प्रधानमन्त्रीलाई ज्ञापनपत्र

३२ असार २०६७
अन्तराष्ट्रिय न्याय दिवशको अवसरमा अनौपचारिक क्षेत्र सेवा केन्द्र गोरखाले अन्तराष्ट्रिय फौजदारी अदालत रोम विधान अनुमोदनको माग गर्दै प्रमुख जिल्ला अधिकारी मार्फत प्रधानमन्त्रीलाई ज्ञापनपत्र बुझाएको छ । रोम विधान अन्तरगत गठन भएको अन्तराष्ट्रिय फौजदारी अदालतले अन्तराटि्रय कानुनद्धारा परिभाषित आमसंहार मानवता विरुद्धको अपराध युद्ध अपराधजस्ता गम्भीर अपराधमा संलग्न ब्याक्तिलाई जवाफदेही बनाउनुका साथै पीडितका लागि न्याय सुनिश्चित गर्ने ज्ञापनपत्रमा उल्लेख गरिएको छ ।
अन्तराष्ट्रिय फौजदारी अदालतको स्थापनाले अदालतको क्षेत्राधिकार कटौती र हस्तक्षेप नहुने र दण्डहिनता अन्त्यका लागि सकारात्मक परिवेश निर्माण गर्न सहयोग पुर् याउने भएकाले नेपालको मानव अधिकार संरक्षणका लागि रोम विधान अनुमोदन गर्नु आवश्यक भएको ज्ञापन पत्रमा उल्लेख गरिएको छ । सो ज्ञापनपत्र आज एक कार्यक्रमका वीच इन्सेक जिल्ला प्रतिनिधि भीमलाल श्रेष्ठले प्रमुख जिल्ला अधिकारी कमलमणि काफ्लेलाई हस्तान्तरण गर्नुभएको हो ।

दलित गैर दलित विवाह गर्नेलाई प्रोत्साहन रकम उपलब्ध

३२ असार २०६७
यसवर्ष दलित गैर दलित विवाह गरेर गोरखामा चार जोडीले सरकारले उपलब्ध गराएको प्रोत्साहन रकम लिएका छन् । सरकारले गत वर्षको वजेट मार्फत दलित गैर दलित विबाह गर्नेलाई प्रोत्साहन रकम उपलब्ध गराउने नीति ल्याएपछि ४ जोडीले जिल्ला प्रशासन कार्यालयबाट १ लाख रुपियाँ लिएका प्रमुख जिल्ला अधिकारी कमलमणि काफ्लेले जानकारी दिनुभएको छ ।
अन्य ८ जोडीले पनि विवाह दर्ता गरेर प्रोत्साहन रकम लिने तयारीमा रहेका उहाँले बताउनुभयो । हालसम्म प्रोत्साहन रकम लिनेहरुमा हंशपुरका दिपक विक र विनिता बराम धुवाकोटका मणिचन्द्र कंडेल र धनकुमारी सुनार आरुपोखरीका विक्रम गुरुङ र सुनिता परियार र ताप्लेका ठाकुरप्रसाद मग्राती र सुमित्रा भट्टराई रहनुभएको छ ।
सरकारले प्रोत्साहन रकम उपलब्ध गराउने नीति ल्याएपछि जिल्ला प्रशासन कार्यालयमा विवाह दर्ता गराउने क्रम बढेको प्रमुख जिल्ला अधिकारी काफ्लेले बताउनुभयो । प्रोत्साहन रकमले दलित र गैर दलितवीचको विवाहलाई प्रोत्साहन गरेको पनि उहाँले बताउनुभयो ।
त्यस्तै अन्तरजातीय विवाह गरेका तनहुँका ५ जोडीले सरकारले प्रोत्सहान स्वरुप दिने भनेको १ लाख रुपैयाँ पाउने भएका छन् । जिल्ला प्रशासन कार्यालय तनहुँका सहायक प्रमुख थमन िसंह थापाले जिल्लामा सरकारले निर्देशिका पठाउन ढिलाई गरेका कारण यस अगाडि त्यस्तो जोडीलाई रकम वितरण गर्न नसकिएको वताउनुभयो । अहिले भने अन्तरजातीय विवाह गरेका १ जोडीको आवश्यक कागजात पुगेर दर्ता प्रकि्रया समेत सकिएको र अन्य तिन जोडीको समेत दर्ता प्रकि्रया अगाडि बढेकाले साउन महिना भित्र ती जोडीले सरकारले दिने १ लाख रुपैयाँ पाउने भएको जिल्ला प्रशासन कार्यालय तनहुँका मुद्दा शाखाका गोविन्द खनालले बताउनुभयो ।

केवलकार प्रयोगकर्ता बृद्धि

३२ असार २०६७
आर्थिक वर्ष २०६६÷०६७ मा ८ लाख २५ हजार जनाले केवलकारको प्रयोग गरेका छन् । ०५५ सालमा स्थापना भएको नेपालकै एक मात्र केवलकारमा गत वर्ष मात्र ६ लाख ७९ हजार एक सय ८५ जनाले यात्रा गरेका थिए भने यसवर्ष झण्डै १ लाख ५० हजार जना बढीले यात्रा गरेका हुन् ।
चितवन जिल्लाको चेरेसदेखि गोरखाको मनकामनासम्म रहेको केवलकारले स्थापना पछिकै सवै भन्दा वढी दर्शनार्थीलाई यात्रा गराएको यो पहिलो पटक भएको स्टेशन म्यानेजर डि।एन।sायस्थले जानकारी दिनुभएको छ ।
देशभरका टिकट विक्रीकर्ताहरुबाट तथ्याङ्क आउन बाँकी नै भएकाले यो संख्या अझै बढ्न सक्ने उहाँले बताउनुभयो । स्वदेशी ६० प्रतिशत र विदेशी ४० प्रतिशत यात्रुले यात्रा गरेको केवल कारमा आगामी वर्ष ९ लाख ५० हजार यात्रुले यात्रा गर्ने अनुमान गरेको मनकामना दर्शन प्रा।लिले जनाएको छ । मनको इच्छा पुरा गरीदिने देवीको रुपमा परिचित मनकामना मन्दिरको दर्शनका लागि देशका बिभिन्न जिल्ला र भारतबाट बढी पर्यटक आउने प्रालिले जनाएको छ ।

