बालक्लबद्धारा लोकनृत्य प्रतियोगिता साचालन

१ बैशाख २०६७
नयावर्ष २०६७ सालको अवसरमा गोरखाको हंशपुर गाविस ४ काफलडाडाँमा वालवालिकाले हिजो लोकनृत्य प्रतियोगिता साचालन गरेका छन् । स्थानीय नवशक्ति वालक्लबले आयोजना गरेको प्रतियोगितामा सुर्योदय युवा क्लब माझीगाउँ पहिलो जनभावना आमा समूह दोश्रो र आयोजक क्लब तेश्रो भएको अध्यक्ष केशब दवाडीले जानकारी दिनुभएको छ । सोही अवसरमा क्लबले १५ सय मिटर दौड पनि आयोजना गरेको थियो जसमा अनन्त अधिकारी पहिलो किशोर अधिकारी दोश्रो र केशव दवाडी तेश्रो हुनुभएको छ । क्लबले सरसफाई शिक्षा र स्वास्थ्य संबन्धि चेतनामुलक र मनोराजनात्मक कार्यक्रम पनि साचालन गरेको अध्यक्ष दुवाडीले बताउनुभयो । सोही अवसरम वालवालिकाहरुका लागि विस्कुट टिप्ने खेल चकलेट दौड लगायतका प्रतियोगिताहरु पनि साचालन गरिएको थियो ।