रेडियो गोरखाको प्रशारण समयमा साधारण फेरवदल

१५ जेठ २०६७
आजदेखि रेडियो गोरखाले कार्यक्रम प्रशारण हुने समयमा साधारण फेरवदल गरेको छ । परिवर्तित समय अनुसार हरेक दिन विहान पौने सात वजे प्रशारण हुने गोरखा डायरी अबदेखि सातवजे प्रशारण हुन थालेको छ भने अन्य कार्यक्रम तालिका पनि सामान्य फेरवदल भएको छ । रेडियोको विहानी दिवा र रात्री शत्रमा प्रशारण भइरहेका कार्यक्रमको समय तालिकामा पनि परिवर्तन गरिएको छ । श्रोताहरुको सुझाव सल्लाह र चाहना बमोजिम कार्यक्रम तालिकामा परिवर्तन गरिएको हो ।

गोरखामा पनि संविधानको मस्यौदा घोषणा

१५ जेठ २०६७
गणतन्त्र दिवशको अवसर पारेर एकीकृत माओवादीले आज गोरखामा पनि नयाँ संविधानको मस्यौदा घोषणा गरेको छ । माओवादीले सदरमुकामको लोकतान्त्रिक चोकमा गरेको सभामा केन्द्रिय सदस्य तथा सभासद् अमृता थापाले घोषणा गर्नुभएको हो । माओवादीले आज घोषणा गरेको नयाँ संविधानमा प्रत्यक्ष राष्ट्रपति निर्वाचन क्रान्तिकारी भुमिसुधार पुर्ण समानुपातिक निर्वाचन प्रणाली शिक्षा स्वास्थ्य गास वास र कपासलाई मौलिक हकको रुपमा ब्यवस्थ्ाा वाक स्वतन्त्रता बहुदलीय प्रतिस्पर्धा सहितको आवधिक निर्वाचन हुने उल्लेख गरिएको छ ।
सो कार्यक्रममा केन्द्रिय सदस्य तथा सभासद् थापा गरिब किसान र मजदुरको लागि अझै गाण्तन्त्र नआएकाले आफुहरु त्यसका लागि कि्रयाशिल भइरहको बताउनुभयो । उहुले आगामी तीन महिनासम्म पनि संविधान निर्माणमा अन्य दलको कि्रयाशिलता नदेखिए संविधान सभा विघटन गर्नुपर्ने धारणा राख्नुभयो ।
संयुक्त राष्ट्रिय जनआन्दोलन समिति गोरखाका अध्यक्ष लेखबहादुर थापाको अध्यक्षतामा सम्पन्न कार्यक्रममा जिल्ला इन्चार्ज कृष्ण धिताल अखिल नेपाल किसान संघ २००७ का केन्द्रिय उपाध्यक्ष भक्ति लामिछाने सभासद् पार्वती थापा गोरखा क्षेत्र नंबर १ का इन्चार्ज जानुका पौडेल वाइसीएलका केन्द्रिय सदस्य तथा जिल्ला अध्यक्ष रमेश पोखरेल लगायतले मन्तब्य राख्नुभएको थियो ।

बहुमुल्य जडिबुटी यासा्रगुम्बा र सदुवा टिप्न गोरखा लाप्राकबासी लेकतिर गाउँ नै सुनसान

१५ जेठ २०६७
बहुमुल्य जडिबुटी यासा्रगुम्बा र सदुवा टिप्न गाउँलेहरु लेक तिर जान थालेपछि गोरखाको लाप्राक गाउँ नै सुनसान भएको छ । समुन्द्र सतहदेखि चार हजार मिटर भन्दा माथिको लेकमा मात्र पाइने ती जडिबुटी टिप्न दुई सय भन्दा स्थानीयहरु लेकतिर गएपछि गाउँ सुनसान भएको शिक्षक कृष्ण न्यौपानेले जानकारी दिनुभएको छ ।
वैशाख १५ देखी असार महिनासम्म टिप्न सकिने यासा्रगुम्बा र सदुवा वेचेर राम्रो आम्दानी गर्न सकिने भएकाले भएकाले स्थानीयले यो समयलाई मौसमलाई आर्थिक संकलनको समयको रुपमा लिन्छन् । यासा्रगुम्बाको प्रति किलो एक लाख सत्तरी हजारसम्म रुपियाँसम्म पर्छ भने सदुवाको प्रति एक सय पचास रुपैयाँ पर्ने स्थानीयले बताएका छन् । गोरखाको सिर्दिवास माथिका सात गाविस लाप्राक लगायत केही गाविसमा मात्र यासा्रगुम्बा पाइने जडिबुटी ब्यवसायीहरुले बताएका छन् ।

सरसफाई संबन्धि चेतनाका लागी मकैिसंमा सचेतनामुलक र् याली

१५ जेठ २०६७
गोरखाको मकैसी गाविसमा सरसफाई संबन्धि चेतना फैलाउन स्थानीय महिलाहरुले आज सचेतनामुलक र् याली निकालेका छन् । हिमाली क्षेत्र विकास केन्द्रको महिला र युवा दिगो शान्तिको आधार कार्यक्रम अन्तर्गतको जागृति शान्ति समूहको सकि्रयतामा गाउका १ सय भन्दा बढी महिला सहभागी र् यालीमा सरसफाई संबन्धि चेतनामुलक जानकारी लेखिएको प्लेकार्ड बोकेर गाउँमा सरसफाइका लागि चेतना फैलाइएको थियो ।
महिलाहरुले गाविस भवनबाट सुरु गरेका र् याली पोखरी हटिया हुदै खल्तुपानीमा पुगेर समापन गरिएको थियो । सो र् यालीमा महिलाहरुले चर्पिमा मात्र दिशा गरौ घर आँगन सफा राखौ गाउँलाई खुला दिशामुक्त क्षेत्र घोषणा गर्ने अभियान सफल पारौ जस्ता शन्देश लेखिएको प्लेकार्ड बोकेका स्थानीय शिक्षिका कमला अधिकारीले जानकारी दिनुभएको छ ।

सातौ रोट महोत्सवको चौथो दिन

१५ जेठ २०६७
गोरखामा साचालन भइरहेको सातौ रोट महोत्सवको चौथो दिन आज पनि गुरु गोरखनाथलाई रोट चढाइएको छ । गोरखनाथलाई सबैभन्दा बढी मन पर्ने परिकार ११ दिनको महोत्सवमा सवालाख चढाइने आयोजक सिद्धाश्रम शक्ति केन्द्रले जनाएको छ । चामलको पिठोमा चिनी दालचिनी ल्वाङ सुकुमेल लगायतका मसला मिसाएर घिउमा पकाएको परिकारलाई रोट भनिन्छ । गुरु गोरखनाथलाई रोट चढाएमा खुशी भइ मुलुकमा सुख शान्ति र समृद्धि प्राप्त हुने भन्दै केन्द्रले सातवर्ष अघिदेखि महोत्सव गर्द्रै आएको छ ।
महोत्सवमा हरेक दिन बिहान देखि २ वजेसम्म रोट पकाउने ८ देखि ९ सम्म मन्त्र जप ९ देखि १० सम्म विशेष हवन १२ देखि ४ वजेसम्म गोरखनाथको भजन प्रस्तुत गर्ने सिद्धाश्रम शक्ति केन्द्रले जनाएको छ । त्यसैगरी ३ वजेदेखि नियमित पुजा ५ वजेदेखि नित्य आरती र आरती सकिएपछि भक्तजनहरुलाई प्रसाद वितरणको कार्यक्रम रहेको साधक किशोर अकेलाले जानकारी दिनुभएको छ । सिद्धाश्रम शक्ति केन्द्रले वेलुका ६ वजेपछि महोत्सवको समीक्षा गर्ने उहाँले बताउनुभयो ।

