पर्यटन व्यवसाय ठप्प

२० बैशाख २०६७
आम हड्तालका कारण अन्नपूर्ण पदमार्गमा जाने पर्यटक नभएपछि पर्यटन व्यवसाय ठप्प भएको छ । अन्नपूर्ण पदमार्गको ढोका भनेर चिनिने लमजुङको वेसिशहर हुदै अन्नपुर्ण पदमार्गमा जाने पर्यटकको संख्या शून्य भएपछि पर्यटन ब्यवसाय ठप्प भएको हो । दैनिक करिव एक देखि २ सयको संख्यामा पर्यटकहरु आउने गरेपनि हड्तालका कारण पर्यटक आगमन ठप्प भएको हो ।
आम हडतालको प्रभावले विदेशी पर्यटक नआएपछि भुलभुले ङादी वाहुनडाडा लगायत मनाङका होटल व्यवसायीहरु यति वेला पर्यटक नआएपछि चिन्तित बनेका छन् । तीन दिनदेखि पर्यटकको चहलपहल नहुँदा पर्यटन ब्यवसायीमा लाखौँ घाटा भएको होटल व्यवसायीहरुले दुखेसो गरेका छन् । अन्नपूर्ण पदमार्गमा पर्ने लमजुङ र मनाङमा गरि करिव ५ सय पाँचसय होटल भन्दा वढी होटल रहेका सहकर्मी रामजी रानाले जानकारी दिनुभएको छ ।
यसै विच लमजुङ र मनाङका पर्यटन ब्यवसायीहरुले पर्यटकलाई थुनछेक नगर्न एकीकृत माओवादीसंग आग्रह गरेका छन् ।

किसानहरु चिन्तित

२० बैशाख २०६७
लमजुङको बाँझाखेत गाउँ विकास समिति वडा नम्बर ५ खासुरवेसी फाँटमा लगाईएको गहुँवालीमा दाना नलागेपछि स्थानीय किसानहरु चिन्तित बनेका छन् । फाँट भरिका गहुँको विरुवा र बाला राम्रो देखिएपनि बालाभित्र कत्तिपनि दाना नलागेपछि स्थानीय किसानहरुले गहुँखेतमा वस्तुभाउ चराएका छन् ।
कृषि विकास कार्यलयबाट ल्याएको विउमा यस्तो समस्या देखिएको स्थानीय किसान राज वहादुर गुरुङले बताउनुभयो । उनीहरुले गहुँ उत्पादन नभएपछि किसानहरु मर्कामा परेको भन्दै सरकारसंग क्षतिपुर्तिको माग गरेका छन् ।
कृषि विकास कार्यलय लमजुङका प्रमुख किशोरप्रसाद पन्तले नेपाल कृषि अनुसन्धान परिषदबाट ल्याइएको डव्लु के १२०४ नामक उन्नत जातको बीउ भएको भन्दै विउको खराबी नभएको स्पष्ट पार्नुभयो । उहाँले किसानको खेतको माटोमा समस्या भएको अनुमान गर्नुभयो ।

गर्मी मौसमसँगै लमजुङमा विरामीको संख्या वृद्धि

२० बैशाख २०६७
गर्मी मौसमसँगै लमजुङमा झाडा पखला टाइफाड ज्वरो लगायतका विरामीको संख्यामा वृद्धि भएकॊ लमजुङ अस्पतालले जनाएको छ ।
अस्पतालका अनुसार अस्पतालमा उपचारका निम्ति झाडा पखला टाइफाड तथा ज्वरोका विरामी अत्याधिक आउने गरेका छन् । यति वेला अस्पतालमा प्राय जसो झाडा पखला टाइफाइड ज्वरो लगायतका विरामीको संख्या वढ्दै गएको छ अस्पतालका निर्दैशक युवराज आचार्यले भने । खानपानमा ख्याल नगर्दा प्रदुषित खानेपानी तथा वासीटासी खाने कुरा खाने गर्नाले झाडापखला टाइफाड हुने चिकित्सकहरुको भनाइ रहेको छ ।

