बन्दे मणिकामदेवी मावि आजदेखि साचालनमा आउने

२ जेठ २०६७
शिक्षिका हत्यापछि बन्द रहेको गोरखा लाप्राकको मणिकामदेवी मावि आजदेखि साचालनमा आउने भएको छ । सोही विद्यालयमा अध्यापन गराउदै आएकी शिक्षिका विष्णुमाया ढकालको हत्यापछि अन्य गाविसबाट जाने शिक्षकहरुले सुरक्षाको प्रत्याभुति नभएसम्म पठन पाठन गराउन नसक्ने भन्दै विद्यालय बन्द गराएका थिए ।
हिजो विद्यालयमा भएको सर्वपक्षिय भेलाले बाहिरबाट आउने शिक्षक र विद्यालयमा सुरक्षाको प्रत्याभुति दिलाउने प्रतिवद्धता जनाएपछि विद्यालय साचालन गर्ने निर्णय भएको शिक्षक बद्री अधिकारीले जानकारी दिनुभएको छ ।
केही दिन अघि लाप्राककाएक युवकले पन्दु्रुङ घर भइ लाप्राक पढाउदै आएकी शिक्षिका ढकालको निर्ममतापुर्वक हत्या गरेका थिए । लाप्राक गाविस संयन्त्र प्रमुख सुनबहादुर गुरुङको अध्यक्षतामा वसेका बैठकमा एकिकृत माओवादी १२ इन्चार्ज जगत वारपाक प्रहरी चौकीका हवल्दार विष्णु खनाल प्रधानाध्यापक लोकबहादु गुरुङ विद्यालय ब्यवस्थापन समितिका अध्यक्ष मारसि गुरुङ नेपाली कांग्रेसका नन्दलाल तमु माओवादीका किसान तमु वौद्ध युवा क्लबका धनबहादुर तमु शिक्षक वद्री अधिकारी लगायतको सहभागीता रहेको थियो ।

तौल नपुगेका दैनिक उपभोग्य सामग्री बिक्री गर्ने ब्यापारीलाई कारबाही गर्ने

१ जेठ २०६७
गोरखा उद्योग वाणिज्य संघले तौल नपुगेका दैनिक उपभोग्य सामग्री बिक्री गर्ने ब्यापारीलाई कारबाही गर्ने जनाएको छ । निर्धारित तौलभन्दा कम तौलको सामग्री बिक्री गरी उपभोक्ता ठगेको गुनासो उपभोक्ताबाट आएपछि संघको आजको बैठकले त्यस्ता ब्यापारीहरुलाई कारबाही गर्ने निर्णय गरेको हो ।
गोरखा सदरमुकाम र मुख्य ब्यापारिक केन्द्रमा चामल आलु मल दाना प्याज लगायतका दैनिक उपभोग्य बस्तुहरुमा निर्धारित तौल नपाइएको भन्दै ब्यापारीहरुलाई निर्धारित तौलकै सामान बेच्न आग्रह संघले गरेको छ । संघले तौल घटाएर सामान वेचेको पाइएमा कारबाही गर्ने समेत निर्णय गरेको महासचिब जीवनज्योति श्रेष्ठले जानकारी दिनुभयो ।
यसअघि गोरखाबजारमा ३० किलोग्रामको चामलको बोरामा २७ किलो ५० किलोको आलुको बोरामा ४७ किलो २० किलोको प्याजको बोरामा १७ किलो ५० किलोको दानाको बोरामा ४७ किलो दाना बिक्री हुँदै आएको थियो । थोक बिक्रेताले बोरामा तौल घटाएर ग्रामीण क्षेत्रका ब्यापारीलाई बेच्ने गरेको पाइएको महासचिव श्रेष्ठले बताउनुभयो । संघले आगामी दिनमा चामल २५ र ३० किलो भन्दा घटाएर बेच्न नपाइने निर्णय गरेको छ त्यसैगरी रासायनिक मल ५० किलो दाना ५० किलो प्याज २० किलोभन्दा घटाएर बेच्न नपाइने निर्णय गरेको महासचिव श्रेष्ठले बताउनुभयो ।
सदरमुकामका पसलहरुमा भेटिएको रासायनिक मल गुणस्तरहिन नभएको ब्यापारीहरुले दावी गरेका छन् । उनीहरुले सरकारको अनुमति लिएर मात्र मल बिक्री गरेको दाबी गरेका छन् । टेण्डर प्रकि्रया अनुसार नेपाल सरकारको अनुमति लिएर मात्र मल बिक्री गरेकोमा केही दिन अघि गलत प्रचार भएको उनीहरुले बताएका छन् । रासायनिक मल बेच्ने शान्तमान श्रेष्ठ काजीराम श्रेष्ठ र श्याम जोशीले सम्बन्धित निकाय प्रशासन र पत्रकारहरुसँग स्पष्टीकरण दिन बातावरण मिलाइदिन उद्योग वाणिज्य संघलाई आग्ह गरेका छन् । केही दिन अघि जिल्ला कृषि विकास कार्यालय र प्रशासनले अनुगमन गर्दा उहाँहरुको पसलमा भेटिएको मल गुणस्तरहीन भन्दै विक्रीका लागिप प्रतिबन्ध लगाएको थियो ।

