जीपको ठक्करबाट बालकको मृत्यु

३१ बैशाख २०६७
तनहुँ जिल्लाको भिरकोट गाविसबाट सदरमुकाम दमौली बजारतर्फ आउँदै गरेको जीपको ठक्करबाट शुक्रबार एक बालकको मृत्यु भएको छ । मृत्यु हुनेमा भिर्कोट-३ का ९ बर्षीय कुशल थापा रहेका छन् ।
दमौली बजारतर्फ आउँदै गरेको ग १ च ४४९३ नम्बरको जीपले थापालाई भिरकोट-७ देउरालीमा ठक्कर दिएको हो । जीपको ठक्करबाट घाईते भएका थापालाई उपचारका लागि दमौली ल्याउने क्रममा बाटामै मृत्यु भएको जिल्ला प्रहरी कार्यालय तनहुँले जनाएको छ । जीप र चालक प्रहरीको नियन्त्रणमा रहेका छन् ।