आमहड्तालले गोरखाको जनजीवन विहानैदेखि प्रभावित तरकारीको अभाव हुने अवस्था

२० बैशाख २०६७
एकिकृत माओवादीले घोषणा गरेको अनिश्चितकालिन आम हड्तालको दोश्रो दिन आज गोरखाको जनजीवन विहानैदेखि प्रभावित भएको छ । हड्तालका कारण यातायात र वजार नखुल्दा जनजीवन प्रभावित भएको हो । यातायात र बजार नखुलेपछि दैनिक कामकाजले गुजारा गर्दै आएकाहरु समस्यामा परेका छन् । विहानैदेखि माओवादी कार्यकर्ताहरुले सदरमुकामको मुख्य र भित्री सडकहरुमा समेत पसल बन्द गराएका छन् ।
माओवादीले एम्बुलेन्स शबबाहन खानेपानीका ट्याङकर दुध बोक्ने फोहोर फाल्ने साचार माध्याम र कुटनीतिक नियोगका सवारी साधनहरु भने चल्न दिएको छ । सदरमुकामका औषधी पसलहरु पनि खुलेका छन् ।
सदरमुकाम बाहेक जिल्लाका आरुघाट घ्याम्पेशाल बाह्रकिलो लगायतका ब्यापारिक केन्द्रहरु पनि बन्द भएका छन् । माओवादीले वेलुका ६ वजेदेखि ८ वजेसम्म दैनिक उपभोग्य सामाग्री खरिदका लागि पसल खुल्न दिएको छ । हिजो वजार खुलेका बेला सदरमुकामका किराना र तरकारी पसलमा उपभोक्ताहरुको भीड लागेको थियो । सवारी साधन नचल्ने भएकाले थप तरकारी र उपभोग्य सामाग्री बाहिरबाट ल्याउन नसक्दा आजदेखि गोरखामा तरकारीको अभाव हुने अवस्थ्ाा आएको छ ।
आमहड्तालको पहिलो दिन हिजो दिउँसो एकिकृत माओवादीलॆ सदरमुकाममा कोणसभा पनि गरेको छ । लोकतान्त्रिक चोकबाट र् याली निकालेर वसपार्क हुदै हरमटारीमा आइ कोणसभा गरेको हो । कोणसभालाई एकिकृत माओवादीका तमुवान राज्य समिति सदस्य तथा सभासद् अमर तमु र वाइसीएल केन्द्रिय सदस्य शान्ति पनेरुले संबोधन गर्नुभएको थियो । उहाँहरुले सरकार नढलेसम्म आन्दोलन जारी रहने बताउनुभयो ।

शिक्षिकाको रहस्यमय मृत्युको घटनाबारेको विस्तृत विवरण आज आउने

२० बैशाख २०६७
गोरखाको लाप्राक गाविसको मणिकामदेवी माविकी शिक्षिका विनु ढकालको रहस्यमय मृत्यु भएको घटनाबारे जानकारी लिन इलाका प्रहरी कार्यालय जौवारीका प्रहरी निरीक्षक ऋषिकेश पाण्डे सहितको प्रहरी टोली हिजो घटनास्थल पुगेको छ । घटनास्थल सदरमुकामदेखि दुईदिनको पैदल दुरीमा पर्ने भएकाले प्रहरी टोली आजमात्र सदरमुकाम आइपुग्ने भएको छ । घटनास्थलबाट फर्केको टोली हिजो वारपाक आइ वसेको छ । टोली आज सदरमुकाम आएपछि मात्र घटनाको सम्पुर्ण जानकारी पाउन सकिने प्रहरी नायब उपरीक्षक विष्णु केसीले जानकारी दिनुभएको छ ।
गएको आइतवार आफ्नो घर पन्दु्रङबाट लाप्राक तर्फ जानुभएका ढकालको अस्ती लाप्राक गाविसकै गोप्सीडाडाँ भन्ने ठाउँमा शब फेला परेको हो । स्थानीय गोठालाहरुले ढुङ्गाले चेपेर छाडेको अवस्थामा शब देखेपछि प्रहरीलाई खबर गरेका थिए ।

