रोट महोत्सवमा आज १५ हजार रोट चढाईयो

१४ जेठ २०६७
बैशाख पूर्णिमा तथा गोरखनाथ प्रकट दिवशको अवसर पारेर हिजोदेखि गोरखामा सुरु भएको सातौ रोट महोत्सवमा आज १५ हजार रोट चढाइएको छ । गुरु गोरखनाथलाई सबैभन्दा बढी मन पर्ने परिकार ११ दिनको महोत्सवमा सवालाख चढाइने आयोजक सिद्धाश्रम शक्ति केन्द्रले जनाएको छ ।
चामलको पिठोमा चिनी दालचिनी ल्वाङ सुकुमेल लगायतका मसला मिसाएर घिउमा पकाएको परिकारलाई रोट भनिन्छ । गुरु गोरखनाथलाई रोट चढाएमा खुशी भइ मुलुकमा सुख शान्ति र समृद्धि प्राप्त हुने भन्दै केन्द्रले सातवर्ष अघिदेखि महोत्सव गर्द्रै आएको छ ।
महोत्सवमा हरेक दिन बिहान ७ देखि २ वजेसम्म रोट पकाउने १० देखि ५ वजेसम्म भजनकिर्तन गर्ने ४ वजे गुरु पुजन ५ वजे आरती र ५ वजेपछि रोट वितरण गर्ने केन्द्रका साधक किशोर अकेलाले जानकारी दिनुभयो । महोत्सवमा आउने भक्तजन र सर्वसाधारणका लागि सिद्धाश्रम शक्ति केन्द्रले जनाएको छ ।