव प्रकाश शर्माले बताउनुभयो । गाउँ जान कठिनाइ भए सदरमुकाममा नै वसेर काम गर्ने तर तत्काल राजीनामा नगर्न दलहरुले आग्रह गरेका उहाँले बताउनुभयो ।
गाविस सचिवहरुले आफुहरुलाई आएको धम्कीपुर्ण पत्रको संबन्धमा दलहरुको धारणा बुझ्न आजको कार्यक्रम राखेका थिए । दलहरुले भुमिगत संगठनबारे आफुहरु पनि खोजी गर्ने दलहरुले प्रतिवद्धता जनाएका थिए । कार्यक्रममा सचिवहरुले भने आफुहरुको सुरक्षाको ग्यारेण्टी नगरेमा सामुहिक राजीनामा समेत दिन सक्ने बताएका थिए ।
यस विषयमा सचिवहरुले स्थानीय प्रशासन र राजनीतिक दलहरुसंग केही दिनमा पुन छलफल गरेर अघि बढ्ने बताएका छन् । असुरक्षाका कारण काम गर्न नसक्ने अवस्था सिर्जना भएकाले दल र स्थानीय प्रशासनले सुरक्षाको ग्यारेण्टी गर्नुपर्ने सचिव शर्माले बताउनुभयो । कार्यक्रममा स्थानीय विकास अधिकारी राजकुमार श्रेष्ठले सचिवहरुले अफ्ठेरो परिस्थितिमा काम गर्नुपरेपनि तत्काल राजीनामा नदिन आग्रह गर्नुभयो । केहि दिन अघि संयुक्त जातिय मुक्ति मोर्चाको नामबाट गाविस सचिव हकहित संरक्षण केन्द्रलाई राजिनामा नदिए कारवाहि हुने चेतावानी सहितको पत्र आएको थियो ।

काँग्रेस उपसभापति रामचन्द्र पौडेलद्धारा घाईतेहरुसंग भेट गोरखामा थप काँग्रेस कार्यकर्ता कुटिए माओवादीको ३ कार्यकर्ता बेपत्ता

१३ असार २०६७
नेपाली काँग्रेसका उपसभापति रामचन्द्र पौडेलले राजनीतिक गतिरोधको मुख्य कारक एकीकृत नेकपा माओवादी रहेको आरोप लगाउनु भएको छ । पौडेललॆ माओबादीका गतिविधि अराजक बन्दै गएको र जिम्मेबार नबन्दा सम्म नयाँ संविधान बन्न नसक्ने दावी गर्नुभयो । माओबादी कार्यकर्ताको कुटाईबाट घाइते भएका गोर्खाका कार्यकर्ताहरुलाई आज शिक्षण अस्पताल काठमाण्डुमा भेटेपछि पौडेलले यस्तो बताउनु भएको हो । उहाले दोषीहरुलाई तत्काल कारबाही गर्न समेत सरकारसंग माग गर्नु भएको छ । घ्म्पेसालमा रहेको दुल्लभ उच्च माविको व्यवस्थापन समिति गठकॊ विषयमा विवाद हुदा हिजो माओबादी कार्यकर्ताहरुले आफ्ना कार्यकर्ताहरुलाई आक्रमण गरेको काँग्रेस नेताहरुले जनाएका छन् । घाइते सुन्दर गुरुङ र लोकवहादुर रावलको अहिले शिक्षण अस्पताल काठमाण्डौमा उपचार भइरहेको छ ।
यसैविच शनिबार साँझ र आइतबार बिहान पनि माओवादी कार्यकर्ताले आफ्ना कार्यकर्तामाथि कुटपिट गरेको नेपाली कांग्रेस गोरखाले जनाएको छ । आरुपोखरी ५ कोइरालेका नवराज अधिकारी मसेल ६ खगीथोकका खिलाप्रसाद देवकोटा र तान्द्राङ्ग ९ का टीका अम्गाईलाई छुट्टाछुट्टै ठाउँमा कुटपीट गरेको कांग्रेसले जनाएको छ । अधिकारीलाई आइतबार बिहान खान्चोक भाज्याङ नजिक बाटोमा रहेका माओवादी कार्यकर्ताले कुटपीट गरेका हुन् ।
कुटपीटबाट उहाँको दाहिने आँखा च्यूँडो र ढाडमा चोट लागेको छ र गोरखा अस्पतालमा उपचार भएको छ । आरुपोखरीको सडक उपभोक्ता समितिका सचिव अधिकारी सडकको काम लिएर सदरमुकाम आउँदा बाटोमा रहेका नचिनेका मान्छेले ूयही होू भन्दै पछाडीबाट आएर कुटपीट गरेको पीडितले बताएका छन् । कुटपीट गर्ने माओवादी नै भएको र आफुलाई कांग्रेस भएकै कारण कुटपिट गरेको उहाँले बताउनुभयो । यस्तै तान्द्राङ्ग ९ का टीका अंगाई पनि शनिबार साँझ ताराखसे भन्ने ठाउँमा हिडिरहेको अबस्थामा कुटिएको काँग्रेसले जनाएको छ । अर्का खिलाप्रसाद देवकोटालाई राती साढे ११ बजे सुतिरहको अबस्थामा बोलाएर बारीमा लगेर कुटपीट गरेको कांग्रेसको आरोप छ ।
माओवादीका जिल्ला सक्रेटरी चुडामणी खड्का प्रकाशले भने कुटपिटका पछिल्ला घटनामा आफ्ना कार्यकर्ताको संलग्नता नरहेको दावी गर्नुभएको छ । आफ्नो पार्टीलाई बद्नाम गर्न काँग्रेसले षड्यन्त्रमूलक ढंगले कुटपिटको हल्ला चलाएको उहाँको आरोप छ ।
यता एकीकृत माओवादी गोरखाले आफ्ना ३ जना कार्यकर्ता हिजोदेखि वेपत्ता भएको आरोप लगाएको छ । माओवादी कार्यकर्ताहरु कुमार श्रेष्ठ विकास वन्त र अणराज वन्त हिजो साँझदेखि समपर्कमा नभएको जिल्ला सेक्रेटरी खड्काले बताउनुभयो । उहाँले कांग्रेस कायकर्ता र प्रहरीले वेपत्ता बनाएको आरोप लगाउनुभएको छ ।
माओवादीले पार्टी निकट अखिल नेपाल शिक्षक संगठनका जिल्ला सल्लाहकार रामचन्द्र श्रेष्ठ र सदस्य रामशरण भट्टराईलाई काँगे्रस निकट तरुण दलका कार्यकर्ताले कुटेको आरोप लगाएको छ । अखिल नेपाल शिक्षक संगठनले आज एक विज्ञप्ति जारी गरी काँग्रेस निकटका आपराधिक समूहले शिक्षकद्धयलाई ज्यान लिने नियतले आक्रमण गरेको दावी गरेको छ । जिल्ला अध्यक्ष वीरबहादुर तमुद्धारा हस्ताक्षरित विज्ञप्तिमा कुटपीटमा संलग्नलाई कडा कारवाही र घाइतेको उपचारको माग गरिएको छ ।
प्रहरी नायव उपरिक्षक गोरखिसं भण्डारीले सुरक्षाका लागि नियन्त्रणमा लिइएका ५ जना माओवादी कार्यकर्तालाई आज बिहान छाडिसकिएको बताउनुभयो ।