अपाङ्ग कोटामा २ वर्षदेखि सो विद्यालयको प्राथमिक तहमा पढाउदै आउनुभएकी शिक्षिका नयाँ शैक्षिक सत्रको पढाइ सुचारु गराउन विद्यालय तर्फ जानुभएको थियो । आइतवार घरबाट आफ्नी आमासंगै चनौटेसम्म पुग्नुभएकी शिक्षिका ढकाल एक्कासी मृत अवस्थामा फेला परेपछि उहाँको मृत्यु रहस्यमय भएको सोही विद्यालयका शिक्षक कृष्ण न्यौपानेले बताउनुभयो ।

अनिश्चितकालिन आम हड्तालका कारण जनजीवन प्रभावित, क्रान्तिकारी विद्यार्थीको अवरोधका कारण १२ कक्षाको परिक्षा स्थगित

१९ बैशाख २०६७
एकिकृत माओवादीले घोषणा गरेको अनिश्चितकालिन आम हड्तालका कारण आज विहानैदेखि गोरखाको जनजीवन प्रभावित भएको छ । विहानैदेखि चल्ने लामा तथा छोटा दुरीका सवारी साधनहरु आज चल्न सकेका छैनन् भने वजार र पसल पनि बन्द छन् । विहानैदेखि चहलपहल सुरु हुने गोरखा सदरमुकाम सुनसान झै बनेको छ ।
आमहड्तालका क्रममा खानेपानीका ट्याङकरहरु दुध बोक्ने सवारी साधन साचार माध्याम र कुटनीतिक नियोगका सवारी साधन फोहोर फाल्ने सवारी साधनका साथै एम्बुलेन्स र शबबाहन भने साचालनमा बाधा नपार्ने एकिकृत माओवादीले जनाएको छ ।
हड्तालका क्रममा औषधी पसल बन्द नगर्ने र हरेक साँझ ६ वजेदेखि ८ वजेसम्म दैनिक उपभोग्य सामाग्री खरिदका लागि वजार मात्र खुल्ला गर्ने जिल्ला इन्चार्ज कृष्ण धितालले जानकारी दिनुभएको छ ।
बन्दका कारण शिक्षण संस्थ्ााहरु पनि बन्द भएका छन् । शिक्षण संस्थ्ााहरु बन्द हुदा विद्यार्थीहरु मर्कामा परेका छन् । आम हड्तालकै कारण गोरखा सदरमुकाम लगायत जिल्लाका प्रमुख ब्यापारिक केन्द्र बन्द भएको छ ।
यसैविच एकीकृत नेकपा माओवादीको अड्ताल र क्रान्तिकारी विद्यार्थीको अवरोधका कारण १२ कक्षाको परिक्षा स्थगित भएको छ । कति जिल्लामा परिक्षा स्थगित भइसकेको छ भने केही ठाउँमा अनिश्चत बनेको छ । परिक्षा नियन्त्रण कार्यालय सानोठीमिले अहिले सम्म पनि परिक्षा स्थगन भएको सूचना जारी नगरेकाले विद्यार्थीहरु अन्यौलमा परेका छन् । बिहानैदेखि हिडेर परिक्षाकेन्द्रमा पुगेका विद्यार्थीहरुलाई परिक्षा रद्द भएको जानकारी गराइएपछि घर फर्किनु परेको थियो ।