बालबालिकाहरु बाल विकास केन्द्रतर्फ आकर्षित

१ जेठ २०६७
लमजुङको विकट फनेनीका बालवालिकाहरु आजभोली बाल विकास केन्द्रतर्फ आकर्षित हुन थालेका छन् । फलेनी गाविस वडा नम्बर ३ फलेनी गाउँमा रहेको शिशुस्याहार बालविकास केन्द्रमा अहिले ५४ जना वालवालिका दैनिक रुपमा पढ्ने गर्छन् ।
सरकारको सहयोगमा वालवालिकालाई निशुल्क पोशाक उपलब्ध गराईएपछि वालविकास केन्द्रमा झनै चाप बढेको छ ।
२०६३ सालमा स्थानीयबासिन्दाको सकि्रयतामा साचालन गरिएको शक्ति शिशुस्याहार वालविकास केन्द्रमा स्थापना कालमा न्यून संख्यामा बालवालिका उपस्थित भएपछि स्थानीयवासिन्दाले घरघरमा बालवालिका जम्मा पार्ने अभियान थालेका थिए ।
स्थानीयवासिन्दाको सकि्रयतामा स्थापना गरिएको बाल विकास केन्द्रमा अहिले तीनजना कर्मचारीद्धारा बालबालिकालाई सेवा प्रदान गर्दै आएकाछन् ।
वालवालिकालाई रचनात्मक कि्रयाशील सिर्जनशील जिज्ञासु बनाउन वालविकास केन्द्रले मद्दत पुर् याउने भएकोले अभिभावकको आर्कषण पनि वालविकास केन्द्रमा बढ्दै गएको छ ।

तेह्र प्राविले पायो निमावि तहको अनुमति

१ जेठ २०६७
यसवर्ष गोरखाका १३ विद्यालयले निम्न माध्यामिक तहको पठन पाठन अनुमति पाएका छन् । भौतिक पुर्वाधार श्रोत साधन र विद्यार्थी संख्या पुर् याएका प्राथमिक विद्यालयलाई निम्न माध्यामिक तहको अनुमति दिएको शिक्षा कार्यालयले जनाएको छ । अनुमति पाएका सबै विद्यालयले यसै शैक्षिक सत्रदेखि ६ कक्षाको पढाइ साचालन गरिसकेका छन् ।
शिक्षा ऐन २०२८ र शिक्षा नियमावली २०५९ को चौथो संसोधन २०६६ अनुसार प्रकि्रया पुर् याएर आएका विद्यालयलाई जिल्ला शिक्षा समितिको निर्णयले माथिल्लो तहको अनुमति दिएको शिक्षा कार्यालयका शाखा अधिकृत बाबुराम देवकोटाले जानकारी दिनुभएको छ ।
विद्यालयले तह वृद्धिका लागि दिगो आर्थिक ब्यवस्था जनशक्तिको अवस्था आमभेलाको निर्णय समान तहको विद्यालयको सिफारिश आदि पेश गर्नुपर्ने ब्यवस्था रहेको उहाँले बताउनुभयो । यसवर्ष निम्न माध्यामिक तहको अनुमति पाउनेमा घ्याल्चोकको चण्डेश्वरी प्रावि भुम्लीचोकको तोमनडाडाँ प्रावि फुजेलको अकला प्रावि र वटुकी प्रावि नाम्जुङको सरस्वती प्रावि सिम्जुङको जीवनज्योति प्रावि र छोप्राकको सर्वोदय प्रावि रहेका छन् ।
त्यसैगरी श्रीनाथकोटको श्रीनाथकोट प्रावि मुच्चोकको मुच्चोकटार प्रावि मसेलको कनकामना प्रावि सदरमुकामको अन्नपुर्ण अंग्रेजी आवसिय विद्यालय बुंकोटको न्यु होराइजन एकेडेमी र गाइखुरको गोरखा मोर्डन स्कुलले पनि निम्न माध्यामिक तहको अनुमति पाएका छन् ।