वित्तीय ब्यवस्थापन तालिम प्रदान

१५ जेठ २०६७
नवीकरणीय उर्जा आयोजनाले गोरखा र धादिङ जिल्लामा आफ्नो कार्यक्रम साचालनका लागि स्थानीय सामुदायिक संस्थाका लागि ब्यवसायिक विकास तथा वित्तीय ब्यवस्थापन तालिम प्रदान गरेको छ । आज सम्पन्न तालिममा गोरखाका १४ र धादिङका ६ जना सहभागी थिए । नेपाल सरकार नवीकरणीय उर्जा आयोजना र युरोपेली आयोगको संयुक्त लगानीमा साचालन हुन लागेको आयोजनाका लागि गोरखाका १० र धादिङका ६ गाविस छनोट गरिएको तालिम संयोजक लिलाबहादुर देवकोटाले जानकारी दिनुभएको छ ।
आयोजनाले विद्युत सेवा नपुगेको गाउँमा सामुदायिक संस्थाहरु मार्फत कम्प्युटर सामुदायिक सूचना केन्द्र कुटानी पिसानी मील पानी तान्ने पम्प र स्वास्थ्य संस्थामा उपकरण साचालनको लागि शौर्य उर्जामा अनुदान दिने उहुले बताउनुभयो ।
तालिमको समापन कार्यक्रममा आयोजना निर्देशक मंगलदास महर्जनले कार्यक्रमबारे जानकारी गराउनुभएको थियो भने महेन्द्र सिटौलाले ब्यवसाय विकास संबन्धि र राजेन्द्र कोइरालाले सहकारी लेखा ब्यवस्थापनबारे जानकारी गराउनुभएको थियो ।

तेश्रो गणतन्त्र दिवस गोरखामा

१५ जेठ २०६७
तेश्रो गणतन्त्र दिवस गोरखामा भब्य रुपमा मनाइदै छ । संविधान सभाको पहिलो बैठकले २०६५ साल जेठ १५ गते नेपालमा गणतन्त्रको घोषणा गरेको दिनको सम्झनामा गणतन्त्र दिवश मनाउन थालिएको हो । गणतन्त्र दिवशको अवसरमा आज सदरमुकाममा मानव अधिकार तथा शान्ति समाजको आयोजनामा बिहान प्रभातफेरीको आयोजना गरिएको थियो । बिहान ७ बजे सुरु भएको प्रभातफेरी पेट्रोलपम्पदेखि सुरु भइ बसपार्क हुदै जिल्ला विकास समितिको सभाहलमा पुगी विचार गोष्ठीमा परिणत भएको छ । गणतन्त्र दिवश मूल समारोह समितिको आयोजनामा भएको विचार गोष्ठिमा नेपाली काँग्रेसका जिल्ला सदस्य सिपि पोखरेल एमालेका जिल्ला सचिव सम्झना देवकोटा स्थानिय विकास अधिकारी तथा कार्यक्रमका अध्यक्ष राजकुमार श्रेष्ठ प्रमुख अतिथि प्रभा बस्नेत गैसस महासंघका जिल्ला अध्यक्ष काजीराम रोका शिक्षकको तर्फबाट लक्ष्मण आचार्य शान्ति समाजका अध्यक्ष यदु अधिकारी लगायतकाले बोल्नुभएको थियो । त्यसैगरी दिवसकै अवसर पारेर साहित्य संगम गोरखाले आज खुल्ला कविता प्रतियोगिताको आयोजना गरेको छ । प्रतियोगितामा रमेश विष्ट प्रथम, करिष्मा के.सी. द्धितिय र प्रतिमा थपलिया तृतिय भएका छन् । प्रतियोगिताका विजेताहरुलाई आजै प्रमुख अतिथि बस्नेतले पुरस्कार वितरण गर्नु भएको छ ।
गणतन्त्र दिबसको अवसरमा जिल्ला शिक्षा कार्यालयले भने मेचघुमाइ खेल साचालन गरेको छ । विहान सम्पन्न खेलमा सम्झना देवकोटा प्रथम, कमला लामिछाने द्धितिय र प्रेमचन्द्र बानियाँ तृतिय हुनु भएको छ । आजै साँझ उद्योग वाणिज्य संघले दिपावली गर्ने कार्यक्रम छ ।

गणतन्त्र दिवस गोरखामा मनाइने

१४ जेठ २०६७
तेस्रो गणतन्त्र दिवस गोरखामा भोलीदेखि भब्य रुपमा मनाइने भएको छ । संविधान सभाको पहिलो बैठकले गणतन्त्र घोषणा गरेको दिनको सम्झनामा तीन वर्षदेखि गणतन्त्र दिवश मनाउदै आइएको हो । भोली १५ गते बिहान मानवअधिकार तथा शान्ति समाज र ग्रामीण सुदृढीकरण केन्द्रको आयोजनामा सदरमुकाममा प्रभातफेरीको आयोजना गरिने भएको छ ।
त्यसैगरी गोरखा साहित्य संगमले पनि भोली खुल्ला कविता प्रतियोगिता गर्ने जनाएको छ । भोली विहान गणतन्त्र दिवश मूल समारोह समितिको आयोजनामा प्रवचन तथा बिचार गोष्ठीको आयोजना गरिएको छ । गणतन्त्र दिबसको अवसरमा जिल्ला शिक्षा कार्यालयले मेचघुमाइ खेल साचालन गर्ने भएको छ भने उद्योग वाणिज्य संघले साँझमा दिपावली गर्ने कार्यक्रम छ । गणतन्त्र दिवश मनाउन गोरखामा स्थानीय विकास अधिकारी राजकुमार श्रेष्ठको संयोजकत्वमा ६७ सदस्यीय मूल समारोह समिति गठन गरिएको छ ।

रोट महोत्सवमा आज १५ हजार रोट चढाईयो

१४ जेठ २०६७
बैशाख पूर्णिमा तथा गोरखनाथ प्रकट दिवशको अवसर पारेर हिजोदेखि गोरखामा सुरु भएको सातौ रोट महोत्सवमा आज १५ हजार रोट चढाइएको छ । गुरु गोरखनाथलाई सबैभन्दा बढी मन पर्ने परिकार ११ दिनको महोत्सवमा सवालाख चढाइने आयोजक सिद्धाश्रम शक्ति केन्द्रले जनाएको छ ।
चामलको पिठोमा चिनी दालचिनी ल्वाङ सुकुमेल लगायतका मसला मिसाएर घिउमा पकाएको परिकारलाई रोट भनिन्छ । गुरु गोरखनाथलाई रोट चढाएमा खुशी भइ मुलुकमा सुख शान्ति र समृद्धि प्राप्त हुने भन्दै केन्द्रले सातवर्ष अघिदेखि महोत्सव गर्द्रै आएको छ ।
महोत्सवमा हरेक दिन बिहान ७ देखि २ वजेसम्म रोट पकाउने १० देखि ५ वजेसम्म भजनकिर्तन गर्ने ४ वजे गुरु पुजन ५ वजे आरती र ५ वजेपछि रोट वितरण गर्ने केन्द्रका साधक किशोर अकेलाले जानकारी दिनुभयो । महोत्सवमा आउने भक्तजन र सर्वसाधारणका लागि सिद्धाश्रम शक्ति केन्द्रले जनाएको छ ।

गोरखामा नागरिक राष्ट्रिय दैनिक पत्रिका जलायो

१४ जेठ २०६७
पित पत्रकारिता गरी जनतामा भ्रम फैलाएको भन्दै एकीकृत माओवादीले आज गोरखामा नागरिक राष्ट्रिय दैनिक पत्रिका जलाएको छ । नागरिक दैनिकको पहिलो पृष्ठमा वेपत्ता डाक्टर माओवादी कब्जामा शिर्षकको समाचार गलत भएको भन्दै माओवादीका सचिवालय सदस्य तथा तमुवान राज्य समिति सदस्य लेखबहादुर थापाले पत्रिका जलाउनुभएको हो ।
चितवनको वीपी कोइराला क्यान्सर अस्पतालका डाक्टर माओवादी कब्जामा नै रहेको आशयमा समाचार छापिएपछि सो समाचार गलत र भ्रम फैलाउने खालको भन्दै माओवादीले सदरमुकामको हरमटारी चोकमा पत्रिका जलाएका हुन् । पत्रिका जलाउने कार्यक्रममा एकीकृत माओवादीका क्षेत्र नंबर २ का इन्चार्ज यानप्रसाद भट्टले कठपुतली सरकारले नै पीत पत्रकारिताको गर्न लगाएको आरोप लगाउनुभयो ।
गोरखाको फिनाम गाउँ विकास समितिका वासिन्दाले आफ्नो खेतवारी सिाचाइ गर्न कुलो निर्माण गरेका छन् । जिल्ला कृषि विकास कार्यालयले ६० हजार रुपियाँ दिएपछि गाउँलेले १५ हजार रुपियाँ थपेर एक किलोमिटर लामो कुलो बनाएको डम्मरकाँडा सिाचाइ उपभोक्ता समितिका अध्यक्ष अब्दुलकरिम मियाँले जानकारी दिनुभएको छ ।
बैशाख दुइ गतेदेखि थालिएको कुलो निर्माण पुरा भएकाले स्थानीय खिरपे खेतको ७५ रोपनी क्षेत्रफल सिाचाइ गर्न सजिलो हुने उहाँले बताउनुभयो ।