सहयोगीको भरमा कार्यालय साचालन

३१ असार २०६७
८ जना कर्मचारीको दरबन्दी रहेको गोरखा कारागार अहिले करारका कार्यालय सहयोगीको भरमा साचालन भइरहेको छ । १ जना नायब सुब्बा खरदार सहलेखापाल सिनिएर अहेब र ४ जना कार्यालय सहयोगीको दरबन्दी रहेको कारागारमा हाल अस्थायी रुपमा नियुक्त गरेका ४ जना कार्यालय सहयोगीले मात्र काम सम्हाल्दै आएका छन् । उनीहरुको करार अबधी पनि यही असार मशान्तबाट सकिएको छ ।
दरबन्दी अनुसार कर्मचारी नहुदा कारागारको नियमित काम साचालनमा समेत कठिनाइ परेको कारागारको पनि काम सम्हाल्दै आएका जिल्ला प्रशासन कार्यालयका लेखापाल कृष्णहरि ढकालले बताउनुभयो । कर्मचारी अभावमा बन्दीलाई समय समयमा पर्ने समस्या समाधानका लागि कठिनाइ भएको उहाँले बताउनुभयो । २ जना कार्यालय सहयोगी पहिल्यै देखि रिक्त रहेको कारागारका जेलर खरिदार र २ जना कार्यालय सहयोगीले गत वर्ष स्वेच्छिक अवकाश लिएको र सहलेखापाल पनि बढुवा भइ जिल्ला प्रशासन कार्यालयमा सरुवा भएपछि कारागार कर्मचारी विहीन भएको हो । कारगारमा सरकारले यसवर्षदेखि सिनियर अहेबको दरबन्दी कायम गरेपनि अहिलेसम्म हाजिर भएका छैनन् ।
कर्मचारीको अभावमा कारागारको काम नै नहुने अवस्थ्ाा आएपछि प्रशासन कार्यालयका नायब सुब्बा र लेखापाललाई कारागारको काम समेत गर्न आग्रह गरिएको प्रमुख जिल्ला अधिकारी कमलमणि काफ्लेले बताउनुभयो । थप जिम्मेवारी लगाउदा प्रशासन कार्यालयका कर्मचारीले कामको भार बढेको बताएका छन् । कर्मचारी नभएको बारे कारागार ब्यवस्थापन बिभागमा पटक पटक आग्रह गरेपनि अहिलेसम्म नपठाएको उहाँले बताउनुभयो । माथिल्लो निकायले लोकसेवा आयोगमार्फत पदपुर्ति गर्न आग्रह गरेपनि लोकसेवा आयोगबाट पनि पदपुर्ति हुन नसकेको उहाँले स्पष्ट पार्नुभयो । हाल गोरखा कारागारमा ५९ पुरुष र ५ जना महिला बन्दी रहेका छन् ।

सीडीएमए टावरमा खराबी सेवामा समस्या

३१ असार २०६७
नेपाल टेलिकमको सीडीएमए टावरमा खराबी आउँदा गोरखा नगरपालिका वडा नंबर ११ को १० किलो बजार क्षेत्रको सीडीएमए मोवाइल र फोन सेवामा समस्या आएको छ । सीडीएमए फोनमा कुराकानी गर्दा कुरा गर्दागर्दै काटिने कुराकानी गरेको नसुनिने जस्ता समस्या देखिएको स्थानीय विरसिह तामाङले गुनासो गर्नुभयो ।
टेलिफोनमा आएको खराबीबारे टेलिकमको गोरखास्थित कार्यालयलाई पटक पटक जानकारी गराउदा पनि सुनुवाइ नभएको उहाँले बताउनुभयो । तर टेलिकम प्रमुख बेचनकुमार गौतमले भने सीडीएमए टावरमा आएको खराबीबारे आफुलाई जानकारी नभएको बताउनुभयो । समस्या थाहा भएपछि मर्मतका लागि पहल गर्ने उहाँले स्पष्ट पार्नुभयो ।