जीप पल्टिदा चालक घाइते

१ जेठ २०६७
तनहुँको डुम्रेबजारबाट गोरखाको हर्मी गाविसको निमारेतर्फ यात्रु लिएर जाँदै गरेको जीप आज दिउँसो साँढे ४ वजेतिर पालुङटार १ भण्डारथोकमा पल्टिदा चालक घाइते भएका छन् । दुर्घटनामा परी वसका चालक प्रकाश श्रेष्ठ घाइते भएको र उहाँ अचेत अवस्थामा रहनुभएको स्थानीय सीताराम गुरुङले जानकारी दिनुभएको छ ।
उहाँको ठाँटीपोखरीको स्वास्थ्य संस्थामा उपचार भएको उहाँले बताउनुभयो । सामान र यात्रु लिएर गुडेको ग १ ज ४६ ४१ नंबरको जीप अत्याधिक चाप भएकाले सडक छेउमा नै पल्टेको स्थानीयको अनुमान छ । दुर्घटनामा जीपमा सवार अन्य यात्रुहरु भने घाइते नभएका गुरुङले बताउनुभयो । डुम्रेबाट हर्मी जाने दुइवटा वसमध्ये एउटा आज नचलेका कारण जीपमा यात्रुको चाप बढेको स्थानीयले बताएका छन् ।

दरबन्दीका स्वास्थ्यकर्मीहरु नहुँदा गोरखाको लापुको उपस्वास्थ्य चौकी पियनको भरमा

३१ बैशाख २०६७
दरबन्दीका स्वास्थ्यकर्मीहरु एक वर्षदेखि नआएपछि गोरखाको लापु गाविस लापुवेशीको उपस्वास्थ्य चौकी पियनको भरमा साचालन भइरहेको छ । उपस्वास्थ्य चौकीको अहेब शान्तामाया गुरुङको गएको असार महिनामा सरुवा भएपछि कार्तिकमा एक महिनाका लागि प्रमेन्द्र देव हाजिर भएपनि त्यसपछि पियन छुकी गुरुङकै भरमा साचालन भइरहेको हो ।
उपस्वास्थ्य चौकीमा दरबन्दी रहेको मासिका शुसिला कुँवर पनि खोप साचालनका लागि महिनामा एक पटक मात्र आउँने हुदा विरामीहरु स्वास्थ्य सेवा लिन एक दिन टाढाको आरुघाटमा उपचार गर्न जानुपरेको स्थानीय शिक्षक सुधिर अर्यालले जानकारी दिनुभएको छ ।
स्वास्थ्यकर्मी नहुदा स्थानीयले साधारण स्वास्थ्य सेवा पनि पाउन सकेका छैनन् भने म्याद नाघेका औषधी समेत नष्ट गरिएका छैनन् । साधारण विरामीलाई पियनले औषधी दिदै आएपनि म्याद नाघेका औषधी पर्ने संभावना बढेको शिक्षक अर्यालले बताउनुभयो ।
स्वास्थ्यकर्मी नभएकोबारे जिल्ला स्वास्थ्य कार्यालयलाई पटक पटक जानकारी गराँउदा पनि वेवास्ता भएको स्थानीयले बताएका छन् । स्वास्थ्य कार्यालयले भने अहेबलाई स्वास्थ्य विभागले सरुवा गरेकोले आफुहरुले केही गर्न नसक्ने बताएको छ । अहेबलाई बिभागले सरुवा गरेर उनको ठाउँमा अर्को मानिस नपठाएकोले खाली भएको जिल्ला स्वास्थ्य प्रमुख डाक्टर गुणराज लोहनीले जानकारी दिनुभएको छ ।
उहाँले उपस्वास्थ्य चौकीमा अहेब नभएपनि लापु गाउँमा जिल्ला विकास समितिको सहयोगमा स्वास्थ्य सेवा केन्द्र स्थापना गरी सेवा साचालन गर्दै आएकेा बताउनुभयो । गाविसका धेरैजसो सेवाग्राहीलाई लापु गाउँको स्वास्थ्य केन्द्र नै नजिक पर्ने भन्दै उहाँले उपस्वास्थ्य चौकीम्ाा स्वास्थ्यकर्मी नहुदा असर नपर्ने दावी गर्नुभयो ।

