एकिकृत माओवादी कार्यकर्ताद्वारा काँग्रेस कार्यकर्तामाथि कुटपीट १ प्रहरी जवान पनि घाईते

१२ असार २०६७
एकिकृत माओवादी कार्यकर्ताको कुटपीटबाट गोरखामा १० जना कांग्रेस कार्यकर्ता र एक जना प्रहरी जवान घाइते भएका छन् । घाइतेमध्ये सुन्दर गुरुङ र लोकबहादुर गुरुङलाइ गोरखा अस्पतालमा उपचारपछि थप उपचारका लागि काठमाडौ लगिएको छ भने मनोज गुरुङ भक्तबहादुर गुरुङ राजकुमार गुरुङ मिाजत गुरुङ रोशन गुरुङ र राजेश गुरुङको गोरखा अस्पतालमा उपचार भइरहेको छ । अन्य दुइजना मध्ये टेकबहादुर गुरुङ घ्याम्पेशाल र धु्रव गुरुङ बुंकोटबाट ३ घण्टापछि मात्र उनीहरु सम्पर्कमा आएको प्रहरी नायब उपरीक्षक गोरख सिङ भण्डारीले जानकारी दिनुभएको छ ।
जिल्लाको घ्याम्पेशालबाट सदरमुकाम आउँदै गरेका काँग्रेस कार्यकर्ता बाटो कुरेर बसेका वाइसीएल कार्यकर्ताले गोरखा नगरपालीकाको ढुङ्गागाडे भाज्याङ्गमा आक्रमण गर्दा सुरक्षाका लागि खटिएको प्रहरी टोलीका जवान अनिलकुमार थापा पनि घाइते भएको जिल्ला प्रहरी कार्यालय गोरखाले जनाएको छ ।
घटनाबारे पूर्व सुचना पाएको प्रहरीले उनीहरुलाई आक्रमण गरिएको स्थानभन्दा आधा घण्टा टाढाबाट सुरक्षा दिएको थियो । तर वाइसीएलले उनीहरुलाई सुरक्षा घेराभित्रै आक्रमण गरेका हुन् । उनीहरुले रड ढुङ्गा खुकुरी लगायतका हतियारले आक्रमण गरेका घाइतेहरुले बताएका छन् । मसेल गाविसको दुल्लभ उच्च माध्यमिक विद्यालयको ब्यवस्थापन समिति गठनका क्रममा हिजो काँग्रेस र माओवादी समर्थित कार्यकर्ताविच सामान्य विवाद भएको थियो । त्यसैका कारण आज उनीहरुलाई आक्रमण गरिएको कांग्रेसले बताएको छ ।
घटनाप्रति नेपाली कांग्रेस गोरखाले खेद ब्यक्त गरेको छ । यो घटनाबाट माओवादीले अझैपनि िहंसा हत्याको राजनीति गरिराखेको पुष्टी भएको कांग्रेसका जिल्ला सचिव इश्वर पाण्डेले बताउनुभयो । िहंसाको राजनीति गरेर माओवादीले जनताको मतको खिल्ली उडाएको बताउनुभयो ।
यता एकिकृत माओवादी गोरखाले आक्रमण गरिएको स्विकार गर्दै पेशेवर अपराधीहरुलाई जनताले कारवाही गरेको दावी गरेको छ । जिल्ला सेक्रेटरी चुडामणि खड्काले विगतमा आफ्ना कार्यकर्तालाई आक्रमण गर्नेहरुलाई जनताले कारवाही गरेको बताउनुभयो । संविधानसभाको निर्वाचनको समयमा एकिकृत माओवादीका जिल्ला समितिका पूर्व सेक्रेटरी लोकप्रसाद वाजारालाई आक्रमण गर्नेहरु सोही समूहका भएकाले आक्रमण गरिएको उहाँले बताउनुभयो । आक्रमणकारीहरुको खोजी भैरहेको प्रहरी नायव उपरिक्षक भण्डारीले बताउनुभएको छ ।