द्वन्द्व प्रभावितहरुलाई कठिनाइ

३१ असार २०६७
स्थानीय शान्ति समिति गठन हुन नसक्दा द्वन्द्व प्रभावितहरुलाई कठिनाइ भएको भन्दै शान्तिका लागि नागरिक समाजको साजाल गोरखाले अविलम्ब शान्ति समिति गठनका लागि पहल गर्न प्रमुख जिल्ला अधिकारीलाई आग्रह गरेको छ । साजालले आज प्रमुख जिल्ला अधिकारी कमलमणि काफ्लेलाई एक ज्ञापनपत्र बुझाइ विगतमा जिल्लामा भएको क्षति र द्वन्द्वको असरलाई दृष्टिगत गरी अविलम्ब शान्ति समिति गठनका लागि पहल गर्न आग्रह गरेको हो ।
साजालका संयोजक चुडामणि शर्माद्धारा हस्तान्तरण गरिएको ज्ञापनपत्रमा अन्य जिल्लामा शान्ति समिति गठन भइ शान्ति प्रकि्रयालाई निष्कर्षमा पुर् याउन टेवा पुर् याइरहेको अवस्थामा गोरखामा पटक पटक अनुरोध गर्दा पनि पहल हुन नसकेको उल्लेख गरिएको छ । सो ज्ञापनपत्रमा प्रमुख जिल्ला अधिकारीले तत्काल अविलम्ब पहल गरेर शान्ति समिति गठन गर्न नसकेमा विरोधका कार्यक्रमहरु पनि साचालन गर्ने उल्लेख गरिएको छ ।
ज्ञापनपत्र बुझ्दै प्रमुख जिल्ला अधिकारी काफ्लेले सबै दलहरु शान्ति समिति गठन गर्न सकारात्मक नभएकाले बैठक बोलाउनुको अर्थ नहुने बताउनुभयो । शान्ति समिति गठनका संबन्धमा एकीकृत माओवादीले केन्द्रमा दलहरुवीच सहमति नभएसम्म गठन हुन नसक्ने कुरा सार्वजानिक कार्यक्रममा बताइसकेकाले तत्काल गठनको संभाबना नरहेको उहाँले स्पष्ट पार्नुभयो । दलहरुको औपाचारिक बैठक नराखेपनि अनौपचारिक रुपमा भएका छलफलमा गठन हुने संभाबना नदेखेकाले पहल हुन नसकेको प्रजिअ काफ्लेले बताउनुभयो ।
उहाँले नागरिक समाजको पहलमा दलहरु र प्रशासन समेतको छलफल कार्यक्रम आयोजना हुन सकेमा निकास निस्कन सक्ने आशा ब्यक्त गर्नुभयो । ज्ञापनपत्र बुझाउने कार्यक्रममा साजालमा आवद्ध जिल्लाका बिभिन्न मानव अधिकारवादी संघ संस्थाहरुको सहभागीता रहेको थियो ।

विद्यार्थी विदाइ

३१ असार २०६७
गोरखा नगरपालिका ९ विरेाचोकको रत्नराज्य माध्यामिक विद्यालयले यसवर्षको प्रवेशिका परीक्षामा उतीर्ण विद्यार्थीहरुलाई आज एक कार्यक्रम गरी विदाइ गरेको छ । सो विद्यालयबाट यसवर्षको प्रवेशिका परीक्षामा २ जना विशिष्ट १८ जना पहिलो र ९ जना दोश्रो श्रेणीमा उतीर्ण भएका थिए ।
विद्यालय ब्यवस्थापन समितिका अध्यक्ष नन्द बहादुर बगालेको अध्यक्षतामा सम्पन्न कार्यक्रममा विद्यालय ब्यवस्थापन समितिका सदस्य किशोरजंग थापा प्रधानाध्यापक रामबाबु श्रेष्ठ सहायक प्रधानाध्यापक ध्रुवकुमार श्रेष्ठ महालक्ष्मी उच्च माविका शिक्षक केदारमणि अर्याल प्रवेशिका परीक्षा उतीर्ण गर्ने छात्रा दिपा न्यौपाने र टोपबहादुर थापाले मन्तब्य राख्नुभएको थियो । सो विद्यालयबाट प्रवेशिका परीक्षा उतीर्ण गर्ने अधिकांश विद्यार्थीले ब्यवस्थापन संकाय अध्ययन गर्ने बताएका थिए ।

योजना निरीक्षण

३१ असार २०६७
जिल्ला कृषि विकास कार्यालय गोरखाले आज जिल्लाका बिभिन्न कृषि सहकारी कृषि उपज संकलन केन्द्र र सिाचाइ योजनाको निरीक्षण गरेको छ । कार्यालयले जिल्लाको मिरकोट घ्याल्चोक भुम्लीचोक ताक्लुङ लगायतका गाविसका सिाचाइ योजना कृषि उपज संकलन केन्द्र र कृषि सहकारीको निरीक्षण गरेको हो । सो टोलीले कृषि सहकारी अवस्था कृषि उपज संकलन केन्द्रको अवस्था तथा सिाचाइ योजनाबाट किसानहरुलाई पुगेको फाइदाबार जानकारी लिएको थियो ।
निरीक्षण टोलीले मिरकोको तल्लो डुडो उपल्लो डुडो सिाचाइ योजना ताक्लुङको जुग्दी तरकारी तथा फलफुल उत्पादक सहकारी संस्था ज्यामिरघाटको जनकल्याण ताजा तरकारी तथा फलफुल सहकारी संस्थाको निरीक्षण गरेको हो । जिल्ला कृषि विकास कार्यालयको सहयोगमा साचालन भएका योजना कृषि सहकारी र कृषि उपज संकलन केन्द्रको अवस्थाबारे जानकारी लिन निरीक्षण गरेको बरिष्ठ कृषि विकास अधिकृत वुद्धिबहादुर थापाले जानकारी दिनुभएको छ ।
निरीक्षण टोलीमा प्रमुख जिल्ला अधिकारी कमलमणि काफ्ले जिल्ला विकास समितिका योजना अनुगमन तथा प्रशासकीय अधिकृत जीवन ज्ञावाली जिल्ला कृषि विकास कार्यालयका बरिष्ठ कृषि विकास अधिकृत बुद्धिबहादुर थापा महिला विकास अधिकृत अाजना पौडेल नेपाल पत्रकार महासंघका अध्यक्ष किशोरजंग थापा गैर सरकारी संस्था महासंघका अध्यक्ष काजीराम रोका पशु विकास अधिकृत क्षेत्रबहादुर केसी जिल्लास्थित राजनीतिक दलका प्रतिनिधि जिल्ला सहकारी संघका प्रतिनिधि लगायतको सहभागीता रहेको थियो ।