आफ्नै खर्चमा मन्दिर परिसरमा प्रतिक्षालय निर्माण

१४ जेठ २०६७
गोरखा नगरपालिका वडा नंबर ५ खिरेपानीका शंखनारायण श्रेष्ठले आफ्नै खर्चमा पश्लाङको पश्चिमकाली मन्दिर परिसरमा प्रतिक्षालय निर्माण गर्नुभएको छ । श्रेष्ठले स्वर्गिय बुवा मानबहादुर श्रेष्ठ र आमा लक्ष्मी श्रेष्ठको सम्झनामा मन्दिर परिसरमा प्रतिक्षालय निर्माण गर्नुभएको हो ।
दुइतलाको सो प्रतिक्षालय आज एक कार्यक्रम गरी पश्चिमकाली तथा खड्गदेवी मन्दिर ब्यवस्थापन समितिलाई हस्तान्तरण गरिएको छ । करिब ४ लाख रुपियाँको लागतमा निर्माण भएको प्रतिक्षालय आज समितिका अध्यष शारदाप्रसाद भट्टराईलाई हस्तान्तरण गरिएको हो ।

गोरखामा सातौ रोट महोत्सव शुरु

१३ जेठ २०६७
बैशाख पूर्णिमा तथा गोरखनाथ प्रकट दिवशको अवसर पारेर आजदेखि गोरखामा सातौ रोट महोत्सव सुरु भएको छ । ११ दिनसम्म चल्ने महोत्सवमा गुरु गोरखनाथलाई सवालाख रोट अपर्ण गर्ने कार्यक्रम रहेको आयोजक सिद्धाश्रम शक्ति केन्द्रले जनाएको छ । नेपाल एकीकरण गर्ने पृथ्वीनारायण शाहका गुरु गोरखनाथ खुशी भएमा देशमा सुख शान्ति र समृद्धि प्राप्त हुने भएकाले महोत्सवसमा गोरखनाथलाई रोट अपर्ण गर्ने साधक किशोर अकेलाले जानकारी दिनुभएको छ । चामलको पिठोमा चिनी र बिभिन्न किसिमका मसला मिसाएर घिउमा पकाएको बिशेष परिकारलाई रोट भनिन्छ । गुरु गोरखनाथलाई सबैभन्दा बढी मनपर्ने परिकार रोट भएकोले उहाँलाई खुशी पार्न रोट महोत्सव गरिएको हो ।
महोत्सवको पहिलो दिन हिजो विहान सदरमुकामबाट शोभायात्रा सुरु भई गोरखनाथ मन्दिर पुगेपछि विशेष पुजापाठ गरी महोत्सवको विधिवत शुरुवात भएको हो ।

२५५४ औं वुद्धजयन्ती गोरखामा

१३ जेठ २०६७
आज २५५४ औं वुद्धजयन्ती गोरखामा पनि विशेष कार्यक्रम गरी मनाइएको छ । गोरखा बौद्ध समूहलॆ शान्ति र् याली प्रवचन वुद्ध भजन र शान्तिको कामना सहित दिप प्रज्वलन गरी वुद्धजयन्ती मनाएको छ । समाजले आज वौद्ध गुम्बा निर्माण स्थल सतीपिपलमा कार्यक्रम गरी त्रिशरण सहित पाचशील ग्रहण गरेको छ । अध्यक्ष मोहनरत्न शाक्यको अध्यक्षतामा सम्पन्न कार्यक्रममा जगनिसं तमु नानुमाया थापा शेरबहादुर राना लगायतले मन्तब्य राख्नुभएको थियो ।
समारोहमा वुद्धको पुजाअर्चना प्रसाद ग्रहण गर्ने र शान्तिको कामना गरी वुद्ध भजन गाइएको सचिव विष्णु रानामगरले जानकारी गराउनुभयो । गोरखा बौद्ध समूहले आज अिहंसाका प्रर्वतक गौतम वुद्धको जन्मदीन भएकाले काटमार नगर्न सबैलाई आग्रह गरेको छ ।
त्यसैगरी नेपाल तामाङ महिला घेदुङले नगर समितिले एक कार्यक्रम गरी २५५४ औ वौद्ध जयन्ती मनाएको छ । अध्यक्ष गौरी तामाङको सभापतित्वमा सम्पन्न कार्यक्रममा नेपाल तामाङ घेदुङका जिल्ला अध्यक्ष सुकदेव तामाङ सचिव श्याम तामाङ पाकुली तामाङ र ममता तामाङले मन्तब्य राख्नुभएको थियो । उता २५५४ औं वुद्धजयन्तीकै अवसरमा तनहुँको आँबुखैरनीस्थित बौद्ध गुम्बामा पनि विशेष कार्यक्रम भएको छ । नगरक्षेत्रमा शान्तिपदयात्रा पछि गुम्बा परिसरमा पुजापाठ गरिएको आयोजकले जनाएका छन् ।

पैसा उठाएरै पुर् याए गाउँमा सडक

१३ जेठ २०६७
गोरखाको छोप्राक गाविस वडा नंबर ८ आरुवोटेका वासिन्दाले पैसा उठाएर गाउँमा सडक पुर् याएका छन् । स्थानीय वासिन्दाले ५ लाख २५ हजार रुपियाँ उठाएर खोप्लाङ्ग ४ सिाचाङ देखि ५ किलोमिटर सडक निर्माण गरेको उपभोक्ता समितिका सचिव राजेन्द्र पोखरेलले जानकारी दिनुभएको छ । सडक निर्माणगर्न स्थानीय १०० घरधुरीले १० हजार रुपियाँदेखि ४० हजार रुपियाँसम्म खर्च गरेका छन् ।
सडक निर्माण पुरा भएपछि आज आरुवोटे गाउँमा पहिलोपटक मोटर पुगेको छ । पहिलोपटक मोटर पुगेको अवसरमा आज स्थानीयले सवारी चालक रेशम रेउले र सहचालकलाई फुलमालाले स्वागत गरेका छन् । गाउँमाकृषि सडक पुगेपछि गाउँमा उत्पादित फलफुल र तरकारी बजारमा पुर् याउन र गाउँसम्म सामान ढुवानी गर्न सजिलो भएको उपभोक्ता समिति सचिव पोखरेलले बताउनुभयो ।

मनाए बैशाख पुर्णिमा

१३ जेठ २०६७
अति सीमान्तकृत वराम समुदायको सबैभन्दा ठुलो चाड बैशाख पुर्णिमा अर्थात चण्डी पुर्णिमा आज गोरखाका बराम समुदायले भब्यताका साथ मनाएका छन् । आज बरामहरुले घाटु पाउदुरे लगायतका लोपोन्मुख नाच देखाएर रमाइलो गर्ने चलन छ । बराम समुदायले आज कुखुराको वली दिएर चण्डी पुजा पनि गर्ने बराम विद्यार्थी संघका अध्यक्ष किरण बरामले जानकारी दिनुभएको छ ।
चण्डी पुर्णिमाको अवसरमा काठमाडौ ललितपुर नुवाकोट धादिङ गोरखा लगायतका बराम समुदायले काठमाडौको २२ धारामा चण्डी पुजा गरी पर्व मनाएका छन् ।