सुधारिएको चुल्हो निर्माण गर्ने प्रवद्र्धकहरुलाई पुरस्कार प्रदान

१२ असार २०६७
गोरखाको बिभिन्न गाउँमा सुधारिएको चुल्हो निर्माण गर्ने प्रवद्र्धकहरुलाई आज पुरस्कार प्रदान गरिएको छ । क्षेत्रीय नवीकरणीय उर्जा सेवा केन्द्र ग्रामीण शशक्तिकरण समाज तनहुँको आयोजनाको सहयोग र हिमाली क्षेत्र विकास केन्द्र तथा जिल्ला सहकारी संघ गोरखाको आयोजनामा धेरै सुधारिएको चुल्हो निर्माण गर्न सफल प्रवद्र्धकलाई पुरस्कार प्रदान गरिएको हो ।
सो कार्यक्रममा सौरपानकिा डिलबहादुर थापा पहिलो हुनुभएको छ । उहाँलॆ प्रेसर कुकर कसौडी पानी फिल्टर करुवा र थाल गरी ४ हजार बराबरको पुरस्कार जित्नुभएको छ । त्यसैगरी ताकुमाझ लाकुरीबोटका मिना पाठकले दोश्रो ताप्लेका टिका बानियाँ तेश्रो र गाइखुरका शुशीला न्यौपाने र जानुका भुजेलले सान्त्वना पुरस्कार पाउनुभएको छ । उहाँहरुले क्रमश ३ हजार २ हजार र १ हजार रुपियाँ बराबरको पुरस्कार जित्नुभएका हिमाली क्षेत्र विकास केन्द्रका सदस्य कल्पना उपरकोटीले जानकारी दिनुभएको छ ।
आजैको कार्यक्रममा १० जना चुल्हो प्रवद्र्धकलाई प्रमाणीकरण बोर्ड पनि प्रदान गरिएको छ । जिल्ला सहकारी संघका अध्यक्ष बाबुराम अर्यालको अध्यक्षतामा सम्पन्न कार्यक्रममा स्थानीय विकास अधिकारी राजकुमार श्रेष्ठ क्षेत्रीय नवीकरणीय उर्जा सेवा केन्द्रका अध्यक्ष सरिता गुरुङ गैर सरकारी संस्था महासंघका अध्यक्ष काजीराम रोका सिकोडरका कार्यक्रम संयोजक हरि अधिकारी जिल्ला उर्जा तथा वातावरण शाखाका प्रमुख हरि देवकोटा हिमाली क्षेत्र विकास केन्द्रका कोषाध्यक्ष रोजी गुरुङ परिवर्तनशिल प्रवद्र्धन संघका अध्यक्ष कविता भट्ट लगायतले मन्तब्य राख्नुभएको थियो ।

स्थानीय युवाहरुद्वारा पानी ट्याङ्की मर्मत

१२ असार २०६७
स्थानीय युवाहरुले गोरखाको आरुचनौटे गाविस ३ आरुटारमा पानी ट्याङ्की मर्मत गरेका छन् । आदर्श युवा क्लबका २५ भन्दा बढी युवाहरुले श्रमदान र करिब ५ हजार रुपियाँ खर्च गरेर गाउँको पानी ट्याङ्की मर्मत गरेका हुन् ।
डोजर लगाएर स्थानीय जनशक्ति निमाविको खेलकुद मैदान बनाउदा क्षतिग्रस्त पानी ट्याङकीको मर्मत गरेपछि सो क्षेत्रको २५ घरधुरीलाई खानेपानीको सुविधा भएको क्लबका अध्यक्ष सुनिल श्रेष्ठले जानकारी गराउनुभयो । उता गोरखा बक्राङ्गको लालीगुराँस महिला समूहले आफ्नै लगानीमा गाउँमा ठाटी निर्माण गरेका छन् । कुल ७१ हजार ५ शय २१ रुपैयाको लागतमा स्थानीय चिसोपानी डाँडामा निर्माण गरिएको ठाँटीको आज एक कार्यक्रमका विच गाविस सचिव ऋषिराम ढकालले उद्घाटन गर्नुभयो । ठाँटी निर्माणका लागि स्थानीय अमृत आचार्य र मेनुका आचार्यले जस्तापाता सहयोग गर्नुभएको महिला समूहकी अध्यक्ष होमकुमारी श्रेष्ठले जानकारी दिनुभयो ।

सजिवन रोपियो

११ असार २०६७
तनहुँको आँबुखैरेनी गाविसको सडक किनारामा सजिवन रोपिएको छ । आँबुखैरेनी गाविसको मिलनचोक देखि सत्रसयसम्म पृथ्वी राजमार्गको ८ किलोमिटर क्षेत्रमा सजिवनको १८ सय विरुवा रोपिएको एभरेष्ट बायोडिजल कम्पनी प्रालिका कृष्ण धितालले जानकारी दिनुभएको छ । स्थानीय मस्र्याङ्दी बहुउद्देश्यीय सहकारी संस्थाको सकि्रयतामा राजमार्ग छेउछाउको खेर गएको जमिनमा विरुवा रोपिएको हो ।
त्यसैगरी आजै तनहुँ सत्रसयको मित्रता उच्च माविको ३० रोपनी जग्ग्ाामा पनि सजिवन रोपिएको छ । प्रयोगविहीन अवस्थामा रहेको सो जग्गामा सजिवन रोप्न विद्यार्थी शिक्षक र अभिभावकले खाल्डो खन्ने विरुवा रोप्ने पानी हाल्ने काम गरेका थिए । सो अवसरमा शिक्षक अभिभावक संघका अध्यक्ष अरि नारायण पौडेल सजिवन विशेषज्ञ डाक्टर खेमराज भट्टराई र सिताराम घिमिरे मस्र्याङ्दी बहुउद्देश्यीय सहकारी संस्थाका अध्यक्ष नारायण भट्टराई विद्यालयका प्राचार्य सुरेन्द्र वोगटी शिक्षक धु्रव अधिकारी लगायतले सजिवनको महत्वबारे प्रकाश पार्नुभएको थियो ।
उहाँहरुले सजिवन खेतीले वातावरण संरक्षणमा टेवा पुर् याउने खेर गएको जमिनबाट आम्दानी लिन सकिने जस्ता फाइदाबारे चर्चा गर्नुभएको थियो । सो ठाउँका लागि आवश्यक सम्पुर्ण विउ तथा वेर्नाहरु एभरेष्ट बायोडिजल कम्पनीले उपलब्ध गराएको थियो ।