विद्यार्थी विदाई

३१ असार २०६७
गोरखाको बोर्लाङ्ग गाविसको सरस्वती उच्च माविले प्रवेशिका परीक्षा २०६६ मा उतीर्ण हुने विद्यार्थीलाई विदाई गरेको छ । विद्यालयले प्रवेशिका परीक्षामा सहभागी ८३ मध्ये उतीर्ण भएका ७५ जनालाई आज एक कार्यक्रम गरी विदाइ गरेको हो । सो विद्यालयबाट यसवर्ष विशिष्ट श्रेणीमा ३ जना पहिलो श्रेणीमा ६४ जना र दोश्रो श्रेणीमा ८ जना उतीर्ण भएका थिए ।
विद्यालय ब्यवस्थापन समितिका अध्यक्ष नारायण श्रेष्ठको अध्यक्षतामा सम्पन्न कार्यक्रममा प्रधानाध्यापक चित्रकुमार श्रेष्ठ शिक्षक मुकुन्दप्रसाद भट्टराई शिक्षक अभिभावक संघका अध्यक्ष बुद्धि श्रेष्ठ विद्यालय ब्यवस्थापन समितिका पूर्व अध्यक्ष अम्बरबहादुर थापा छिमेकी विद्यालयका प्रधानाध्यापकहरु हरिदत्त खनाल र झंकनाथ िशंखडा द्रब्यशाह क्याम्पसका स्ववियु सभापति रोहित पाण्डे अभिभावकहरु यमभक्त श्रेष्ठ र हरिप्रसाद वाग्ले प्रवेशिका उतीर्ण गर्ने विद्यार्थीहरु विवेक श्रेष्ठ विष्णु ढकाल इराधा श्रेष्ठ साधुराम सुर्खेती लगायतले मन्तब्य रख्नुभएको थियो ।
विद्यालयले विशिष्ट श्रेणाीमा उतीर्ण हुने विवेक श्रेष्ठ विष्णु ढकाल र दिपक पाण्डेलाई नगद १ हजार रुपिया पुरस्कार प्रदान गरेको छ ।
त्यस्तै
अश्राङको नवजागृति चण्डी उच्च माविले पनि प्रवेशिका परीक्षा उतीर्ण विद्यार्थीलाई आज प्रमाणपत्र प्रदान गरी विदाइ गरेको छ । विद्यालयबाट प्रवेशिका परीक्षा २०६६ मा विशिष्ट श्रेणीमा उतीर्ण हुने ९ जना प्रथम श्रेणीका ६७ जना र द्धितीय श्रेणीका ७ जनालाई आज विदाइ गरेको शिक्षक रामप्रसाद अर्यालले जानकारी दिनुभएको छ ।
विद्यालयले सर्वोत्कृष्ट अंक हासिल गर्ने नविन खड्का र स्मृति परियारलाई एलान छात्रवृत्ति र सुमन राना र कोपिला थापामगरलाई क्याप्टेन भक्तबहादुर थापामगर स्मृति पुरस्कार प्रदान गरेको छ । एलान छात्रवृत्ति पाउनेले जनही ५ हजार २ सय ५० रुपियाँ र भक्तबहादुर स्मृति पुरस्कार पाउनेले ३ हजार ४ सय रुपियाँ पुरस्कार पाएका छन् । त्यसैगरी विशिष्ट श्रेणीमा उतीर्ण सबैजनालाई विद्यालयले ५ सय रुपियाँ प्रोत्साहनस्वरुप उपलब्ध गराएको छ ।
विद्यालय ब्यवस्थापन समितिका अध्यक्ष कालिका पाण्डेको अध्यक्षतामा सम्पन्न कार्यक्रममा विद्यालयका सल्लाहकार समितिका संयोजक श्यामप्रसाद पाण्डे प्राचार्य चन्द्रप्रसाद श्रेष्ठ छिमेकी विद्यालयका प्रधानाध्यापक खडानन्द भट्ट विद्यार्थीहरु नविन खड्का स्मृति परियार विजय श्रेष्ठ र सूचना पाण्डेले मन्तब्य राख्नुभएको थियो ।
त्यसैगरी गोरखा नगरपालिका लक्ष्मीबजारको महालक्ष्मी उच्च माविले पनि आज एक कार्यक्रम गरी २०६६ सालमा प्रवेशीका परिक्षामा उत्तिर्ण विद्यार्थीहरुलाई प्रमाणपत्र वितरण तथा बिदाइ गरेको छ । विद्यालय व्यवस्थापन समितिका अध्यक्ष विरबहादुर रानाको अध्यक्षता र जिल्ला शिक्षा अधिकारी योगराज भट्टराइको प्रमुख आतिथ्यतामा भएको कार्यक्रममा उत्कृष्ट छात्रछात्रालाई विभिन्न छात्रवृत्ती पनि वितरण गरिएको शिक्षक श्यामभक्त कट्टेलले बताउनुभएको छ । कार्यक्रममा विद्यालयका प्राचार्य लालप्रसाद श्रेष्ठले विद्यालयको सफलता प्रति सम्पुर्ण शिक्षक विद्याथार्ी र अभिभावकको योगदान रहेको भन्दै धन्यवाद व्यक्त गर्नु भएको थियो ।

