आफ्नै खर्चमा मन्दिर परिसरमा प्रतिक्षालय निर्माण

१४ जेठ २०६७
गोरखा नगरपालिका वडा नंबर ५ खिरेपानीका शंखनारायण श्रेष्ठले आफ्नै खर्चमा पश्लाङको पश्चिमकाली मन्दिर परिसरमा प्रतिक्षालय निर्माण गर्नुभएको छ । श्रेष्ठले स्वर्गिय बुवा मानबहादुर श्रेष्ठ र आमा लक्ष्मी श्रेष्ठको सम्झनामा मन्दिर परिसरमा प्रतिक्षालय निर्माण गर्नुभएको हो ।
दुइतलाको सो प्रतिक्षालय आज एक कार्यक्रम गरी पश्चिमकाली तथा खड्गदेवी मन्दिर ब्यवस्थापन समितिलाई हस्तान्तरण गरिएको छ । करिब ४ लाख रुपियाँको लागतमा निर्माण भएको प्रतिक्षालय आज समितिका अध्यष शारदाप्रसाद भट्टराईलाई हस्तान्तरण गरिएको हो ।