गोरखाका दुर्गम क्षेत्रका विद्यालयले पनि मावि तहको पठन पाठन अनुमति पायो

३१ बैशाख २०६७
गोरखाको दुर्गम क्षेत्रका विद्यालयले माध्यामिक तहको पठन पाठन अनुमति पाएपछि विद्यालय टाढा भएर कक्षा छाड्नेहरुले गाउँमै पढ्न पाएका छन् । यसवर्ष जिल्लाका १० विद्यालयले माध्यामिक तहको अनुमति पाएपछि दुर्गम क्षेत्रका विद्यार्थीहरुलाई सजिलो भएको छ । यसवर्ष कक्षा ९ पढाउन अनुमित पाउनेमा घैरुङको हिमालय निमावि ताङ्लीचोकको ताङ्लीचोक निमावि धुवाँकोटको मदनेडाडाँ निमावि गाँखुको कृष्णज्योति निमावि र हिमाली निमावि ताकुकोटको अन्तरज्योति निमावि छन् । त्यसैगरी काशीगाउँको माजुश्री निमावि सौरपानीको सिदार्थ निमावि मुच्चोकको ताराचन्द्र निमावि र आरुचनौटेको नेप्लिज एड्भान्स निमाविले पनि कक्षा ९ पढाउने अनुमति पाएको छ ।
शिक्षा ऐन २०२८ र शिक्षा नियमावली २०५९ को चौथो संसोधन २०६६ अनुसार भवन फर्निचर स्थायी आयश्रोत ४५ जना विद्यार्थी संख्या भएको विद्यालयले माथिल्लो तहको अध्ययनको स्वीकृति पाउने जिल्ला शिक्षा कार्यालय गोरखाका शाखा अधिकृत बाबुराम देवकोटाले जानकारी दिनुभएको छ । तह वृद्धिका लागि संबन्धित विद्यालयले समान तहका तीनवटा छिमेकी विद्यालयको स्वीकृति पनि लिनुपर्ने ब्यवस्था ऐनले गरेको छ ।
माध्यामिक विद्यालय थपिएपछि गोरखाको दुर्गम गाउँका विद्यार्थीहरु माथिल्लो तह अध्ययनका लागि टाढा जानुनपर्ने भएको छ । यसवर्ष तह थपिएका धेरैजसो विद्यालय दुर्गम क्षेत्रमा रहेको शिक्षा कार्यालयले जनाएको छ । दुर्गम गाउँको विद्यालयको तह वृद्धि भएपछि विद्यालय टाढा भएकै कारण पढाइबाट विाचत विद्यार्थीले माथिल्लो तहसम्म गाउँमै पढ्न पाउने शाखा अधिकृत देवकोटाले बताउनुभयो ।
यसैवर्षदेखि ७ वटा विद्यालयले कक्षा १० को अनुमति पाएका छन् । जसमा बोर्लाङ्गको पाटनदेवी मावि छोप्राकको धर्मावती मावि घ्याच्चोकको ध_िन्सरा मावि आरुआर्बाङ्गको इन्द्रकन्या मावि केरौजाको केरौजा मावि तान्द्राङको नवज्योति मावि र धावाको भगवती मावि रहेका छन् । यससंगै जिल्लामा माध्यामिक तहको पढाइ हुने विद्यालयको संख्या ९० भन्दा बढी पुगेको शिक्षा कार्यालयको तथ्याङ्कले देखएको छ ।