१ सय ९७ औ भानुनयन्ती गोरखमा

२९ असार २०६७
१ सय ९७ औ भानुनयन्ती गोरखमा पनि भब्यताका साथ मनाइएको छ । साहित्य संगम गोरखाले भानु जयन्तीको अवसरमा कविता प्रतियोगित तथा श्रष्टा सम्मान कार्यक्रमको आयोजना गरी भानु जयन्ती मनाएको हो । सो कार्यक्रममा ३० भन्दा बढी श्रष्टाहरुले आदिकवि भानुभक्त आचार्यको जीवनी तथा समसामयिक विषयमा कविता तथा गजल वाचन गर्नुभएको थियो ।
सो प्रतियोगितामा खोप्लाङ्गका भाइकृष्ण सुनार पहिलो आरुपोखरीका रामप्रसाद खनाल दोश्रो तथा खोप्लाङ्गका रमेश विष्ट तेश्रो हुनुभएको छ । उहाँहरुले क्रमश १५ सय १ हजार र ५ सय रुपियाँ पुरस्कार जित्नुभएको छ । प्रतियोगितामा २० भन्दा बढी श्रष्टाहरुले भाग लिनुभएको थियो ।
कार्यक्रममा अभिनव साहित्य समाजका अध्यक्ष गोविन्दप्रसाद घिमिरे सामाखुशी साहित्य समाजका अध्यक्ष भाग्यशाली अधिकारी कवि तथा कथाकार राजनविक्रम थापा गीता रेग्मी गोरखाली श्रष्टाहरु नेत्रमणि आचार्य जयराम श्रेष्ठ ऋषि खनाल इन्द्रकुमारी देवकोटा निलकण्ठ पौडेल शिव अपि्रय सुरेन्द्र देवकोटा नारायण अधिकारी विश्वनाथ चापागाई लगायतले पनि आफ्नो सिर्जना प्रस्तुत गर्नुभएको थियो ।
भानु जयन्तीको अवसर पारेर साहित्य संगमले साहित्यकार तथा कवि पुष्पराज देवकोटालाई दोसल्ला ओढाइ सम्मान गरेको छ । मनकामना-६ बनौती घर भएका कविले सुक्ष्म वेदान्त दर्शन कालुजैशीको भुत साधना संक्षिप्त पद्य रामायण लगायतका साहित्यिक सिर्जना मार्फत गोरखाली साहित्य क्षेत्रमा योगदान पुर् याएकोले सम्मान गरेको साहित्य संगमका अध्यक्ष अनन्त मुस्कानले बताउनुभयो ।

गोरखा जिल्ला अस्पतालले प्रदान गर्ने सेवामा सुधार र विस्तार

२९ असार २०६७
गोरखा जिल्ला अस्पतालले प्रदान गर्ने सेवामा गत वर्षभन्दा सुधार र विस्तार भएको छ । अस्पतालले अस्पताल हातामा आज सार्वजानिक सुनुवाइ कार्यक्रमको आयोजना गरी अघिल्ला वर्षहरुमा भन्दा सेवा प्रवाहमा सुधार आएको र थप सेवा दिन सुरु गरेको जानकारी गराएको हो ।
आकस्मिक कक्षबाट गतवर्ष ४ हजार २ सय २४ जनाले सेवा लिएकोमा यसवर्ष ८ हजार ५ सय ६० जनाले सेवा लिएको बहिरङ्ग सेवाबाट अघिल्लो वर्ष २२ हजार २७ जनाले सेवा लिएकोमा यसवर्ष ३१ हजार ६०० जनाले सेवा लिएको अस्पालका तथ्याङ्क शाखाका मोती विश्वकर्माले जानकारी गराउनुभयो । अस्पतालबाट गत वर्ष ३ सय ७४ जनाले सुत्केरी सेवा लिएकोमा यसवर्ष ६ सय ३५ जनाले सेवा लिएका छन् । यसवर्षदेखि सुत्केरी महिलाको सल्यकि्रर्या सरु भएको र २३ जनाको सल्यकि्रर्या गरिएको अस्पतालले जनाएको छ ।
गत वर्ष २ जनाबाट शल्यकि्रर्या सुरु गरेको अस्पतालले यसवर्ष २ सय ६१ जनाको सल्यकि्रर्या गरेको छ । अस्पतालमा गत वर्ष १ सय ३ जनाले भिडियो एक्सरे सेवा लिएकोमा यसवर्ष ११ सय ७ जनाले लिएका छन् । साधारण एक्सरेमा पनि गत वर्ष ३ हजार ४ सय १ जनाले सेवा लिएकोमा यसवर्ष ४ हजार ५ सय ३२ जनाले सेवा लिएका छन् ।
अस्पतालले पहिलोपटक गरेको सार्वजानिक सुनुवाइमा रिफर गरेको संख्या पनि घटेको जानकारी गराएको छ । गत वर्ष ३ सय ७८ जना विरामी ठुला शहरका बिभिन्न अस्पतालमा रिफर गरेको भएपनि यसवर्ष जम्मा ७८ जनालाई मात्र रिफर गरेको छ । धेरैजसो रोगको उपचार जिल्ला अस्पतालमा नै हुने भएकोले अत्यन्तै जटिल खालका शल्यकि्रया गर्नुपर्ने विरामीलाई मात्र रिफर गरिएको जिल्ला स्वास्थ्य प्रमुख डाक्टर गुणराज लोहनीले बताउनुभयो ।
सो कार्यक्रममा उपस्स्थित सर्वसाधारणले अस्पतालले प्रदान गर्ने सेवा स्तरिय हुदै गएपनि गोरखा अस्पतालमा साधन श्रोतको कमी भएकाले त्यसलाई पुरा गर्न र अझै राम्रो सेवा दिन अस्पताल ब्यवस्थापन सकि्रय हुनुपर्ने बताएका थिए । जिल्ला स्वास्थ्य प्रमुख लोहनीले अस्पतालको कमजोरी थाहा पाउन र सेवालाई गुणस्तरिय बनाउन सार्वजानिक सुनुवाइ गरेको बताउनुभयो । सार्वजानिक सुनुवाइ कार्यक्रममा अस्पतालले प्रदान गर्ने सेवा र आगामी कार्यक्रमहरुबारे पनि जानकारी गराएको थियो । सो अवसरमा अस्पतालले सुरु गरेको टेलिमेडिसिन सेवा रक्तसाचार सेवा र एचआइभी पोजेटिभको रोग प्रतिरोधात्मक शक्ति बढाउने औषधी वितरण सेवाको बारेमा पनि जानकारी गराइएको थियो ।