दर्ता नगरी औषधी पसल तथा एग्रोभेटहरु संचालनमा

१२ जेठ २०६७
गोरखाका अधिकांश औषधी पसल तथा एग्रोभेटहरु दर्ता नगरी संचालनभएको पाइएको छ । औषधी ब्यवस्था विभागको निरीक्षण शाखाले गत वर्ष मंसीरमा जिल्लाको २५ वटा औषधी पसल तथा एग्रोभेटमा निरीक्षण गर्दा ५ वटामात्र कानुनी रुपमा संचालनभएको पाइएको हो ।
बिभागले गरेको निरीक्षणपछि गत चैत २५ मा जिल्ला प्रशासन कार्यालयलाई बुझाएको प्रतिवेदनमा अधिकांश औषधी पसल दर्ता नगरी संचालनगरेको उल्लेख गरिएको छ । निरीक्षण गरिएको २५ मध्ये आरुचनौटेको आरुघाट मेडिकल हल रेक्सोना एग्रोभेट आरुघाट मेडिकल हलको गोर्खा शाखा सदरमुकामको कुशल एग्रोभेट, अमृत एग्रोभेट, सोफिया मेडिकेएर, सापकोटा मेडिकल हल र विरेाचोकको स्मृति फार्मेशी दर्ता नगरी संचालनगरिएको प्रतिवेदनमा जनाइएको छ ।
अन्य औषधी पसल निरीक्षणमा पनि लागु औषधि रेकर्ड नभएको दर्ता नभएको औषधी साचय गरेको ब्यवसायी अनुपस्थित भएको पाइएको छ । फार्मेसी अधिकृत पदम प्रसाद पौडेलद्धारा प्रस्तुत प्रतिवेदनमा भुषाल आयुर्वेद फर्मा जोशी आयुर्वेद शुभकामना भेट कन्सर्न पोखरेल भेटरीनरी सेन्टर र आमा बा फार्मेसी मात्र कानुनी रुपमा संचालनभएको उल्लेख गरिएको छ । सो प्रतिवेदनमा बिभागले आरुघाट बजारका सबै औषधी पसल र एग्रोभेटहरु गैर काननी रुपमा संचालनभएको बताएको छ ।

गोरखा अस्पताललाई स्वास्थ्य सामाग्री सहयोग

१२ जेठ २०६७
आफ्ना श्रीमान्को सम्झनामा गोरखा नगरपालिका वडा नंबर ५ डण्डीडाडाकी तीलकमारी कोइरालाले गोरखा अस्पताललाई स्वास्थ्य सामाग्री सहयोग गर्नुभएको छ । एक वर्ष अघि निधन भएका श्रीमान विरबहादुर कोइरालाको स्मृतिमा तिलकुमारीले श्रीमानको वार्षिकीको अवसर पारेर गोरखा अस्पताललाइ ४० हजार मुल्य बराबरको स्वास्थ्य सामाग्री प्रदान गर्नुभएको हो ।
पल्स अ_िक्समिटर नेवुलाइजर र फिटल बोटलर नामको उपकरण तीलकुमारीले आज एक कार्यक्रमका वीच गोरखा अस्पतालका प्रमुख डाक्टर गुणराज लोहनीलाई हस्तान्तरण गर्नुभएको हो ।
अस्पतालले विरामीलाई सेवा प्रदनान गर्न सहज होस् भनी स्वास्थ्य सामाग्री सहयोग गरेको तीलकुमारीका छोरा सोमबहादुर कोइरालाले जानकारी दिनुभएको छ । गोरखा अस्पतालले विरामीको सुविधाको लागि निकै राम्रो काम गर्दै आएकोले अझै सजिलो होस् भनी सहयोग गरेको उहँले बताउनुभयो ।

सातौ रोट महोत्सवका लागि भक्तजनहरु गोरखामा

१२ जेठ २०६७
बैशाख पर्णिमा तथा गोरखनाथ प्रकट दिवशको अवसर पारेर भोलीदेखि गोरखामा सुरु हुने सातौ रोट महोत्सवका लागि आज बिभिन्न जिल्लाबाट भक्तजनहरु गोरखा आएका छन् । भोली विहानैदेखि सुरु हुने रोट महोत्सवको कार्यक्रममा सहभागी हुन सिद्धाश्रम शक्ति केन्द्रका बिभिन्न जिल्ला शाखाबाट साधक साधिकाहरु पनि गोरखा आउन थालेका साधक किशोर अकेलाले जानकारी दिनुभएको छ ।
केन्द्रले महोत्सवको समयमा आउने भक्तजनलाई ब्यवस्थित गर्न स्वागत आवास पानी दाउरा र खानाका लागि छुट्टाछुट्टै उपसमिति निर्माण गरेर तयारी थालेको छ । केन्द्रले आवासको लागि गोरखनाथ मन्दिर नजिकै रहेको आफ्नै भवनमा आश्रमको ब्यवस्थ्ाा गरेको छ भने सुपथ मुल्यमा खानाको ब्यवस्था समेत गर्ने जनाएको छ ।
महोत्सवको दिन भोली विहान सातवजे देखि सदरमुकामबाट शोभायात्रा सुरु गर्ने र गोरखनाथ मन्दिर पुगेपछि विशेष पुजापाठ गरी महोत्सवको विधिवत सुरुवात गर्ने तयारी केन्द्रले गरेको छ । विहान माटोको पुर्णकलश सहित १ सय ८ कन्या गुरु गोरखनाथ र निखिलेश्वरको रथयात्रा मन्दिरमा पुर् याएपछि मन्दिरका पुजारीले मन्त्र उच्चारण गरी रोट महोत्सवको औपचारिक सुरुवात गर्ने कार्यक्रम छ । रोट महोत्सवको सुरु गर्ने बेलामा गोरखनाथ आश्रम छेउमा राष्ट्रिय झण्डा र सिद्धाश्रम शक्ति केन्द्रको झण्डा सहितको २२ हातको लिङ्गो ठड्याउने प्रचलन समेत छ ।
गोरखालाई धार्मिक पर्यटनको केन्द्रको रुपमा विकास गरी संसारभर चिनाउनका लागि महोत्सवको आयोजना गरिएको साधक अकेलाले स्पष्ट पार्नुभयो । चामलको पिठोमा चिनी र बिभिन्न किसिमका मसला मिसाएर घिउमा पकाएको बिशेष परिकारलाई रोट भनिन्छ । गुरु गोरखनाथलाई सबैभन्दा बढी मनपर्ने परिकार रोट भएकोले उहाँलाई खुशी पार्न रोट महोत्सव गर्न लागिएको हो । गुरु गोरखनाथलाई खुशी बनाउन सकेमा मुलुकमा सुख शान्ति र समृद्धि प्राप्त हुने शिद्धाश्रम शक्ति केन्द्रले जनाएको छ ।
यसवर्षको सवालाख रोट महोत्सवमा ४० क्वीन्टल चामलको पिठो ५ क्वीन्टल चिनी १५ सय लिटर लिटर घिउ र रोटलाई आवश्यक पर्ने मसलाहरु खर्च हुने साधक अकेलाले बताउनुभयो । सबै ब्यवस्थाका लागि केन्द्रले ८ लाख रुपियाँ खर्च हुने अनुमान गरेको छ ।

वुद्ध जयन्ती गोरखामा भब्य रुपमा मनाइने

१२ जेठ २०६७
२५ सय ५४ औ वुद्ध जयन्ती तथा वैश्ााख पुर्णिमा भोली गोरखामा भब्य रुपमा मनाइने भएको छ । गोरखा बौद्ध समूहलॆ शान्ति र् याली प्रवचन वुद्ध भजन र शान्तिको कामना सहित दिप प्रज्वलन गरी वुद्धजयन्ती मनाउने तयारी गरेको छ । भोली विहान ७ वजे सदरमुकामको पदेलीमा भेला भइ त्रिशरण सहित पाचशील ग्रहण गरी शान्ति पदयात्रा गरी गुम्बा निर्माण स्थल सतीपिपलमा वुद्ध जयन्ती समारोह गर्ने गोरखा बौद्ध समूहका सचिव विष्णु रानामगरले जानकारी दिनुभएको छ ।
समारोहमा वुद्धको पुजाअर्चना प्रसाद ग्रहण गर्ने र शान्तिको कामना गरी वुद्ध भजनगाउने कार्यक्रम रहेको उहाँले बताउनुभयो । समूहले भोलीको दिन अिहंसाका प्रर्वतक गौतम वुद्धको जन्मदीन भएकाले काटमार नगर्न सबैलाई आग्रह गरेको छ ।

