लगातारको वर्षाले पहिरो जाने क्रम बढ्दै

२७ असार २०६७
लगातारको वर्षाले गोरखाको लाप्राक गाविसको ठाउँठाउँमा पहिरो जान थालेको छ । विगत ३ दिनदेखि निरन्तर परेको पहिरोले मणिकामदेवी डाडाँको चौतारो भासिएको छ भने थलेडाडाँको कुलो पहिरिएको छ । पहिरोका कारण लाप्राकबाट गुम्दा उहिया लगायतका गाविस जाने बाटो पनि भत्काएको स्थानीय राज गुरुङले जानकारी दिनुभएको छ ।
पहिरोका कारण गाउँको ठाउँठाउँमा धाँजा फाटेको र पहिरो जान थालेको उहाँले बताउनुभयो । पहिरो गएर क्षति भएको क्षेत्रमा स्थानीयले मर्मत सुरु गरेका छन् । पहिरोले क्षति भएको मणिकामडाडाँको चौतारोमा वौद्ध युवा क्लब हिउँचुली लाप्राक युवा समूह र लालीगुराँस युवा समूहले ढुङ्गामाटो बोकेर मर्मत गरेको उहुले बताउनुभयो ।