वन उपभोक्ता समूहको अवस्थाबारे अध्ययन

२८ असार २०६७
गोरखाको ६ वटा सामुदायिक वन उपभोक्ता समूहको अवस्थाबारे अध्ययन गरेका क्यानाडा र नेपालका बिभिन्न विश्वविद्यालयका विद्यार्थीहरुले आफ्नो अध्ययन कार्य सिध्याएर सदरमुकाम फर्केका छन् । वन तथा वातावरण विषय लिइ अध्ययन गर्ने क्यानाडाका १३ र नेपालका १४ जना विद्यार्थीले सामुदायिक वन समूहमा गई सुसासन गरिबमुखी अबधारणा दीगो बन ब्यवस्थापन र सामुदायिक वनमा आधारित उद्योगको अवस्था लगायतका विषयमा अध्ययन गरेर फर्केका हुन् ।
उनीहरुले असार महिनाको तीन हप्ता वन समूहमा नै रहेर घरधुरी सर्वेक्षण वन क्षेत्रको अवलोकन सामुदायिक कार्यहरु र वनसंग जानकारसंगको कुराकानीबाट बिभिन्न विषयमा जानकारी लिइएको टोली संयोजक भुवन केसीले जानकारी दिनुभएको छ ।
अन्तराष्ट्रिय गोष्ठी २०१० नाम दिइएको सो कार्यक्रमका लागि गोरखा नगरपालिकाको लुदी दामगाडे शिखर र विरिाचोक सामुदायिक वन खोप्लाङको अन्नपुर्ण देवीस्थान नारेश्वरको ठुली र बक्राङको बाघपानी वन समुह छनोट भएको छ ।
सो संबन्धि जानकारी गराउने उद्देश्यले सामुदायिक वन उपभोक्ता महासंघ गोरखाले आयोजना गरेको एक कार्यक्रममा ६ वटा सामुदायिक वन समूहमा अध्ययन गर्ने टोलीले आआफ्नो समुहको प्रस्तुती गरेका थिए । महासंघका जिल्ला अध्यक्ष दिपक भट्टराईको अध्यक्षतामा सम्पन्न कार्यक्रममा निमित्त स्थानिय विकास अधिकारी जीवन ज्ञवाली उद्योग वाणिज्य संघका अध्यक्ष रामबाबु जोशी लगायतले मन्तब्य राख्नुभएको थियो ।
विगत ६३ वर्षदेखि बिभिन्न देशमा साचालन भइरहेको यस्तो कार्यक्रममा सामुदायिक वन उपभोक्ता महासंघको साझेदारी र क्यानेडियन अन्तराष्ट्रिय विकास एजेन्सी सिडाको सहयोगमा नेपालमा पहिलो पटक भएको हो । यसअघि अपि्रुका लगायत बिभिन्न महादेश र एशियाका अन्य देशहरुमा शिक्षा स्वास्थ्य लगायतका विषयमा अध्ययन गरिदै आएको यस्तो गोष्ठीमार्फत नेपालमा सामुदायिक वन कार्यक्रमको अध्ययन गरेको टोली संयोजक केसीले बताउनुभयो ।

लगातारको वर्षाले पहिरो जाने क्रम बढ्दै

२७ असार २०६७
लगातारको वर्षाले गोरखाको लाप्राक गाविसको ठाउँठाउँमा पहिरो जान थालेको छ । विगत ३ दिनदेखि निरन्तर परेको पहिरोले मणिकामदेवी डाडाँको चौतारो भासिएको छ भने थलेडाडाँको कुलो पहिरिएको छ । पहिरोका कारण लाप्राकबाट गुम्दा उहिया लगायतका गाविस जाने बाटो पनि भत्काएको स्थानीय राज गुरुङले जानकारी दिनुभएको छ ।
पहिरोका कारण गाउँको ठाउँठाउँमा धाँजा फाटेको र पहिरो जान थालेको उहाँले बताउनुभयो । पहिरो गएर क्षति भएको क्षेत्रमा स्थानीयले मर्मत सुरु गरेका छन् । पहिरोले क्षति भएको मणिकामडाडाँको चौतारोमा वौद्ध युवा क्लब हिउँचुली लाप्राक युवा समूह र लालीगुराँस युवा समूहले ढुङ्गामाटो बोकेर मर्मत गरेको उहुले बताउनुभयो ।

