नरुवललाई पर्यटकीय नमुना ग्रामीण क्षेत्र बनाउने तयारी

१६ जेठ २०६७
पर्यटन बर्ष सन् २०११ लाई मध्यनजर गरी लमजुङको गाउँशहर गाविस ८ नरुवललाई पर्यटकीय नमुना ग्रामीण क्षेत्र बनाउने तयारी भएको छ । स्थानीय वासिन्दाले नमुना गाउँ बनाउनका लागि घरघरमा तरकारी खेती र होमस्टेको तयारी गरेका छन् । पर्यटकलाई मनोाजन दिलाउन मगर समुदायमा प्रचलित बिभिन्न सांस्कृतिक झाँकी तथा परम्परा जगेर्ना गर्न स्थानीय समुदाय लागि परेका नरुवल पर्यटन समितिले जनाएको छ । मगर जातीको वसोवास रहेको नरुवलमा सुन्तला महोत्सवको तयारी समेत गरिएको समितिले जनाएको छ ।