जरिवानाको रकमले भवन निर्माण

११ असार २०६७
गाउँमा जुवातास जाँडरक्सी खानेहरुलाई जरिवाना गरेर संकलन गरिएको रकमले गोरखा मान्वुका महिलाहरुले भवन निर्माण गरेका छन् । मान्वु ८ धुन्चेतको कामना महिला समूहले गाउँमा जुवातास र जाँडरक्सी नियन्त्रण गर्न चालेको अभियान र नियमित वचतको रकमबाट भवन निर्माणमा पैसा जुटाएको अध्यक्ष प्रतिमा गुरुङले बताउनुभयो ।
गाउँमा जुवातास खेल्ने र जाँडरक्सी खानेहरुलाई महिलाहरुले एकपटकमा १०० रुपियाँभन्दा बढी जरिवाना गर्ने नियम बनाएका छन् । उनीहरुले नपुग रकम चाडबाडको समयमा गाउँमा सांस्कृतिक कार्यक्रम देखाएर र मासिक वचतबाट जम्मा पारेका थिए ।
सबै क्षेत्रबाट जम्मा पारिएको १ लाख ५० हजार रुपिया र श्रमअदानबाट भवन निर्माण गरेको अध्यक्ष गुरुङले बताउनुभयो । भवन निर्माणका लागि उनीहरुले झण्डै १५ दिन श्रमदान गरेका थिए । भवन निर्माण गरेपछि गाउँघरमा बैठक वस्न महिला समूहको काम साचालनमा सजिलो भएको उहाँले बताउनुभयो ।

घाटु नाच विसर्जनको तयारी

११ असार २०६७
गोरखाको लापु गाविसको लापु वेशीमा घाटु नाच विसर्जनका लागि स्थानीयले तयारी गरेका छन् । माघे संक्रान्तिबाट सुरु भइ हरेक औशी पुर्णिमामा देखाइने घाटु नाच असार पुर्णिमाको अवसर पारेर भोली समापन हुने भएकाले स्थानीय वासिन्दा घाटु नाच्ने र घर निर्माणको तयारीमा जुटेका हुन् ।
घाटु नाच विसर्जनका लागि स्थानीयले बाँसको बार लगाएर विशेष ठाउँ बनाउने र बाहिरबाट घाटु हेर्न आउनेलाई खानपीनको बन्दोवस्त गर्ने शिक्षक जीव गुरुङले बताउनुभयो । गाउँमा नाच हेर्न छिमेकी गाविस र अन्य ठाउँबाट आउने पाहुनाहरुलाई खानपीन र वसोवास निशुल्क रुपमा गर्न स्थानीयले चामल र तरकारीहरु समेत संकलन गरेको उहाँले बताउनुभयो ।
घाटु विसर्जनका लागि पुर्णिमाकोदिन पारेर भोली गाउँको देउरालीमा फुल अक्षता चढाएर विधिपुर्वक पुजा गर्ने प्रचलन छ । घाटु विसर्जन पछि २ महिना विश्राम र खेतीपातीको काम गरेर असोज महिनाबाट मारुनी नाच्न सुरु गरिने शिक्षक गुरुङले बताउनुभयो ।