गोरखकाली मन्दिरसम्म जाने बाटो कालोपत्रे गर्ने कार्य यो आ.व. मा सम्पन्न नहुने

२७ असार २०६७
गोरखा सदरमुकामदेखि गोरखकाली मन्दिरसम्मको बाटो यो आर्थिक वर्षमा कालोपत्रे नहुने भएको छ । सम्पुर्ण तयारी पुरा भएपनि वर्षाका कारण कालोपत्रे गर्न नसकिएको उपभोक्ता समितिका अध्यक्ष सुकदेव तामाङले जानकारी दिनुभएको छ । कालोपत्रेका लागि सडक ३÷४ दिन लगातार चर्को घाममा सुक्नुपर्ने प्राविधिक मान्यता भएकाले वर्षाका कारण सडक कालोपत्रे गर्न नसकिएको उहाँले बताउनुभयो ।
गएको जेठ २ गते सडक निर्माण गर्ने सम्झौता गरेको उपभोक्ता समितिले सडक कालोपत्रेको काम अन्तिम चरणमा पुर् याएको थियो । ढिला गरी योजना सम्झौता भएपनि कालोपत्रे बाहेकको सम्पुर्ण काम सिध्याएको उपभोक्ता समितिले जनाएको छ । समितिले कालोपत्रेका लागि चाहिने चिप्स गिटी अलकत्रा दाउरा लगायत सम्पुर्ण समाग्री र कामदार समेत जुटाइसकेको अवस्थामा मौसमका कारण काम अघि बढाउन नसकेको सचिव विष्णु रानामगरले बताउनुभयो । समितिले साँढे ७ लाखको अलकत्रा ४ लाखको चिप्स गिटी १ लाखको दाउरा १ लाख २० हजार रुपियाँ भाडा तिरेर रोलर ल्याउनुका साथै आवश्यक कामदारको ब्यवस्था गरी भुक्तानी समेत दिइसकेको थियो ।
जिल्ला विकास समितिको स्थानीय शासन तथा सामुदायिक विकास कार्यक्रम र जिविस अनुदानको ४३ लाख ५० हजार ५०० रुपियाँ र उपभोक्ताको ११ लाख ५० हजार रुपियाँको लागतमा छहरेदेखि सतीपिपलको डाडाँसम्मको ११ सय ६० मिटर सडक कालोपत्रे र ७० मिटर सडक ढलानको जिम्मा उपभोक्ता समितिले पाएको थियो । जसमध्ये ढलानको काम सकिएको र ९ सय ६० मिटर सडक कालोपत्रे गर्न बाँकी छ भने २०० मिटर सडकमा पनि ग्राभेल भइसकेको छ । समितिले करिब ६०० मिटर नाली समेत निर्माण गरेको छ ।
समयमा काम सिध्याउन नसक्दा यस योजना अन्तर्गत विनियोजन भएको करिब १९ लाख ६५ हजार रुपियाँ पि्रुज हुने संभावना बढेको छ । जिविसले काम भएको आधारमा मात्र रकम दिने हुँदा उपभोक्ता समितिले खरिद गरेर ल्याइसकेको तर प्रयोग हुन बाँकी रहेको सामाग्रीको पैसा नपाउने भएका छन् । खरिद गरेर ल्याइसकेको सामाग्रीको पैसा समेत नपाउदा उपभोक्ताहरु निराश भएका छन् ।

यसै विषयमा जानकारी गराउन छहरे सतीपीपल गैरीकुवा गोरखकाली सडक उपभोक्ता समितिले आज राजनीतिक दल स्थानीय निकाय र उपभोक्ता समितिको संयुक्त बैठक राखेको थियो । सो अवसरमा उपभोक्ता समितिका कोषाध्यक्ष चण्डिका श्रेष्ठले मौसमका कारण तत्काल काम गर्न नसक्ने भएपनि उपभोक्ताको खर्च भइसकेको पैसा जिविसले उपलब्ध गराइदिए सजिलो हुने बताउनुभयो ।
स्थानीय विकास अधिकारी राजकुमार श्रेष्ठले स्थानीय शासन तथा सामुदायिक विकास कार्यक्रम ीन्ऋम्ए अन्तर्गतको रकम पेश्की दिन नमिल्ने भएकाले सडकमा भएको काम बाहेकको रकम भुक्तानी गर्न नसकिने बताउनुभयो । उहाँले बरु आगामी वर्षको योजनामा थप बजेट र समयमा नै योजना सुरु गर्न पहल गर्ने प्रतिवद्धता जनाउनुभयो ।
कार्यक्रममा उपस्थित एकीकृत माओवादीका लेखबहादुर थापा नेपाली कांग्रेसका इश्वर पाण्डे र नेकपा एमालेका बाबुराम थापाले उपभोक्ता समितिलाई अफ्ठेरो नपर्ने गरी योजना अघि बढाउनुपर्ने सुझाव दिनुभएको थियो । उहाँहरुले तत्काल भुक्तानी गर्न कठिनाइ भएमा आगामी वर्ष समयमा नै वजेट बाँडफाँड र थप रकमका लागि राजनीतिक संयन्त्रमा पहल गर्ने बताउनुभयो ।
बैठकले तत्काल योजना साचालन गर्न कठिनाइ भएकाले खरिद गरेर ल्याइसकेको समाग्रीहरु उपभोक्ताहरुले संरक्षण गर्ने र सडक कालोपत्रे नहुन्जेलसम्म ठुला सवारी आवागमनमा प्रतिवन्ध लगाउने निर्णय गरेको छ । बैठकले मौसम अनुकुल हुने वित्तिकै कालोपत्रेको काम सुरु गर्ने पनि निर्णय गरेको छ ।
उपभोक्ता समितिले भने ढिला गरी योजना सम्झौता गरेकाले समयमा काम पुरा गर्न नसकेको जनाएको छ । राजनीतिक दलले समयमा नै योजना छनोट र बजेट बाँडफाँड गरेको भए आफुहरुको लाखौ मुल्यको सामाग्रीहरु अलपत्र नपर्ने उपभोक्ताहरुको भनाइ छ ।