वैचारिक राजनीतिलाई कुल्चिएर िहंसाको राजनीतिमा अघि बढेको काँग्रेस गोरखाको आरोप

१३ असार २०६७
नेपाली कांग्रेसले आफ्ना सकि्रय सदस्यहरुमाथि आक्रमण गरेर एकीकृत माओवादीले वैचारिक राजनीतिलाई कुल्चिएर िहंसा हत्याको राजनीतिमा विश्वास गरी अघि बढेको आरोप लगाएको छ । कांग्रेसका जिल्ला सचिव इश्वर पाण्डेले आज एक विज्ञप्ति जारी गरी सबैभन्दा ठुलो पाटि माओवादी जनताको मतको अपमान गर्दै आस्थाकै आधारमा अन्य पाटिका कार्यकर्तामाथि आक्रमणमा उत्रिएको बताउनुभएको छ ।
विज्ञप्तिमा आस्थाको आधारमा कुटपीट र आक्रमण गर्नुलाई निन्दनीय र अमानवीय भन्दै घोर निन्दा र भत्स्रना गरिएको छ । पटक पटक दोहोरिदै आएको यस्ता घटनाप्रति नेपाली कांग्रेसको सहनसिल र मौनतालाई कमजोर नठान्न विज्ञप्तिमा चुनौती दिइएको छ । विज्ञप्तिमा घाइतेको सिघ्र स्वास्थ्य लाभको कामना र दोषीमाथि कडा कारबाहीको लागि सरकारसंग माग गरिएको छ ।
नेपाल तरुण दलले पनि एक विज्ञप्ति जारी गरी आफ्ना कार्यकर्तामाथि ठाउँठाउँमा भएको आक्रमणप्रति भत्स्रना गरेको छ । अध्यक्ष घिरन थापाद्धारा जारी विज्ञप्तिमा आफ्ना कार्यकर्ताको स्वतन्त्रपुर्वक हिडडुल गर्न पाउने नैसर्गिक अधिकार हनन नगर्न माओवादीलाई आग्रह गरेका छन् । विज्ञप्तिमा त्यस्ता घटना दोहोर् याएमा प्रतिकारमा उत्रने चेतावनी दिइएको छ ।
एकीकृत माओवादीले पनि आज एक विज्ञप्ति जारी गरी घ्याम्पेशालको विद्यालय ब्यवस्थापन समिति गठनको कार्यक्रममा कांग्रेसले काठमाडौबाट ब्यावसायिक रुपमा आपराधिक चरित्रका मानिसहरु ल्याई गोरखाली जनतालाई आतंकित बनाउन खाजेको जनाएको छ ।
जिल्ला सेक्रेटरी चुडामणि खड्काद्धारा जारी विज्ञप्तिमा दिनदहाडै तरबार भाला खुकुरी रड लिएर स्थानीयलाई धम्क्याउने माओवादीको क्षेत्रीय कार्यालय तोडफोड गर्ने घटनाको भत्स्रना गरिएको छ । विज्ञप्तिमा जिल्लामा वितण्डा मच्चाएर आफ्नो झुटको खेती बचाइ राख्ने कांग्रेस र प्रहरी प्रशासनको कि्रयाकलापको विरोध गर्दै घाइतेहरुको सिघ्र स्वास्थ्य लाभ र दोषीमाथि कारबाहीको माग गरिएको छ ।