जीपको ठक्करबाट बालकको मृत्यु

३१ बैशाख २०६७
तनहुँ जिल्लाको भिरकोट गाविसबाट सदरमुकाम दमौली बजारतर्फ आउँदै गरेको जीपको ठक्करबाट शुक्रबार एक बालकको मृत्यु भएको छ । मृत्यु हुनेमा भिर्कोट-३ का ९ बर्षीय कुशल थापा रहेका छन् ।
दमौली बजारतर्फ आउँदै गरेको ग १ च ४४९३ नम्बरको जीपले थापालाई भिरकोट-७ देउरालीमा ठक्कर दिएको हो । जीपको ठक्करबाट घाईते भएका थापालाई उपचारका लागि दमौली ल्याउने क्रममा बाटामै मृत्यु भएको जिल्ला प्रहरी कार्यालय तनहुँले जनाएको छ । जीप र चालक प्रहरीको नियन्त्रणमा रहेका छन् ।

सरकार विघटन नभएसम्म संविधानसभाको म्याद थप्नु व्यर्थ ः उपाध्यक्ष भट्टराई

३० वैशाख २०६७
एकीकृत नेकपा माओवादीका उपाध्यक्ष डा वावुराम भट्टराईले वर्तमान सरकार विघटन नभएसम्म संविधान सभाको म्याद थप्नुको अर्थ नहुने वताउनुभएको छ। गोर्खाको मझुवा देउरालीमा आज साँझ पार्टी कार्यकर्तालाई सम्वोधन गर्दै उहाँलॆ संविधान सभाको म्याद थपको प्रस्ताव आफ्नो पार्टीले अस्वीकार गर्ने समेत वताउनुभयो ।वर्तमान सरकार रहेसम्म कुनैपनि हालतमा संविधान वन्न नसक्ने ठोकुवा गर्दै भट्टराइले राष्ट्रिय सहमतिको सरकारको निर्माणमा जोड दिनुभयो । आफ्नो पार्टीमा प्रधानमन्त्री वन्न्ा सक्षम धेरै नेता रहेकेा वताउर्दै उहाँले पार्टी भित्र प्रधानमन्त्रीको लागि अध्यक्षको विकल्प समेत खुला भइसकेकेा जानाकारी दिनुभयो । जेठ चौध सम्म पनि वर्तमान विघटन नभए माओवादीले निर्णायक संघर्ष गर्ने माओवादीको चेतावनी पनि उपाध्यक्ष भट्टराईले आज दोहोर् याउनुभयो ।संविधान सभाको निर्वाचनमा गोर्खा क्षेत्र नंवर २ वाट निर्वाचित सभासद समेत रहनुभएका भट्टराइ महिनामा एक पटक जिल्ला आउने आफ्नो वाचा पुरा गर्न हतारहतार आज संाझ गोर्खा आइपुग्नुभएको एकीकृत माअेावादी गोर्खाले जनाएको छ । भट्टराई आज मझुवा देउरावलीमा रहने र भोलि विहान काठमाण्डौ फर्कने कार्यैक्रम रहेकेा छ ।

गोर्खामा गुणस्तहीन मलको विगविगी

३० वैशाख २०६७
गोरखामा रासायनिक मल अभाव भएको मौका छोपेर वजारमा गुणस्तरहिन मलको बिक्री हुन थालेको छ । जिल्लाका ठुला ब्यापारी र थोक विक्रेताले नारायणगढबाट गुणस्तरहिन मल ल्याइ सदरमुकाम र ग्रामीण भेगका किसानहरुलाई बेचेको पाइएको छ । जिल्ला कृषि विकास कार्यालय र जिल्ला प्रशासन कार्यालयले आज सदरमुकामको पसलहरुमा अनुगमन गर्दा डल्ला परेको गुणस्तरहिन मल बिक्री भएको पाइएको हो ।
किसानलाई मल चाहिएको बेला अभाव भएपछि ब्यापारीहरुले नारायणगढबाट ६ वर्षअघिको रासायनिक मल ल्याइ बिक्री गरेको पाइएको कृषि विकास कार्यालयका बरिष्ठ कृषि विकास अधिकृत वुद्धिबहादुर थापाले बताउनुभयो । जिल्लामा पाइने मल अन्नवालीमा राख्न उपयुक्त नभएको उहाँले बताउनुभयो । उहाँले पछिल्लो समयमा बजारमा पाइएका मल गुणस्तरहीन भएकाले प्रयोग नगर्न किसानहरुलाई आग्रह समेत गर्नुभएको छ ।
अनुगमन टोलीले सदरमुकामको काजी श्रेष्ठको पसलबाट साँढे १६ क्वीन्टल सन्तमान श्रेष्ठको पसलबाट ६ क्वीन्टल मल वरामद गरेको छ । ती बाहेक गोरखामा ३०० बोरा मल भित्रिएको ब्यापारीहरुले बताएका छन् । अनुगमन टोलीले बजारका अन्य पसलहरुमा पनि छापा मारेको छ । ब्यापारीहरुले नारायणगढ वेलचोकको कृषि उपज विक्री केन्द्रबाट मल किनेको विल देखाएका छन् ।
सदरमुकाम बाहेक जिल्लाको घ्याम्पेशाल छेपेटार चोरकाटे देउराली लगायतका क्षेत्रमा पनि गुणस्तरहिन मल पुगिसकेको किसान महासंघ गोरखाले जनाएको छ । महासंघले किसानहरुलाई मल हेरेर मात्र खरिद गर्न आग्रह गरेको छ । जिल्ला भित्रेका गुणस्तरहीन मल किसानसम्म पुग्न नदिने र थप भित्र्याउन नदिने प्रमुख जिल्ला अधिकारी कमलमणि काफ्लेले बताउनुभयो ।