विद्यार्थीहरुको अवरोधका कारण गोरखामा कक्षा १२ को वाल विकास सिकाई र राजनीतिक शास्त्रको आजको परीक्षा अवरुद्ध भएको छ । परिक्षाको समय अगाडि नै परिक्षा केन्द्रहरुमा विद्यार्थी पुगिसकेको भएपनि माओवादिको अवरोधका कारण परिक्षा हुन नसकेको केन्द्रहरुले जनाएका छन् । केही केन्द्रमा भने प्रश्नपत्र र उत्तरपुस्तिका वितरण भैसकेपछि विद्यार्थी परीक्षा हलबाट बाहिरिएका थिए । कक्षा १२ को परीक्षाका लागि गोरखामा शक्ति उच्च माविद्रब्यशाह क्याम्पसभवानी बहुमुखी क्याम्पस ठाँटीपोखरी परोपकार आदर्श क्याम्पस जौवारी र दुल्ललभ उच्च मावि घ्याम्पेशाल गरि ५ वटा केन्द्र निर्धारण गरिएको छ । अखिल क्रान्तिकारी गोरखाका कोषाध्यक्ष अमृत वाग्लेले भने बन्दका बेला पनि परीक्षा साचालन गरेको भन्दै परीक्षार्थी आफैले परीक्षा बहिष्कार गरेको दावी गर्नुभएको छ । क्रान्तिकारीका महासचीव हिमाल शर्माले भने आफ्नो संगठनले आज देशभरी परिक्षा स्थगन गराएको बताउनुभएको छ ।
उता लमजुङमा ५ वटा परीक्षा केन्द्रमा परीक्षा स्थगित भएको छ । एउटा केन्द्रमा भने संचालन भएको छ । एकीकृत माओवादीको धम्कीका कारण सदरमुकाम वेसीशहरको जनविकास उच्च मावि र मस्र्याङ्दी क्याम्पस भोटेओडारस्थित भक्ति नमुना उच्च मावि र सुन्दरबजारस्थित आदर्श बाल उच्च मावि केन्द्रमा परीक्षा स्थगित भएको हो ।
परीक्षा बन्द नगरे परीक्षा केन्द्र तोडफोड र जलाउने चेतावनी दिएपछि असुरक्षाका कारण परीक्षा स्थगित गर्नुपरेको परीक्षा केन्द्रहरुले जनाएको छ । यता प्रहरीले भक्ति नमुना उच्च मावि भोटेओडार केन्द्रका दुईजना परीक्षार्थीलाई पक्रेको छ । परीक्षा केन्द्रभित्र छिरेका अखिल क्रान्तिकारीका परीक्षार्थीद्वय परेवाडाँडाका राजेन्द्र श्रेष्ठ र दुराडाँडाका अशोक घिमिरेलाई प्रश्नपत्र च्यातेर फ्याँकेको भन्दै प्रहरीले पक्रेको हो ।
मनाङमा पनि प्लस टुको परीक्षा स्थगित भएको छ । सदरमुकाम चामेस्थित लोकपि्रय उच्च माविमा रहेको एकमात्र परीक्षा केन्द्रमा एकीकृत माओवादीको अवरोधका कारण परीक्षा स्थगित भएको हो ।