परिचयात्मक कार्यक्रम

११ असार २०६७
गोरखाका प्रहरी नायब उपरीक्षक गोरखिसंह भण्डारीले दण्डहीनताको अवस्था अन्त्यका लागि जिल्लाका राजनीतिक दल र नागरिक समाजले सहयोग गर्नुपर्ने बताउनुभएको छ । दण्डहीनता जिल्लाको मात्र नभएर देशकै समस्या बनेको भन्दै उहाँले जिल्लामा यस्तो अवस्था आउन नदिन सबैको सहयोग र सुझावका साथ अघि बढ्ने प्रतिवद्धता जनाउनुभयो ।
जिल्ला प्रहरी कार्यालय गोरखामा आयोजित परिचयात्मक कार्यक्रममा जिल्लाका राजनीतिक दल र पत्रकारहरुमाझ उहाँले जिल्लामा शान्ति सुरक्षा कायम राख्नका लागि प्रहरीको एक्लो प्रयासले मात्र संभव नहुने स्पष्ट पार्नुभयो । उहाँले सदरमुकामदेखि आँबुखैरेनी वीचमा प्रहरी वीट राख्न आफुले पहल गर्ने बताउनुभयो ।
परिचयात्मक कार्यक्रममा नेपाल पत्रकार महासंघ गोरखाका अध्यक्ष किशोरजंग थापाले राजनीतिक दल र शक्ति केन्द्रका कारण जिल्लामा दण्डहीनताको अवस्था बढेको बताउनुभयो । उहाँले दवावका कारण यसअघि अपराधीहरु छुटिरहेको उल्लेख गर्दै पत्रकारहरुको पनि असुरक्षाको अवस्था रहेको अवगत गराउनुभयो ।

जलवायु परिवर्तन र रेड संबन्धि छलफल सम्पन्न

११ असार २०६७
सामुदायिक वन उपभोक्ता महासंघ गोरखाको आयोजनामा आज गोरखाको विरेाचोकमा जलवायु परिवर्तन र रेड संबन्धि छलफल र अन्तरकि्रर्या कार्यक्रम सम्पन्न भएको छ । कार्यक्रममा लुदी खोला जलाधार क्षेत्रमा साचालित जलवायु परिवर्तन संबन्धि नमुना कार्यक्रमको बारेमा छलफल भएको थियो । लुदीखोला जलाधार क्षेत्र स्तरिय रेड साजालका अध्यक्ष रोलकबहादुर थापाको अध्यक्षतामा सम्पन्न कार्यक्रममा सचिव भुरमण घिमिरेले साजालको भुमिका उद्देश्य र हालसम्म साचालन गरेका गतिविधिहरुबारे जानकारी गराउनुभएको थियो ।
कार्यक्रममा सामुदायिक वन उपभोक्ता महासंघ गोरखाका अध्यक्ष दिपक भट्टराईले जलवायु परिवर्तन संबन्धि कार्यक्रम जिल्लाको अन्य वन समूहमा पनि साचालनको प्रयास भइरहेको बताउनुभयो । कार्यक्रममा इसिमोड नेपालका प्रमुख डाक्टर भास्कर िसंह कार्की र एन्साबका प्राविधिक रिजन ताम्राकारले रेड नमुना कार्यक्रमको संस्थाको भुमिका बारे जानकारी गराउनुभएको थियो ।
कार्यक्रम पश्चात रेड साजाल क्यानेडियाका विद्यार्थी सहकर्ता र जिल्ला महासंघका पदाधिकारीहरुले वन क्षेत्रमा कार्बन मापन नमुना प्लटको अवलोकन गरेका थिए ।

समता शिक्षा निकेतनको विद्यालय भवन गोरखामा शिलान्यास

१० असार २०६७
सुपथ मुल्यमा गुणस्तरिय शिक्षा उपलब्ध गराउदै आएको समता शिक्षा निकेतनको विद्यालय भवन आज गोरखामा शिलान्यास भएको छ । सो विद्यालयको १८ औ शाखाको रुपमा गोरखा नगरपालिका १ मा नयाँ चौतारामा विद्यालयको भवन शिलान्यास गरिएको हो । सो विद्यालयको आज एक कार्यक्रमका वीच गैर आवासीय नेपाली संघका पूर्व अध्यक्ष उपेन्द्र महतो र बरिष्ठ कलाकारद्धय मदनकृष्ण श्रेष्ठ र हरिबंश आचार्यले संयुक्त रुपमा शिलान्यास गर्नुभएको हो । आगामी शैक्षिक शत्रदेखि विद्यालय साचालन गर्ने लक्ष लिएको सो संस्थाले केही समयपछि भवन निर्माणको काम सुरु गर्ने जनाएको छ ।
विद्यालय साचालनका लागि गोरखा नगरपालिका १ तिनधारेका वासिन्दा तथा प्रहरी नायब उपरीक्षक राजुबाबु श्रेष्ठले साँढे ५ रोपनी जग्गा दान गर्नुभएको हो । गोरखामा समता शिक्षा निकेतन चाँडै स्थापना गर्ने आफ्नो चाहनाका कारण जग्गादान गरेको उहाँले बताउनुभयो । आफुले विद्यालय शिक्षा लिनेक्रममा धेरै अफ्ठेरो भोग्नुपरेको बताउँदै उहाँले गोरखाका वालवालिकाहरुले सुपथ मुल्यमा गुणस्तरिय शिक्षा लिन सकुन भन्ने उद्देश्यले पुख्र्यौली जग्गा दान गरेको बताउनुभयो ।
भवन शिलान्यास कार्यक्रममा समता शिक्षा निकेतनका संस्थापक उत्तम साजेलले गुणस्तरिय शिक्षा सुपथ मुल्यमा उपलब्ध गराउन विद्यालय साचालन गरेको बताउनुभयो । सो विद्यालयको ७५ वटै जिल्लामा शाखा साचालन गर्ने लक्ष रहेको पनि उहाँले स्पष्ट पार्नुभयो ।