खानेपानी मुहान देखि घरघरसम्म सरसफाई अभियान थालनी

१२ जेठ २०६७
गर्मीसंगै फोहरपानीले रोगको महामारी फैलने डरले लमजुङ सदरमुकाममा बेसीशहरमा पानीको मुहान देखि पानी उपभोग गर्ने घरघरसम्मको सरसफाई अभियान थालिएको छ ।
सिधै खोलाको पानी उपभोग गरिरहेका बेसीशहरबासिन्दाको स्वास्थ्यलाई मध्यनजर राखि बेसीशहर गाउँ विकास समितिमा रहेका नौवटै वडाका महिलाहरुले सरसफाई अभियान थालेको हो । मुहानदेखि पँधेरो र घरको भान्छा सम्म सबै भन्दा बढी पानीको प्रयोग महिलाहरुले गर्ने भएकाले उनीहरुलाई सचेतना जगाउन अभियान थालेको आयोजक वेसीशहर खानेपानी उपभोक्ता समितिका अध्यक्ष बामदेव अधिकारीले जानकारी दिनुभयो ।
अभियानमा सहभागी ३० जना महिलाहरुलाई खानेपानी तथा सरसफाई कार्यालयका ईिाजनिर कमल अर्याल र खानेपानीका अध्यक्ष अधिकारीलॆ खानेपानी गुणस्तर र सुधार सम्बन्धि सचेतनामूलक तालिम समेत दिएको थियो । सहभागी महिलाहरुलाई पानीको गुणस्तर सुधार प्रशोधन पानीको प्रयोग र बेसीशहर खानेपानी आयोजनाको विगत देखि वर्तमानसम्मको अबस्थाको बारेमा जानकारी गराइएको थियो ।
सदरमुकाम वेसीशहरमा पहिलो पटक आयोजना गरिएको सो कार्यक्रममा सहभागी महिलाहरुलाई बेसीशहरको पानीको मुहान ट्याङ्की र निर्माणधिन प्रशोधन केन्द्रमा समेत लगेर अवलोकन गराईएको थियो । ईिाजनियर अर्यालले पानीको मुहान देखि उपभोग गर्नेको मुखसम्म आईपुग्दाको विभिन्न चरणमा सरसफाईमा ध्यान दिनुपर्ने बताउनु भएको थियो । उहाँले सहभागी महिलाहरुलाइृ पानी शुद्धिकरणको लागि विभिन्न वैकल्पिक उपायहरुको बारेमा समेत जानकारी गराउनु भएको थियो ।
खोलामा बाढी आएको समयमा बेसीशहरबासीले उपभोग गर्ने पानीमा २ सय प्रतिशत सम्म धमिलोपन आउने गरेको छ । तीनवटा खोलाबाट सिधै ठूलोपँधेरास्थित टयाङ्कीमा ल्याई बेसीशहरका वासिन्दालाई पानी वितरण गर्ने गरिएको छ । यस्तै समस्यालाई मध्यनजर राख्दै १ करोड ९० लाख ७४ हजारको लागतमा बेसीशहरमा पानी प्रशोधन केन्द्रको निर्माण भईरहेको छ । पानी प्रशोधन केन्द्र यसै महिना भित्र निर्माण सम्पन्न गर्ने लक्ष्य राखिएको छ । केन्द्रको निर्माण पछि मिनिरल वाटरको पानी भन्दा बढी शुद्ध बेसीशहरका वासिन्दाले उपभोग गर्न पाउने ईिाजनियर अर्यालको दावी छ ।
सरसफाई अभियान खानेपानी तथा सरसफाई डिभिजन कार्यालय र बेसीशहर खानेपानी उपभोक्ता समितिको सयुक्त आयोजनामा भएको हो । जेठ २२ देखि २७ गते सम्म मनाईने राष्ट्रिय सरसफाई सप्ताहमा समेत बेसीशहरको सरसफाई सम्बन्धि अन्तरकि्रया कार्यक्रम राखिएको छ । सरसफाई सप्ताहको अवसरमा परेवाडाँडालाई खुल्ाा दिशामुक्त क्षेत्र घोषणा गाउँशहर र दुधपोखरीमा जनचेतना मूलक सरसफाई र् याली भोटेओडारमा बिद्यालय स्तरिय हाजिरीजवाफ तार्कुमा लोकगीत बेसीशहरमा जिल्ला बन कार्यालय र भूसंरक्षण कार्यालयको आयोजनामा बृक्षारोपण र लमजुङ उद्योग बाणिज्य संघको आयोजनामा बेसीशहर बजार सरसफाई र अन्तरकि्रया कार्यक्रमको आयोजना गरिने भएको छ ।

गोरखामा रोट महोत्सवको तयारी अन्तिम चरणमा

११ जेठ २०६७
बैशाख पर्णिमा तथा गोरखनाथ प्रकट दिवशको अवसरमा गोरखाको गोरखनाथ मन्दिरमा हुने रोट महोत्सवको तयारी अन्तिम चरणमा पुगेको छ । महोत्सवका लागि काठमाडौ लगायत अन्य जिल्लाका साधक साधिका तथा भक्तजनहरु गोरखा आउने क्रम सुरु भएको आयोजक सिद्धाश्रम शक्ति केन्द्रले जनाएको छ । केन्द्रले आवास पानी दाउरा स्वागत र खानाका लागि छुट्टाछुट्टै उपसमिति निर्माण गरेर तयारी थालेको साधक किशोर अकेलाले जानकारी दिनुभएको छ ।
केन्द्रले आवासको लागि गोरखनाथ मन्दिर नजिकै रहेको आफ्नै भवनमा आश्रमको ब्यवस्थ्ाा गरेको छ भने सुपथ मुल्यमा खानाको ब्यवस्था समेत गरेको छ । महोत्सवका लागि आज २० जना साधक साधिका गोरखा आइपुगेका छन् । काठमाडौ भक्तपुर ललितपुर चितवन दाङ लगायतका जिल्लाबाट भक्तजनहरु भोली गोरखा आउने कार्यक्रम रहेको साधक अकेलाले बताउनुभयो ।
बैशाख पुर्णिमाको दिन विहान सातवजे देखि सदरमुकामबाट शोभायात्रा सुरु गर्ने र गोरखनाथ मन्दिर पुगेपछि विशेष पुजापाठ गरी महोत्सवको विधिवत सुरुवात गर्ने तयारी केन्द्रले गरेको छ । विहान माटोको पुर्णकलश सहित १ सय ८ कन्या गुरु गोरखनाथ र निखिलेश्वरको रथयात्रा मन्दिरमा पुर् याएपछि मन्दिरका पुजारीले मन्त्र उच्चारण गरी रोट महोत्सवको औपचारिक सुरुवात गर्ने कार्यक्रम छ ।
गोरखामा धार्मिक पर्यटनको विकास गरी संसारभर चिनाउनका लागि महोत्सवको आयोजना गरिएको साधक किशोर अकेलाले बताउनुभयो । गुरु गोरखनाथलाई सबैभन्दा बढी मनपर्ने बस्तु रोट भएकोले उहाँलाई खुशी पार्न रोट महोत्सव गर्न लागिएको हो । गुरु गोरखनाथलाई खुशी बनाउन सकेमा मुलुकमा सुख शान्ति र समृद्धि प्राप्त हुने शिद्धाश्रम शक्ति केन्द्रले जनाएको छ ।
यसवर्षको रोट महोत्सवमा गत वर्ष भन्दा कम भक्तजनहरु सहभागी हुने केन्द्रको अनुमान छ । मुलुकमा जारी राजनीतिक विषम परिस्थितिका कारण भक्तजन घट्ने साधक अकेलाले बताउनुभयो । महोत्सवका लागि ८ लाख रुपियाँ खर्च हुने केन्द्रले बताएको छ ।