उता परीक्षा अबरोध गर्न खोज्ने क्रममा बिद्यार्थी र प्रहरी बिच चितवनको भरतपुरमा झडप हुँदा एक जना पत्रकार र प्रहरी सहित गरि १५ जना घाइते भएका छन् । प्रहरी र बिद्यार्थी बिच भएको झडपमा परि आक्रमण साप्ताहिकका सम्पादक केपि किरण शर्मा १ प्रहरी जवान सहित सप्तगण्डकी बहुमुखी क्याम्पसमा अध्ययनरत बिद्यार्थीहरु जनक श्रेष्ठ अनुज भट्टराई र शिब अधिकारी घाइते भएका छन् । कुल ५४ वटा उच्च मावि भएको चितवनमा २१ वटा परीक्षा केन्द्र रहेको छ ।
त्यस्तै बागलुङको विद्यामन्दिर उच्च मावि आर्दश विद्यामन्दिर र अमृत आर्दश परिक्षा केन्द्रमा माओवादी कार्यकर्ता पुगेर प्रश्नपत्र खोसेर परिक्षा स्गगित गर्न दवाव दिएपछि परिक्षा स्थगित भएको हो । ग्रामीण क्षेत्रका केही विद्यालयमा भने परिक्षा संचालन भएको छ । पर्वतको शिवालय परिक्षा केन्द्रमा भने माओवादी सभाषद गुणखर बस्याल आफै पुगेर परिक्षा स्गगित गराएका छन् । अखिल क्रान्तिकारीका महासचिव हिमाल शर्माले आज आफुहरुले देशभरीका परिक्षा स्थगन गराएको बताउनुभयो ।
त्यस्तै गुल्मीका अधिकांश परीक्षा केन्द्रहरुमा पनि परिक्षा स्थगित भएको छ । एकीकृत नेकपा माओवादीका कार्यकर्ताले गुल्मी जिल्लाको रेसुङ्गा बहुमुखि क्याम्पस सिद्धवाबा उच्च मावि र महेन्द्र उच्च मावि केन्द्रमा कक्षा १२ को परीक्षा स्थगित गराएको र प्रश्नपत्र बाहिरिएका कारण जिल्लाका अधिकांश परीक्षा केन्द्रमा परीक्षा स्थगीत भएको हो । आम हड्तालको समयमा परीक्षा साचालन गरेको भन्दै अखिल क्रान्तिकारी र वाईसिएल कार्यकर्ताले नारावाजी गर्दै क्याम्पसमा पुगरे परीक्षा स्थगित गराएका थिए । नवलपरासीको १४ वटा परिक्षा केन्द्रबाट संच्ालित १२ कक्षाको परिक्षा स्थगित भएको छ । परिक्षा चलिरहेको बेला क्रान्तिकारीका बिद्यार्थीले केन्द्रमा आएर परिक्षा संचालन गरे तोडफोड गर्ने चेतावनी दिए पछि ४५ मीनेट संचालन भएको परिक्षा स्थगित भएको हो ।
एकीकृत नेकपा माओवादीेको अनिश्चितकालिन बन्दका कारण स्याङ्जामा पनि कक्षा १२ को परीक्षा स्थगित भएको छ । माओवादीका कार्यकर्ताहरुको अवरोधका कारण परीक्षा स्थगित गरिएको केन्द्राध्यक्षहरुले वताएका छन् । स्याङ्जा भरिका कूल १३ ओटा परीक्षा केन्द्रहरुमा परीक्षा शुरु हुनु अगाबै परीक्षा स्थगित गरिएको हो ।

लाप्राक गाविसमा शिक्षिकाको रहस्यमय मृत्यु

१९ बैशाख २०६७
गोरखाको लाप्राक गाविसको मणिकामदेवी माविकी शिक्षिका विष्णु ढकालको रहस्यमय मृत्यु भएको छ । गएको आइतवार आफ्नो घर पन्दु्रङबाट लाप्राक तर्फ जानुभएका ढकालको हिजो लाप्राक गाविसकै गोप्सीडाडाँ भन्ने ठाउँमा शब फेला परेको हो । स्थानीय गोठालाहरुले ढुङ्गाले चेपेर छाडेको अवस्थामा शब देखेपछि हिजो प्रहरीलाई खबर गरेका थिए ।
अपाङ्ग कोटामा २ वर्षदेखि सो विद्यालयको प्राथमिक तहमा पढाउदै आउनुभएकी शिक्षिका नयाँ शैक्षिक सत्रको पढाइ सुचारु गराउन विद्यालय तर्फ जानुभएको थियो । आइतवार घरबाट आफ्नी आमासंगै चनौटेसम्म पुग्नुभएकी शिक्षिका ढकाल एक्कासी मृत अवस्थामा फेला पारेपछि उहाँको मृत्यु रहस्यमय भएको सहकर्मी शिक्षक कृष्ण न्यौपानेले बताउनुभयो ।
हत्या कहिले र कसरी भयो भन्ने कुरा थाहा भइनसकेको प्रहरी नायब उपरीक्षक विष्णु केसीले जानकारी दिनुभएको छ । घटनास्थल पुगेको वारपाक प्रहरी चौकीको टोली सम्पर्कमा नआइसकेकोले घटनावारे यथार्थ विवरण आउन नसकेको उहाँले बताउनुभयो ।
घटनाबारे थप अनुसन्धानका लागि केही इलाका प्रहरी कार्यालय जौवारीका प्रहरी निरीक्षक ऋषिकेश पाण्डे सहितको प्रहरी टोली घटनास्थल पुगेको छ ।

