असिनाले बालीनाली नष्ट

१ बैशाख २०६७

गएराती परेको भीषण वर्षासंगै परेको असिनाले गोरखाको घ्याच्चोक गाविसको धनसीरा क्षेत्रमा वालीनाली नष्ट पारेको छ । वेलुकी ३ वजेदेखि लगातार ४ घण्टासम्म परेको असिनापानीले स्थानीयको मकै जौ र आलु नष्ट पारेको स्थानीय दुर्गामान गुरुङले जानकारी दिनुभएको छ । असिनापानीले गोडिसकेको अवस्थाको मकै नष्ट पार्दा वडा नंबर ८ र ९ का ८० घर किसानहरु नोक्शानमा परेका उहाँले बताउनुभयो । सो क्षेत्रको मुख्य वालीको रुपमा रहेको मकैवाली नष्ट पारेपछि आगामी वर्ष खाद्यान्न अपुग हुने गुरुङले बताउनुभयो ।