सार्वजानिक सुनुवाइ कार्यक्रम

१० असार २०६७
सरकारी निकायको सेवा संबन्धमा सर्वसाधारणको गुनासो समेट्ने उद्देश्यले गोरखामा आज सार्वजानिक सुनुवाइ कार्यक्रम आयोजना गरिएको छ । जिल्ला विकास समिति गोरखाको आयोजनामा सदरमुकामको जिविस सभाहलमा सुरु भएको कार्यक्रममा सर्वसाधारणले सरकारी सेवाका विषयमा जिज्ञासा राखेका छन् भने सरकारी कार्यालयका प्रमुखहरुले समाधानको प्रयास गर्नुभएको थियो ।
सो कार्यक्रममा बिभिन्न १५ कार्यालयले प्रदान गर्ने सेवा सुविधा र साचालन गर्ने योजनाको विषयमा सर्वसाधारणको गुनासो र संबन्धित निकायको जवाफ र प्रतिवद्धता समेट्ने प्रयास गरिएको जिविसले जनाएको छ । कार्यक्रममा सर्वसाधारणले जिल्ला विकास समितिले साचालन गरेका कामहरुमा बढी जिज्ञासा राखेका थिए ।
उनीहरुले जिल्लामा साचालित योजनाहरुको अवस्था योजना छनोटको प्रकि्रया पेश्की र फछ्र्चयौटको अवस्था गोरखा आरुघाटको मोटर बाटोको विषयमा जिज्ञासा राखेका थिए । सर्वसाधारणले सरकारी कार्यालयले सेवा प्रदानमा ढिलासुस्ती गरेको सरकारी अधिकारीहरु औपचारिक कार्यक्रममा बढी सहभागी भएको विषयमा पनि गुनासो गरका थिए ।
करिब साँढे २ घण्टा चलेको सुनुवाइ कार्यक्रममा सर्वसाधारणले सोधेको जिज्ञासाको प्रमुख जिल्ला अधिकारी कमलमणि काफ्ले स्थानीय विकास अधिकारी राजकुमार श्रेष्ठ गोरखा नगरपालिकाका कार्यकारी अधिकृत रामचन्द्र अधिकारी जिल्ला कृषि विकास कार्यालयका प्रमुख बुद्धिबहादुर थापा लगायतका कार्यालय प्रमुखहरुले उत्तर दिनुभएको थियो । सो कार्यक्रमको रेडियो गोरखाले प्रत्यक्ष प्रशारण गरेको थियो ।

जिल्ला शिक्षा कार्यालयमा तालाबन्दी

९ असार २०६७
राहत शिक्षकहरुको समस्यालाई राज्यले संबोधन नगरेको भन्दै गोरखाका राहत शिक्षकहरुले पनि आजदेखि जिल्ला शिक्षा कार्यालयमा तालाबन्दी गरेका छन् । आफुहरुलाई पेशागत हकहित सेवा सुविधा र वृत्ति विकासमा राज्यले बिाचत गराउदै आएको भन्दै राहत शिक्षक संघर्ष समिति गोरखाले जिल्ला शिक्षा कार्यालयमा आजदेखि ३ दिनसम्म तालाबन्दी गर्ने जनाएको छ ।
सरकारी दरबन्दीका शिक्षकहरु सरह कुनै नीतिगत ब्यवस्था नगरिनु राहत दरबन्दीमा वितरण हुने रकम दामासाही हिसाबले बुडेर लिनुपर्ने अवस्था र दरबन्दी सिर्जना गरी स्थायी गराउने प्रकि्रया सुरु नगरेकाले विरोध स्वरुप तालाबन्दी गरेको समितिका कार्यबाहक अध्यक्ष टेकबहादुर उपरकोटीले बताउनुभयो । आफुहरुको जायज मागलाइ सरकारले वेवास्ता गरेकोले माग कार्यान्वयनमा दबाब दिन आन्दोलन गर्नुभपरेको उहाँले बताउनुभयो ।
उता अखिल नेपाल शिक्षक संगठन गोरखाले पनि एक विज्ञप्ति जारी गरी राहत शिक्षक संघर्ष समितिले गरेको आन्दोलनप्रति एक्येबद्धता जनाएको छ । अध्यक्ष विरबहादुर तमुद्धारा जारी विज्ञप्तिमा राहत शिक्षकहरुको पेशागत हकहित र अधिकारको सुनिश्चितताको लागि समितिले गरेको बन्दप्रति ऐक्यबद्धता रहेको उल्लेख गरिएको छ ।