आज श्रमिक दिवश, एकिकृत माओवादी गोरखाले सदरमुकाममा जनप्रदर्शन र सभा

१८ बैशाख २०६७
आज मे १ अर्थात एकसय २१औं अन्तर्राष्ट्रिय श्रमिक दिवस । विश्वभरिका श्रमिकहरुले श्रमिक दिवस मनाउँदैछन् । विभिन्न राजनीतिक दल आवद्ध ट्रेड युनियनहरुले आज बिभिन्न कार्यक्रमहरु आयोजना गरेका छन् । ुआठ घण्टा काम आठ घण्टा आराम र आठ घण्टा मनोराजनु लगायतका हक-अधिकारको स्मरण गराउने दिनको रुपमा आज विश्वभरका श्रमिकहरुले यो दिवस मनाउँदैछन् ।
एकसय २० वर्ष अघि अर्थात सन् १८८६ मे १ का दिन ८ घण्टा काम ८ घण्टा आराम र ८ घण्टा मनोराजनको माग राखेर अमेरिकाको सिकागो शहरको हे मार्केटमा श्रमिकहरुले पहिलोपटक प्रदर्शन गरेका थिए । त्यही दिनको स्मरणमा प्रत्येक वर्ष श्रमिकहरुले अन्तर्राष्ट्रिय दिवसकै रुपमा श्रमिक दिवस मनाईने गरिएको छ । नेपालको सन्दर्भमा भने वि।सं। २००३ सालमा विराटनगरबाट नेपाली श्रमिकहरुले आन्दोलन गरेको पाइन्छ ।
मजदुर दिवशकै अवसरमा नेपाल कारखाना श्रमिक संघ र नेपाल स्वतन्त्र केमिकल तथा आइरन मजदुर युनियन गोरखकाली रवर उद्योग इकाइले आज गोरखाको मुझुवा देउरालीमा एक कार्यक्रम गरेका छन् । उद्योगका दुई मजदुर युनियनले संयुक्त रुपमा मजदुर दिवश मनाएका कारखाना श्रमिक संघका अध्यक्ष तथा नेपाल ट्रेड युनियन कांग्रेस स्वतन्त्रका अध्यक्ष इश्वर परियारले जानकारी दिनुभएको छ ।
संघका अध्यक्ष परियारको अध्यक्षतामा सम्पन्न कार्यक्रममा नेपाल केमिकल तथा आइरन मजदुर युनियनका अध्यक्ष लैनसिह लिम्बु र धनपति न्यौपाने नेपाल ट्रेड युनियन महासंघ जिफण्टका संयोजक धु्रुवकुमार वराइली लगायतले मन्तब्य राख्नुभएको थियो ।
यसैविच मे १ अर्थात १ सय २१ औ अन्तराष्ट्रिय श्रमिक दिवशको अवसरमा एकिकृत माओवादी गोरखाले सदरमुकाममा जनप्रदर्शन र सभा गरेको छ । माओवादीले सदरमुकामको हरमटारीदेखि बसपार्क ठुलोआँगन पाटेचौर अस्पतालमार्ग हुदै हरमटारीसम्म र् याली निकालेको छ । र् यालीपछि लोकतान्त्रिक चोकमा गरेको कोणसभामा तमुवान राज्य समिति सचिवालय सदस्य तथा जिल्ला इन्चार्ज कृष्ण धिताल विजयले सरकार नढलेसम्म सडकमा आन्दोलन चर्कीरहने बताउनुभयो ।
आफ्नो पाटिले १० महिनासम्म शान्तिपुर्ण ढंगले आन्दोलन जारी राखेपनि सरकारले वेवास्ता गरेकोले अब आन्दोलन नरोक्ने बताउनुभएको हो । संविधान सभामा आफुहरु मजदुर र पीडितको पक्षमा संविधान लेख्न लागेको र अन्य दलहरु पूजीपति र मालिकहरुको पक्षमा संविधान लेख्न लागेकाले संविधान नबन्ने अवस्था आएको उहाँले बताउनुभयो ।
तमुवान राज्य समिति सदस्य रामबहादुर ढकालको अध्यक्षतामा सम्पन्न कार्यक्रममा सभासद् तथा एकिकृत माओवादी तमुवान राज्य समिति सदस्य अमर तमु जिल्ला सदस्य शान्ति लगायतले मन्तब्य राख्नुभएको थियो ।