गोरखा घ्याम्पेशालका दुई शिक्षक फेरि कुटिए

२६ असार २०६७
माओवादी कार्यकर्ताको धम्कीका कारण विस्थापित गोरखा घ्याम्पेशालका दुई शिक्षक गाउँ फर्कने क्रममा आज फेरी कुटिएका छन् । सदरमुकामबाट मोटरसाइकलमा घ्याम्पेशालतर्फ जाँदै गरेका दुल्लभ क्याम्पसका क्याम्पस प्रमुख गोविन्द भट्ट र शिक्षक टलक गुरुङलाई सतीपिपलमा कुटपीट हो । मोटरसाइकलमा जाँदै गर्दा धनबहादुर गुरुङ नामको माओवादी कार्यकर्ताले मोटरसाइकल रोकेर साइकलको चेनले प्रहार गरेको क्याम्पस प्रमुख भट्टले बताउनुभयो ।
एकीकृत माओवादी र कांग्रेसवीच आस्थाको आधारमा एक अर्कामाथि आक्रमण नगर्ने सहमति सार्वजानिक भएको भोलीपल्टै कांग्रेस निकट शिक्षकहरुमाथि आक्रमण भएको हो । आक्रमण गर्ने धनबहादुर गुरुङ असार ११ गते दुल्लभ उच्च माविको ब्यवस्थापन समिति गठनको बेलामा माओवादी टोलीमा सामेल भएर घ्याम्पेशाल गएकॊ शिक्षकहरुको दावी छ । कुटपीट गर्नुअघि उसले घ्याम्पेशालको दुल्लभ उच्च माविको ब्यवस्थापन समिति गठन आदिको कुरामा शिक्षकहरुसंग सोधखोज गरेको र मोवाइलबाट कसैलाई फोन गरेपछि एक्कासी आक्रमण गरेको क्याम्पस प्रमुख भट्टले बताउनुभयो । कुटपीटबाट शिक्षक टलक गुरुङको छातीमा चोट लागेको छ । सो घटनामा ग ५ प ५६०० नंबरको मोटरसाइलक क्षतिग्रस्त भएको छ । मोटरसाइकललाई प्रहरीले नियन्त्रणमा लिएको छ ।
घटनाको नेपाली कांग्रेसले भत्स्रना गरेको छ । माओवादी नेतृत्वसंग कुराकानी गर्दा आफ्नो कार्यकर्ता नभएको बताएको जिल्ला सचिव इश्वर पाण्डेले बताउनुभयो । माओवादीले आफ्नो कार्यकर्ता नभएको र घटनामा संलग्नलाई कानुनी कारबाही गर्न सहयोग गर्ने बताएका उहाँले स्पष्ट पार्नुभयो । ूयदि सो घटना माओवादी कार्यकर्ताबाट र माओवादीको निर्देशनमा भएको हो भने यो िहंसाको पराकाष्ठा हो सचिव पाण्डेले भन्नुभयो ।
उता माओवादीले भने आक्रमण गर्ने ब्याक्ति आफुहरुले नचिनेको बताएको छ । कुटपीटमा संलग्न ब्याक्ति पार्टिमा संलग्न नभएको र आफुले नचिनेको जिल्ला इन्चार्ज कृष्ण धितालले बताउनुभयो । सो घटनामा संलग्नलाई कानुनी कारबाहीको लागि सहयोग गर्ने उहाँले बताउनुभयो । हिजो मात्र सहमति गरेको आवस्थामा आक्रमण गरेको भन्नु लज्जास्पद भएको धितालले बताउनुभयो ।
प्रहरीले आक्रमणकारी गुरुङको खोजी भइरहेको बताएको छ । आक्रमणकारीको खोजीका लागि तीनवटा टोली परिचालन गरेको प्रहरी नायब उपरीक्षक गोरखसिह भण्डारीले बताउनुभयो । यसअघि पनि बिभिन्न घटनामा प्रहरीको नियन्त्रणमा परिसकेकोले उसलाइ नियन्त्रणमा लिइ कानुनी कारबाही गर्ने उहाँले बताउनुभयो ।

मैत्रीपुर्ण खेलमा गोरखा जिल्ला फुटवल संघ विजयी

२६ असार २०६७
गोरखा जिल्ला फुटवल संघ र लियो क्लब अफ गोरखावीच आज सदरमुकामको हरमटारी खेलकुद मैदानमा मैत्रीपुर्ण फुटवल खेल भएको छ । प्रतियोगितामा गोरखा जिल्ला फुटवल संघले लियो क्लब अफ गोरखालाई ३-० ले जितेको छ । फुटवल संघका तर्फबाट अध्यक्ष हरिहर श्रेष्ठ महासचिव दिपेन्द्र श्रेष्ठले गोल गरेका थिए । पहिलो हाफ २-० मा सकिएपनि दोश्रो हाफमा जिल्ला फुटवल संघका सरोज श्रेष्ठले गोल थप्दै खेललाई ३-० को नतिजामा पुर् याएका हुन् ।
सदरमुकाममा ठुलो पर्दामा विश्वकप २०१० को प्रदर्शनका लागि ब्यवस्थापन गरिरहेका दुई संस्थाले मैत्रीपुर्ण फुटवल खेल खेलेका हुन् । विश्वकप फुटवलका कारण संसार नै फुटवलमय भइरहेको अवस्थामा स्थानीय स्तरमा फुटवलप्रति आकर्षित गर्नका लागि प्रतियोगिता आयोजना गरेको लियो क्लबका अध्यक्ष शन्देश मास्केले बताउनुभयो ।