विद्यालय स्तरिय निबन्ध प्रतियोगितामा उत्कृष्टलाई पुरस्कृत

९ असार २०६७
एघारौ राष्ट्रिय सरसरसफाइ सप्ताहको अवसरमा गोरखामा साचालित विद्यालय स्तरिय निबन्ध प्रतियोगितामा उत्कृष्ट छात्रछात्रालाई आज पुरस्कृत गरिएको छ । खानेपानी तथा सरसपाई डिभिजन कार्यालय गोरखाले आज एक कार्यक्रम आयोजना गरी पहिलो हुने विजया भवानी उच्च मावि मकैसीकी पुष्पा श्रेष्ठ दोश्रो हुने महालक्ष्मी उच्च मावि लक्ष्मीबजारका प्रदिप सिर्मल तेश्रो हुने रत्नराज्य मावि विरिाचोकका सुजन सापकोटा र सान्त्वना हुने रामशाह मावि देउरालीका सुजन नराललाई नगद पुरस्कार र प्रमाणपत्र वितरण गरेको हो ।
उनीहरुलाई क्रमश २ हजार १ हजार ५ सय १ हजार र ५ सय रुपियाँ प्रदान गरिएको खानेपानी तथा सरसफाई डिभिजन कार्यालयले जनाएको छ । खानेपानी तथा सरसफाई जिल्ला समितिका अध्यक्ष तथा स्थानीय विकास अधिकारी राजकुमार श्रेष्ठको अध्यक्षतामा सम्पन्न कार्यक्रममा खानेपानी कार्यालयका प्रमुख धु्रुवमणि पौडेल जिल्ला शिक्षा कार्यालयका बाबुराम देवकोटा गोरखा क्याम्पसका उपप्राध्यापक यदु अधिकारी लगायतले मन्तब्य राख्नुभएको थियो ।

वल्ल भयो मध्यमस्र्याङ्दीमा पुरा उत्पादन

९ असार २०६७
नदीमा पानीको वहाव वढेपछि मध्यमस्र्याङ्दी जलविद्युत परियोजनाले पुरा क्षमतामा उत्पादन दिन थालेको छ । ७० मेगावाट क्षमताको भनिएको परियोजनाको क्षमता ८० मेगावटसम्म भएकोले पिक आवरमा ७५ मेगावटसम्म उत्पादन गर्दै परियोजनाले जनाएको छ । परियोजनाका जलविद्युत उत्पादन केन्द्रका प्रमुख महेन्द्र अधिकारीका अनुसार नदीमा पानीको वहाव वढेको र ८० मेगावट क्षमता सम्मको परियोजनाबाट पिक आवरमा ७५ मेगावटसम्म विजुली उत्पादन गर्दै आएको जानकारी दिनुभएको छ ।
गोरखा कारागारको आयोजनामा आजदेखि गोरखाका बन्दीहरुलाई मनोविज्ञान परामर्श तथा योग अभ्यास गराइएको छ । कारागार ब्यवस्था विभाग काठमाडौको कार्यक्रम अन्तर्गत बन्दीहरुको मनोवैज्ञानिक क्षमता अभिवृद्धिका लागि योग अभ्यास कार्यक्रम राखिएको जेलर केदार प्रसाद धितालले बताउनुभयो ।
योग अभ्यास कार्यक्रममा पताजली योग समिति चितवनका अध्यक्ष तथा योगगुरु यदुनाथले योग सिकाउनुभएको छ । सो कार्यक्रमको आज आयोजित उद्घाटन कार्यक्रममा सहायक प्रमुख जिल्ला अधिकारी कृष्णप्रसाद भण्डारी पताजली योग समिति गोरखाका अध्यक्ष भाइचन्द्र श्रेष्ठ जेलर केदारप्रसाद धिताल लगायतले मन्तब्य राख्नुभएको थियो । योग शिविरमा ५५ जना बन्दीहरुको सहभागीता रहेको छ ।