विस्फोटक पदार्थ सहित हिजो पक्राउ पर्नेहरु माओवादी कार्यकर्ता नभएको दावी

१८ बैशाख २०६७
विस्फोटक पदार्थ सहित हिजो अुबुखैरेनीमा पक्राउ पर्नेहरु माओवादी कार्यकर्ता नभएको एकिकृत माओवादीले आज स्पष्ट पारेको छ । माओवादीले आज तनहुँ सदरमुकाम दमौलीमा पत्रकार सम्मेलन गरी पक्राउ परेकाहरु माओवादी कार्यकर्ता नभएको स्पष्ट गरेको हो । पत्रकार सम्मेलनमा माओवादीका जिल्ला इन्चार्ज हरिबहादुर चुमानले मनाङको तालमा बाटो खन्ने रामेछाप र संखुवासभाका सामान्य र सिधासाधा मजदुरलाई विष्फोटक पदार्थ सहित पक्राउ गरेर माओवादी भएको आरोप लगाइएको बताउनुभयो ।
पत्रकार सम्मेलनमा माओवादी जिल्ला सेक्रेटरी जगन्नाथ खनालले सरकारले आफु मातहतका निकायलाई भ्रम र षडयन्त्रको खेती गर्न उक्साईरहेको आरोप लगाउनुभयो । लमजुङवाट काठमाण्डौं जाँदै गरेको बा १ ज ९७३५ नम्वरको माईक्रोबस जाँच गर्ने क्रममा तनहु प्रहरीले शुक्रबार बिष्फोटक पदार्थ सहित रामेछापका धनबहादुर तमाङ सोनाम घोताङ िसंहबहादुर तमाङ मानबहादुर तमाङ दमै घिसिङ र संखुवासभाका कबिन जिमीलाई पक्रेका थिए । पक्राउ परेकाहरुबाट प्रहरीले ५ केजी जिलेटिन ७२ थान केप र ३ सय मिटर लामो बिजुलीको तार बरामद गरेको थियो ।
निर्माणधिन बेसीशहर-सडकमा कार्यरत मजदुर बिष्फोटक पदार्थ सहित पक्राउ परेकोमा सडक निर्माण गरिरहेको नेपाली सेनाले छानविन शुरु गरेको छ । बेसीशहर-चामे सडक निर्माण कार्यगणका प्रमुख विनोदजंग राणाले उनीहरु सडकमा कार्यरत मजुदर भए नभएको यकीन गर्न र विष्फोटक पदार्थ बाहिरिएको बिषयमा छानविन भइरहेको बताउनुभयो । लमजुङ सदरमुकाम बेसीशहरदेखि मनाङको चामे जोडने सडकको नेपाली सेनाको बेसीशहर-चामे सडक निर्माण कार्यगणले निर्माण गर्दे आएको छ ।