अखिल नेपाल किसान संघ २००७ को विरोध

११ जेठ २०६७
कृषि समाग्री कम्पनीले उपलब्ध गराएको ढुवानी सहुलियतको रासायनिक मल आधिकारीक कम्पनीलाई नदिएर कालावजारीलाई दिएको भन्दै अखिल नेपाल किसान संघ गोरखाले २००७ ले विरोध जनाएको छ । किसानहरुलाई रासायनिक मलको अत्याधिक आवश्यकता भएको बेला कृषि कार्यालयबाट ढुवानीको अनुमति प्राप्त कम्पनीलाई समस्या श्रृजना गरिएको र जिल्ला प्रशासन कार्यालय र कृषि कार्यालयले अन्य कम्पनी र ब्यापारीलाई महङ्गो मल बेच्न दिएको संघले आरॊप लगाएको छ ।
आधिकारिक मल ढुवानी गर्ने कम्पनीलाई मन्त्रीको सिफारिश माग गरि समस्या सिर्जना गरी अन्य कम्पनीसंग कमिशन खाइ मल ढुवानीको इजाजत दिइएको सचिव अमृत केसीद्धारा आज जारी विज्ञप्तिमा उल्लेख गरिएको छ । संघले यस्तो गतिविधिलाई अनियमितता र आर्थिक अराजकता भन्दै जिल्लाका सरकारी निकायलाई यस्तो अनियमितता बन्द गरी सुलभ तरिकाले किसानहरुले मल पाउने ब्यवस्था गर्न आग्रह गरेको छ ।

स्याटेलाइट क्लिनिक

११ जेठ २०६७
जिल्ला स्वास्थ्य कार्यालय र नारेश्वर उपस्वास्थ्य चौकीको आयोजनामा गोरखाका नारेश्वरमा साचालित स्याटेलाइट क्लिनिकमा आज १ सय ३५ जनाले स्वास्थ्य परीक्षण गराएका छन् । हरेक महिनाको दोश्रो मंगलवार साचालन गरिने क्लिनिकमा असाहाय अपाङ्गका लागि निशुल्क उपचार गराएका उपस्वास्थ्य चौकी प्रमुख शरद श्रेष्ठले जानकारी दिनुभएको छ ।
स्याटेलाइट क्लिनिकमा जिल्ला स्वास्थ्य प्रमुख डाक्टर गुणराज लोहनीले विरामीको स्वास्थ्य परीक्षण गर्नुभएको थियो ।

आँप बगैचाहरु लोप हुने खतरामा

११ जेठ २०६७
गोरखाको धुवाकोट मिरकोट च्याङ्ली लगायतका गाविसका आँप बगैचाहरु लोप हुने खतरामा पुगेका छन् । आँपका सार्वजानिक बगैचाहरु मानवीय अतिक्रमण पुराना रुखहरु मर्दै जाने र नयाँ रुख रोप्ने चलनको अभावमा बगैचाहरु लोप हुन थालेका हुन् ।
सार्वजानिक सम्पत्तिका रुपमा रहेका यस्ता बगैचामा स्थानीय वासिन्दा र वन कार्यालय जस्ता सरोकारवला निकायले कम चासो देखाएको मिरकोटका स्थिर खनालले बताउनुभएको छ । मिरकोटको झगरे बगैचा गाइखुरको लामबगैचा धुवाकोटको तल्लो र उपल्लो बगैचा वर्षेनी घट्दै जान थालेको उहुले बताउनुभयो । आँप बगैचा नासिदै जाँदा असार साउनमा आपको माडा बनाएर ब्यापार गर्दै आएकाहरु पनि समस्यामा परेका मिरकोटका कृष्ण न्यौपानेले बताउनुभयो ।

एक दिने संक्रमणकालीन न्याय र सिद्धान्त विषयक अन्तरकि्रया कार्यक्रम सम्पन्न

११ जेठ २०६७
मानव अधिकार उच्च आयुक्तको कार्यालयको सहयोगमा गोरखामा साचाति न्याय मार्फत शान्ति परियोजना अन्तर्गत क्षेत्र नंबर ३ का ५ गाविसमा एक दिने संक्रमणकालीन न्याय र सिद्धान्त विषयक अन्तरकि्रया कार्यक्रम आज सकिएको छ । हिमाली क्षेत्र विकास केन्द्र ग्रामीण सुदृढिकरण केन्द्र र उत्पीडित समुदाय विकास तथा अनुसन्धान केन्द्रको आयोजना साचालित कार्यक्रम मान्वु थुमी आरुआर्बाङ्ग आरुचनौटे र आरुपोखरी गाविसमा सम्पन्न भएको कार्यक्रम संयोजक काजीराम रोकाले जानकारी दिनुभएको छ ।
ती कार्यक्रमहरुमा द्वन्द्वपीडित उनीहरुका परिवार र सरोकारवालाहरुसंग छलफल गरी संक्रमणकालीन अवस्थामा द्वन्द्वपीडितको अवस्थाको बारेमा छलफल गरेको उहाँले बताउनुभयो । परियोजनाले आज आरुपोखरी गाविसको दरबार माविमा अन्तरकि्रर्या कार्यक्रम साचालन गरेको थियो ।
गाविस सचिव टेकबहादुर घर्तीको अध्यक्षतामा सम्पन्न कार्यक्रममा कार्यक्रम संयोजक रोकाले कार्यक्रमको उद्देश्यबारे प्रकाश पार्नुभएको थियो भने न्यायका लागि द्वन्द्वपीडित समाजकी सावित्रि खड्काले संक्रमणकालीन न्याय र यसका सिद्धान्तबारे सहभागीहरुलाई जानकारी गराउनुभएको थियो । कार्यक्रममा एकिकृत माओवादीका गाविस संयन्त्र सदस्य देवका खनाल नेकपा एमालेका विष्णु शर्मा खनाल दरबार माविका प्रधानाध्यापक दीर्घमान श्रेष्ठले लगायतले मन्तब्य राख्नुभएको थियो ।

खानेपानीको ताला खुल्यो

१० जेठ २०६७
गोरखा सदरमुकामका महिलाहरुले पृथ्वीनारायण खानेपानी तथा सरसफाई उपभोक्ता समितिको कार्यालयमा हिजो गरेको अनिश्चितकालीन तालावन्दी खुलेको छ । धारामा नियमित पानी नआएको भन्दै सदरमुकामस्थित शक्तिचोकका महिलाहरुले उपभोक्ता समितिको कार्यालयमा हिजो अनिश्चितकालिन तालावन्दी गरेका हुन् । हिजो दिउँसो कार्यालयमा पुगेका ३०÷३५ जना महिलाहरुको समूहले ताला लगाएको समितिले जनाएको छ । उपभोक्ताहरुले पानी नियमित नभएसम्मका लागि तालावन्दी जारी रहने बताएपनि समिति र उपभोक्ताको संयुक्त बैठकपछि ३ दिनभित्र आवश्यक पहल गरी खानेपानी वितरण नियमित गर्ने समितिको प्रतिबद्धतापछि तालावन्दी खुलेको हो । यता खानेपानी कार्यालयले भने विद्युत आपूर्ति नियमित नभएसम्म खानेपानीको समस्या समाधान गर्न नसक्ने जनाएको छ । विद्युत आपूर्ति अनियमित भएका कारण उपभोक्ताको माग अनुसार पानी उपलब्ध गराउन नसकेको उसले स्पष्ट पारेको छ ।