भुमिगत समुहको धम्कीले गोरखाका सचिवहरुले राजीनामा नदिने

८ असार २०६७
भुमिगत समूहले राजीनामाका लागि धम्कीपुर्ण पत्र पठाएपनि गोरखाका गाविस सचिवहरुले राजीनामा नदिने भएका छन् । एक साताअघि हुलाकमार्फत धम्कीपुर्ण पत्र पाएका गाविस सचिवहरुले तत्काल राजीनामा नदिने बताएका हुन् । आर्थिक वर्षको समाप्तीमा सर्बसाधारणको काम धेरै हुने भएकाले राजीनामा दिएर गैर जिम्मेवारपुर्ण काम नगर्ने सचिवहरुले बताएका हुन् ।
जनताको सेवाका लागि काम गर्दै आएकाले राजीनामा दिनुपर्ने कुनै कारण नरहेको थुमी गाविस सचिव तीर्थराज भट्टले बताउनुभयो । आर्थिक वर्ष सकिन लाग्दा गाविसको दोश्रो र तेश्रो किस्ता बजेट झिकेर गाउँका बिभिन्न योजनाहरुमा वितरण गर्नुपर्ने अवस्थामा राजीनामा दिदा विकास निर्माण प्रभावित हुने भएकाले राजीनामा नदिने उहाँले बताउनुभयो ।
सचिवहरुले तत्कालका लागि गाउँमा गएर काम गर्न सक्ने अवस्था नभएपनि सदरमुकाममा नै वसेर सेवाग्राहीको काम गर्ने बताएका छन् । धम्कीले गाउँमा गएर काम गर्नसक्ने वातावरण नभएकाले द्वन्द्वकालमा जस्तै सदरमुकाममा बसेर काम गर्ने गाविस सचिव हकहित संरक्षण केन्द्र गोरखाका सचिव प्रकाश शर्माले बताउनुभयो ।
अहिले गोरखाका अधिकांश गाविसमा तेश्रो किस्ता बजेट पुग्न सकेको छैन भने कतिपयको दोश्रो किस्ता समेत गएको छैन । सचिवहरुले काम गर्न कठिन भएमा सम्पुर्ण सचिवहरुवीचको छलफलबाट निर्णय लिने बताएका छन् । संयुक्त जातीय मुक्ति मोर्चा नेपाल नामको समूहले सचिवहरुलाई राजीनामा नदिएमा जे पनि हुन सक्ने भन्दै धम्कीपुर्ण पत्र पठाएको थियो । उता सचिवहरुले भने आफुहरुलाई गाविस अध्यक्षको समेत काम गरेकाले राजीनामाको धम्की आएको अनुमान गरेका छन् । अरु कार्यालयका कर्मचारीलाई धम्की नआउने र गाविस सचिवलाई मात्र धम्की आउँनाले गाविस अध्यक्षको समेत काम गरेकाले हुन सक्ने सचिव तीर्थराज भट्टले बताउनुभयो ।

वर्षाले विद्यालय भवनमा क्षति

८ असार २०६७
गएरातीको भारी वर्षाले गोरखा तान्द्राङ गाविसको ६ कोठे विद्यालय भवनमा क्षति पुर् याउदा पठन पाठन प्रभावित भएको छ । ६ कोठे भवनको तीन कोठा पुरै भत्केको र बाँकी भवनमा पनि क्षति पुर् याएको विद्यालय ब्यवस्थापन समितका अध्यक्ष शेषनाथ भट्टराईले जानकारी दिनुभएको छ । विद्यालयको भवन भत्केपछि कक्षाकोठाको अभावमा १ देखि ४ कक्षासम्मको पठन पाठन आजदेखि बन्द भएको छ । आर्थिक अभावका कारण जीर्ण भवन मर्मत गर्न नसकिने अध्यक्ष भट्टराईले बताउनुभयो ।