भैरवी दल गणको सकि्रयतामा शिवालय मन्दिर निर्माण

१८ बैशाख २०६७
गोरखा जिल्लामा कार्यरत नेपाली सेनाको भैरवी दल गणको सकि्रयतामा गोरखा नगरपालिकाको छेपेटारमा रामेश्वर शिवालय मन्दिर निर्माण भएको छ । सेनाका सकल जवानहरु तथा गणको आर्थिक सहयोग र स्थानिय जनताको श्रमदानमा ५ लाखको लागतमा दुइ तले पक्की भवन सहित मन्दिर निर्माण गरीएको सेनानी राजाराम के।सी।ले वताउनु भयो । सेनाले छेपेटार वजार देखी मन्दिर सम्म पुग्नका लागी प्रयोग गरीने वाटोमा सिडी र मन्दिर परिषरमा रहेको कुवाको समेत मर्मत गरेकॊ छ ।

भवन शिलान्यास

१८ बैशाख २०६७
गॊरखाको गाईखुर गाउँ विकास समितिको पौवाटारमा स्थानिय सामाजिक संघ संस्थाको दुई भवनको शिलान्यास भएको छ । स्थानिय स्तरमा कि्रयाशिल मस्र्याङ्गदी भू।पु।सैनिक तथा प्रहरी संगठनको भवन र ठुलो पाखा सामुदायिक वनको भवन प्रमुख जिल्ला अधिकारी कमल मणी काफ्लेले एकै साथ शिलान्यास गरीएको हो । शिलान्यास गरीएको भू।पु।सैनिक तथा प्रहरी संगठनको भवन तिन कोठे र सामुदायिक वनको एक कोठे रहेको छ । कार्यक्रममा भैरवी दल गणका सेनानी राजाराम के।सी। प्रहरी नायव उपरिक्षक विण्णु प्रसाद के।सी। राष्ट्रिय अनुसन्धान गोरखाका प्रमुख कमल थापा भू।पु।सैनिक तथा प्रहरी महासंघका केन्द्रिय महासचिव पुर्ण वहादुर श्रेष्ठ सचिव कृण्ण के।सीले मन्तब्य ब्यक्त गर्दै राजनितिवाट पर रहेर सामाजिक काममा सकि्रय रहेर सहयोग गर्न भुपु सैनीक एवम् प्रहरीहरुलाई आग्रह गर्नु भएको थियो ।

मस्र्याङदी नदिमा ट्रक खस्यो

१८ बैशाख २०६७
सिमेन्ट बोकेर मुग्लिङबाट पोखरातर्फ जाँदै गरेको ग १ ख २८९३ नम्बरको ट्रक तनहुँको आँबुखैरेनीस्थित मस्र्याङदी नदिमा खसेको छ । ट्रक आँबुखैरेनी गाविस वडा नं ७ स्थित मस्र्याङदी जलविद्युत परियोजनाको पावरहाउस नजिकै पृथ्वी राजमार्गबाट खसेर नदीमा डुबेको हो । दुर्घटनामा कुनै मानवीय क्षति नभएको इलाका प्रहरी कार्यालय आँबुखैरेनीका प्रहरी निरीक्षक विरेन्द्र थापाले जानकारी दिनुभएको छ । नदीमा डबुको ट्रक भने अझै निकाल्न नसकिएको उहाँले बताउनुभयो । नदिमा पानी धमिलो भएकाले उद्धारमा कठिनाई भैरहेको घटनास्थलमा खटिनुभएका प्रहरी निरीक्षक थापाले जानकारी दिनुभयो ।