खुल्ला दिशामुक्त क्षेत्र घोषणाका लागि पहल

१० जेठ २०६७
गोरखाको पालुङटार गाविसलाई खुल्ला दिशामुक्त क्षेत्र घोषणाका लागि स्थानीय वासिन्दाले पहल शुरु गरेका छन् । जसका लागि अहिले गाविस भरि शौचालय निर्माणको अभियानलाई तीव्र बनाइएको छ । गाविसमा रहेका करीव ९ शय घरधुरी मध्ये अहिले आधाजसोमा शौचालय निर्माण भैसकेको शिक्षक ज्ञानबहादुर मिजारले जानकारी दिनुभएको छ । उहाँका अनुसार अहिले अन्य घरमा पनि शौचालय निर्माणका लागि तयारी भैरहेको छ । पहिलो चरणमा गाविसका ४ ७ ८ र ९ नम्वर वडालाई खुल्ला दिशामुक्त क्षेत्र घोषणा गरिने पनि उहाँले बताउनुभयो । सोही क्रममा स्थानीय भवानी उच्च माध्यमिक विद्यालयमा विद्यालयको अगुवाईमा पूर्ण सरसफाई कार्यक्रम सम्बन्धी एक दिने अभिमूखीकरण कार्यक्रम गरिएको छ । विद्यालय ब्यवस्थापन समितिका अध्यक्ष अशोकबाबु रोकाको अध्यक्षतामा भएको कार्यक्रममा जिल्ला खानेपानी तथा सरसफाई डिभिजन कार्यालय गोरखाका शक्तिबल्लभ पोखरेल र रप्रधानाध्यापक उमाकान्त देवकोटाले सहजीकरण गर्नुभएको थियो । सोही कार्यक्रममा सुनिल गिरीको अध्यक्षतामा ४६ सदस्यीय भवानी वाल क्लव पनि गठन गरिएको छ । जसको उपाध्यक्ष सुस्मिता खड्का सचीव विजय विक र कोषाध्यक्ष अस्मिता श्रेष्ठ रहनुभएको छ । क्लवले समुदायमा सरसफाईका बारेमा जनचेतना अभिवृद्धिका लागि काम गर्ने शिक्षक मिजारले जानकारी दिनुभएको छ ।

चार कोठे भवन निर्माण

१० जेठ २०६७
Happy Science जापान नामको सहयोगी संस्थाको सहयोग र स्थानीय वासिन्दाको सकि्रयतामा गोरखा ताप्लेको महालक्ष्मी माध्यमिक विद्यालयमा ४ कोठे भवन निर्माण भएको छ । संस्थाको २१ लाख ७२ हजार र बाँकी जनश्रम सहित कुल २७ लाख १६ हजार ८६ रुपैयाको लागतमा भवन निर्माण गरिएको प्रधानाध्यापक रहमतुल्लाह मियाले जानकारी दिनुभएको छ । भवनको एक कार्यक्रमका विच सहयोगी संस्थाका दक्षिण एशिया प्रमुख हिरोसी याइता र नेपाल प्रमुख नाओकी दाइहाताले संयुक्त रुपमा उद्घाटन गर्नुभयो । विद्यालय ब्यवस्थापन समितिका अध्यक्ष देवीबहादुर श्रेष्ठको अध्यक्षतामा भएको कार्यक्रममा जिल्ला शिक्षा अधिकारी योगराज भट्टराई पोखरा विश्वविद्यालय विज्ञान तथा प्रविधी संकायका डीन इश्वरचन्द्र वानियामहेन्द्र मावि कुन्दरका शिक्षक मीनबहादुर नेपाली जनज्योती निम्नमाध्यमिक विद्यालयका प्रधानाध्यापक यदुविलाश भट्टराई लगायतले मन्तब्य ब्यक्त गर्नुभएको थियो । सोही कार्यक्रममा संस्थाले सो विद्यालयका १० जना विद्यार्थीका उपलब्ध गराएको छात्रवृत्ति पनि विद्यालयलाई हस्तान्तरण गरेको छ ।

गोरखामा सवारी दूर्घटनामा कमी

९ जेठ २०६७
गोरखामा पछिल्ला दिनहरुमा सवारी दूर्घटनामा कमी आएको छ । त्यस्तै ट्राफिक नियमको उल्लंघन गरी सवारी चलाउने क्रम पनि घट्दै गएको जिल्ला ट्राफिक प्रहरी कार्यालयले जनाएको छ । ट्राफिक नियमको पालनामा गरिएको कडाइका कारण दूर्घटनामा कमी आएको कार्यालयले दावी गरेको छ । कार्यालयका अनुसार गएको चैत महिनामा जिल्लामा २ शय २१ सवारी दूर्घटना भएकोमा बैशाख महिनामा कमी आएको छ । बैशाख महिनामा जिल्लामा साना ठूला गरी १ शय ८१ वटा सवारी दूर्घटना भएका छन् । ट्राफिक नियम पालनामा गरिएको कडाईले दूर्घटनामा कमी आएसँगै राजस्व संकलन पनि कम भएको जिल्ला ट्राफिक प्रहरी कार्यालयका प्रमुख प्रहरी सहायक निरिक्षक सूर्य थापाले जानकारी दिनुभएको छ । कार्यालयले सवारी नियम उल्लंघन गर्नेमाथि गरेको कारवाहीबाट चैत महिनामा २७ हजार ७ शय रुपैया राजस्व संकलन गरेकोमा बैशाख महिनामा घटेर २४ हजार १ शय ५० रुपैया संकलन भएको छ ।
जिल्लामा ट्राफिक नियमको पालना नगरि सवारी साधन चलाउने क्रम बढेको गुनासो आएपछि चेकजाँचमा कडाई गरिएको ट्राफिक प्रमुख थापाले बताउनुभयो । कार्यालयले सकेसम्म दैनिक र नसकिए साप्ताहिक रुपमा छड्के जाँच गर्दै आएको उहाँको भनाई छ । सदरमुकाम र वजारक्षेत्रमा ट्राफिक नियम पालनामा कडाई गरिएपनि जिल्लाका कच्ची सडकहरुमा भने त्यो प्रभावकारी हुन नसकेको यात्रुहरुले गुनासो गर्दै आएका छन् । कच्ची सडकमा चल्ने सवारी साधनले छतमा यात्रु राख्ने र क्षमता भन्दा बढी यात्रु बोक्ने गरेका कारण दूर्घटनाको सम्भावना बढ्दै गएको उनीहरुको भनाई छ ।

रुख ढलेर च्याप्दा महिलाको मृत्यु

९ जेठ २०६७
हावाहुरीसंगै रुख ढलेर च्याप्दा तनहुँको थप्रेक गाविस वडा नं ५ लाकुरीबोटमा एक महिलाको ज्यान गएकॊ छ । घाँस बोकेर घरतर्फ फर्कदै गरेकी ५५ वर्षकी केशमाया सुनारको रुखले च्यापेर ज्यान गएकॊ हो । घाइते सुनारको पोखरास्थित पश्चिमााचल क्षेत्रीय अस्पतालमा उपचारका क्रममा मृत्यु भएको प्रहरीले जनाएको छ । यसैबीच मकवानपुरको काकडा १ सिलिङ्गेमा आज दिउसो रुख बाट लडेर ४ जना बिद्यार्थी घाईते भएका छन् । सिलिङ्गे माबिमा अध्यनरत उनीहरु असार फल खान गएको बेलामा रुखबाट खसेका थिए । रुखबाट लडेर रामबहादुर घलान असोक स्याङ्ताङ् युबराज घलान र दामन घलान घाईते भएका हुन् । घाईते मध्ये रामबहादुर र असोकको अबस्था गंभिर रहेको र उनीहरुको भरतपुर अस्पतालमा उपचार भैरहेको प्रहरीले जनाएको छ ।

तालिम सम्पन्न

९ जेठ २०६७
गोरखाको विरेन्चाकमा साचांलीत भुसरंक्षणमा महिला सहभागीता विषयक ४ दिने तालिम आज सकीएको छ । जिल्ला भू-संरक्षण कार्यालयले आयोजना गरेको सो तालिममा प्राकृतिक स्रोत संरक्षण र ब्यबस्थापन तथा प्रयोग सम्बन्धी प्रशिक्षण दिइएको थियो । गण्डकी बचत तथा ऋण सहकारी संस्थाका अध्यक्ष बेत्राबती वगालेको अध्यक्षतामा भएको समापन कार्यक्रममा प्रमुख अतिथी पत्रकार महासंघ गोरखाका अध्यक्ष किशोरजंग थापा जिल्ला भू संरक्षण अधिकृत टंकनारायण श्रेष्ठसहभागी सानुमायाँ राना लगायतले मन्तब्य ब्यक्त गर्नुभएको थियो । तालीममा १५ जना महीलाको सहभागीता रहेको थियो ।