गोरखाका गाविस सचीवहरु त्रसित

६ असार २०६७
संयुक्त जातीय मुक्तिमोर्चा नामको भूमिगत संगठनले सामुहिक राजीनामाको माग सहित धम्किपूर्ण चिठी पठाएपछि गोरखाका गाविस सचीवहरु त्रसित बनेका छन् । पोष्ट वक्स नम्वर १ शय २४ ठमेल काठमाण्डौको ठेगानाबाट गएको जेठ ३१ गते चेतावनीपूर्ण पत्र आएपछि सचीवहरु चिन्तित भएका छन् । हुलाक मार्फत आएको पत्रमा गाविस सचीव पदबाट राजीनामा नगरे जस्तोसुकै कारवाही गर्न संगठन बाध्य हुने चेतावनी दिइएको गाविस सचीव हकहित संरक्षण केन्द्र गोरखाका सचीव प्रकाश शर्माले जानकारी दिनुभयो । पत्रमा बाहुनवादी र हिन्दू साम्राज्यवादीहरुले संविधानसभालाई असफल बनाएको आरोप लगाउँदै बाहुनवादी गाविस सचीवलाई तुरुन्त राजीनामा गर्न चेतावनी दिइएको उहाँले बताउनुभयो । पत्रमा कारवाहीको भागिदार गाविस सचीवनै हुनुपर्ने पनि उल्लेख गरिएको उनको भनाई छ ।
पत्र प्राप्त भएपछि बसेको जिल्लाका गाविस सचीवहरुको सामुहिक भेलाले राजीनामा गर्ने वा नगर्ने बारे अन्य जिल्लाको प्रतिकि्रया हेरेर मात्र निर्णय गर्ने निष्कर्ष निकालेको छ । भेलाले कार्यक्षेत्रमा खटिदाँ सतर्क रहने र सुरक्षा निकायको नियमित सम्पर्कमा रहने निर्णय पनि गरेको छ । गाविस सचीव हकहित संरक्षण केन्द्रको केन्द्रिय समितिले पनि कार्यक्षेत्रमा नजान र सुरक्षा निकायको सम्पर्कमा रहन आग्रह गरेको केन्द्रका जिल्ला सचीव शर्माले जानकारी दिए । धम्कीपूर्ण पत्रबारे जिल्ला विकास समिति र जिल्ला प्रशासन कार्यालयलाई पनि जानकारी गराईसकिएको उनले बताए। स्थानीय विकास अधिकारी राजकुमार श्रेष्ठले सचीवहरुलाई आएको धम्कीबारे छलफल भैरहेको बताए । भूमिगत संगठनको धम्की पछि गाविस सचीवहरु सदरमुकाम केन्द्रित हुन थालेका छन् । हाल गोरखाका ६६ गाविसका लागि ४१ जना सचीव कार्यरत छन् ।

ङादी जलविद्युत आयोजना निर्माण कार्य आगामी माघ महिनाबाट हुने

६ असार २०६७
लमजुङको वाहुनडाडा र भुलभुले गाउँ विकास समितिमा बनाउन लगिएको २६ मेगावाट क्षमताको ङादी जलविद्युत आयोजनाको आगामी माघ महिनाबाट निर्माणकार्य थालिने भएको छ । वुटवल पावर कम्पनी लिमिटेड क्यानेडियन एभरेष्ट पावर ष्लअ को लगानी र लमजुङ विद्युत उपभोक्ता कम्पनी लिमिटेडको साझेदारीमा उक्त परियोजना वनाउन लागिएको हो । ङादी जलविद्यु्त आयोजनाले ११ किलोमिटर बाटो आयोजना स्थलमा निमार्ण गर्नु पर्नेमा हालसम्ममा ६ किलो मिटर मोटर बाटो निमार्ण गरिसकेको समेत जनाएको छ । आयोजनाका अनुसार सन् २०१० को डिसेम्वरदेखि आयोजनाको सम्पूर्ण कार्य शुरु गरि आगामी सन् २०१४ को जुन महिनामा सम्पन्न गरिने लक्ष्य राखिएको छ ।
आयोजनाले नेपाल विद्युत प्राविधकरणसँग विद्युत खरिदविक्रीका लागी विभिन्न चरणमा सम्झौता गरिसकेको छ । त्यस्तै ङादी जलविद्युत आयोजनाबाट उत्पादित विद्युत नेपाल विद्युत प्राधिकरणको राष्ट्रिय विद्युत प्रसारण लाइनमा जोड्ने गरि ग्रीड कनेक्सन सम्झौता भएको छ । करिव साँढे तीन अर्व रुपैयाको लागतमा निमार्णधिन अवस्थामा रहेको ङादी जलविद्युत आयोजनाको वाँध स्थल वाहुनडाडा नाइचे नजिक रहने र आयोजनाको पावर हाउस वाहुनडाँडाको ठूलोवेसीमा रहनेछ । ङादी जलविद्युत आयोजनाको ४ किलोमिटर लामो सुरुङ रहने पनि आयोजनाले जनाएको छ ।

बाढिले २ को ज्यान लग्यो

६ असार २०६७
अकस्मात परेको मुसलधारे वर्षापछि खोलामा आएको बाढिले बगाएर स्याङ्जा जिल्ला आरुचौर गाउँ विकास समिति वडा नं। ४ का २ महिलाको मृत्यु भएको छ । खोलाले बगाएर मृत्यु हुनेमा वर्ष ४२ की मिना पौडेल र उहाँकी छोरी वर्ष १७ की माया पौडेल रहेको स्थानियवासीले बताएका छन् । गएराती खेत रोपेर घर तर्फ फर्कदै गरेको अवस्थामा विरखर्क खोलाले ठूलापधेरा भन्ने स्थानबाट बगेका आमा छोरीको शव करिव २ किलोमिटर तल भेटिएको छ । गएरातीबाट खोलाले बगाएर बेपत्ता भएका पौडेल आमाछोरीको शव आज विहान मात्रै स्थानियवासीले फेला पारेका हुन् ।