माओवादी पनि संविधान सभाको म्याद थप्ने पक्षमा ः पुरुषोत्तम दाहाल

८ जेठ २०६७
मानवअधिकार तथा शान्ति समाजका केन्द्रीय अध्यक्ष पुरुषोत्तम दाहालले माओवादी पनि संविधान सभाको म्याद थप्ने पक्षमा रहेको दावी गर्नुभएको छ । शान्ति समाज गोरखाले आज गरेको संविधान सभा र शान्ति बिषयक अन्तरकि्रयामा बोल्दै दाहालले आफूसँगको भेटमा माओवादी उपाध्यक्ष डा। बाबुराम भट्टराईले आफूहरु संविधान सभाको म्याद थप्ने पक्षमा रहेको बताएको दाहालले खुलासा गर्नुभयो । राजनीतिक गतिरोध अन्त्यका लागि सरकारले माओवादीका केही सर्तहरु पूरा गरिदिनुपर्ने उहाँको भनाई छ । समस्या समाधानका लागि माओवादी प्रतिवद्ध भए प्रधानमन्त्रीले राजिनामा दिनुपर्ने अध्यक्ष दाहालले बताउनुभयो । समयमै संविधान बन्न नसक्नुमा प्रमुख ३ दल जिम्मेवार रहेको उहाँको भनाई छ । जनताको आकाँक्षा अनुसार समयमै संविधान जारी गर्न नसकेकोमा दलहरुले जनतासँग आत्मालोचित हुनुपर्ने पनि उहाँको भनाई छ ।
माओवादी लडाकुप्रति शंका नगर्न सरकारलाई आग्रह गर्दै अध्यक्ष दाहालले सेना समायोजनका लागि बैकल्पिक सुरक्षा दल निर्माण गर्नुपर्ने बताउनुभयो । मुलुकमा सीमा सुरक्षा राजमार्ग सुरक्षा भौतिक निर्माण र प्राकृतिक प्रकोपबाट बचाउनका लागि पनि थप सुरक्षा बल चाहिने भएकाले माओवादी सेना त्यसैमा अट्ने उहाँको सुझाब छ । त्यसो गरेमा रोजगारीका लागि बिदेशिएका लाखौँ नेपाली युवाहरुले रोजगार पाउने र बर्तमान समस्याको गाँठो पनि फुस्किने उहाँले दाबी गर्नुभयो ।
कार्यक्रममा बोल्दै नेपाली काँग्रेसकी सभासद् एवम् सचेतक कमला पन्तले माओवादीले विगतका सम्झौताहरुको पालना नगरेकै कारण दलहरुले उसप्रति शंका गरेको बताउनुभयो । माओवादीले कब्जा गरिएका घरजग्गा फिर्ता लगायतका सहमतिको पालना गरे राष्ट्रिय सहमतिको सरकार बन्ने पनि उहाँले बताउनुभयो ।
जिल्ला न्यायधिश प्रभा वस्नेतको प्रमुख आतिथ्यतामा भएको कार्यक्रममा एकिकृत नेकपा माओवादी गोरखाका सदस्य रामबहादुर ढकालनेपाली काँग्रेसका सचीव किरणबाबु श्रेष्ठ नेकपा एमालेकी सचीव सम्झना देवकोटा प्रमुख जिल्ला अधिकारी कमलमणि काफ्ले शान्ति समाजका केन्द्रिय सदस्यहरु स्थानेश्वर दवाडी सीता अधिकारी गोरखा क्याम्पसका प्रमुख डाक्टर लेखनाथ शर्मा द्रब्यशाह क्याम्पसका सहायक क्याम्पस प्रमुख एकदेव अधिकारी मानवअधिकार संगठनका अध्यक्ष दिलबहादुर बस्नेत निमित्त जिल्ला शिक्षा अधिकारी बाबुराम देवकोटाप त्रकार महासँघका सचीव भीमलाल श्रेष्ठ उद्योग वाणिज्य संघ गोरखाका अध्यक्ष रामबाबु जोशी नेपाल शिक्षक संघका अध्यक्ष नुरेश्वर अधिकारी नेपाल दलित संघका इश्वर परियार लोकतान्त्रिक गैर सरकारी संघका कमला लामिछाने लोकतान्त्रिक महिला समूहकी सवीना धिताल वमबहादुर थापा श्रीकृष्ण पौडेल पम्फा गान्धारी विश्वनाथ वाग्ले लगायतले मन्तब्य राख्नुभएको थियो ।

२ दिने पशु स्वास्थ्य सम्बन्धी तालीम सम्पन्न

८ जेठ २०६७
जनप्रीय महिला समुह अश्राङको आयोजना एबंम् स्वास्थ्य सुधार समुह गोरखाको सहयोगमा अश्राङमा साचांलीत २ दिने पशु स्वास्थ्य सम्बन्धी तालीम आज सकीएको छ । जनप्रीय र जनचेतना महीला समुहका २६ जनाको सहभागीता रहेको तालीममा आरुघाट पशुसेवा उपकेन्द्रका प्रमुख इन्द्रहरी खनालले ब्यबस्थीत बाख्रा पालन गोठ ब्यबस्थापन लगायतका विषयमा प्रशीक्षण दिनुभएको थियो । सो क्रममा महीलाहरुको आयआर्जनमा बृद्धी गर्ने उदेश्यले तालीममा सहभागी ६ जनालाई २ ÷२ वटा बाख्रा र सामुहीक रुपमा एउटा बोका निशुल्क प्रदान गरीएको स्वास्थ्य सुधार समुहका अध्यक्ष नवराज पोख्रलले जानकारी दिनुभएको छ । महीला समुहकी अध्यक्ष विष्णु भट्टको अध्यक्षतामा भएको कार्यक्रममा अनीता भट्ट यमबहादुर ढकाल पानमायाँ िसंखडा लगायतले मन्तब्य ब्यक्त गर्नुभएको थियो ।

तनहुँका कृषकलाई विभिन्न प्रजातिका धान तथा मल वितरण

८ जेठ २०६७
जिल्ल्ाा कृषि विकास कार्यालय तनहुँले जिल्लाका ५ सय उनान्नब्बे कृषकलाई विभिन्न प्रजातिका धान तथा मल वाँडेको छ । जिल्लाका १४ कृषि सेवाकेन्द्र तथा सम्पर्कस्थलबाट कृषकहरुलाई धानबालीको विउ तथा मल वितरण गरिएको कार्यालयका कृषि प्रसार अधिकृत रविन्द्र पौडेलले जानकारी दिनुभयो । कार्यालयले जलव्यवस्थापन आयोजना र कृषि प्रविधि प्रसार तथा सेवा आयोजना अन्र्तगत उन्नत जातका धानको विउ र मल वितरण गरेको जनाएको छ । जिल्लाका ७२ कृषकलाई बाली चक्र प्रर्दशन अन्र्तगत ६ केजी एमोनियम सल्फेट डिएपि ५ केजी पोटास ३ केजी र धानको विउ ३ केजी वितरण गरिएको छ । त्यस्तैजातीय नतिजा प्रदर्शन अन्र्तगत २६ जना कृषकलाई सावित्री र मकवानपुर १ जातको धानको विउ वितरण गरिएको छ ।यसैगरी सावित्रीमकवानपुर १ र सुनौलो सुगन्धा जातको ४ सय ८५ थान विउ तथा ६ जना कृषकलाई एस आर आई प्रविधिको विउ र मल समेत कार्यक्रम अन्र्तगत वितरण गरिएको कार्यालयले जनाएको छ । कृषकहरुले राम्रो उत्पादन लिउन् भन्ने उद्देश्यले उन्न्ात जातको विउ विजन वितरण गरिएको कृषि प्रसार अधिकृत पौडेलले जानकारी दिनुभयो ।