असिना प्रभावित किसानलाई राहात देउ ः अनेकिसंघ गोरखा

३० वैशाख २०६७
अखिल नेपाल किसान महासंघ गोरखाले असिना र हावाहुरीले क्षति बेहोरेका किसानहरुलाई न्युनतम १० हजार राहतको माग गरेको छ । बिभिन्न समयमा हावाहुरी र असिनापानीबाट प्रभावित क्षेत्रका किसानहरुको क्षति प्रमाणीकरण गरी प्रमाण पुगेका किसानलाई न्युनतम १० हजार रुपियाँ उपलब्ध गराउन महासंघले माग गरेको हो ।
महासंघका अध्यक्ष विपिनचन्द्र ढकालले आज एक विज्ञप्ति जारी गरी रासायनिक मल समयमा उपलब्ध गराउन नसक्नु सरकारको लाचारीपन भएको दावी गर्दै जेठ १ गतेसम्म जिल्लामा मल उपलब्ध हुन नसकेमा चरणबद्ध आन्दोलन गर्ने जनाइएको छ ।
आन्दोलन अन्तर्गत जेठ १ देखि ३ गतेसम्म प्रचारप्रसार गर्ने जेठ ५ गते कृषि कार्यालयमा सचेत पत्र बुझाउने अध्यक्ष ढकालले बताउनुभयो । त्यसैगरी ६ गते जिल्ला प्रशासन कार्यालय घेराउ गर्ने र माग पुरा नभएमा जेठ ७ गते जिल्ला कृषि विकास कार्यालय अनिश्चितकालका लागि तालाबन्दी गर्ने उहाँले बताउनुभयो ।

गोरखामा १० नीजी विद्यालय थपिए

३० वैशाख २०६७
गोरखामा यसवर्ष १० वटा निजी विद्यालय थपिएका छन् । थपिएका मध्ये एउटा सदरमुकामको छ भने बाँकी सबै ग्रामीण क्षेत्रका छन् । जिल्ला शिक्षा कार्यालयमा शिक्षण अनुमति माग गर्नेमध्ये जिल्ला शिक्षा समितिले १० वटा निजी विद्यालयलाई कक्षा १ मा अध्यापन गराउन अनुमति दिएको कार्यालयका शाखा अधिकृत बाबुराम देवकोटाले जानकारी दिनुभएको छ ।
नयाँ स्वीकृती पाउने निजी विद्यालयमा गोरखा नगरपालिकाको शुर्यमुखी बोर्डिङ्ग स्कुल नारेश्वरको मनासलु एजुकेशनल एकेडेमी फुजेलको चिल्ड्रेन ग्ल्याड स्कुल फिनामको अक्सफोर्ड इन्टरनेशनल स्कुल च्याङ्लीको शुर्य मेमोरियल बोर्डिङ्ग रहेका छन् । त्यसैगरी आँपपीपलको नेपाल ग्लोबल युनिभर्शल देउरालीको मनकामना कि्रयटिभ स्कुल ताकुकोटको फ्युचर डि्रम स्कुल पाँचखुवा देउरालीको द सनसाइन स्कुल र दर्बुङ्गको बुढीगण्डकी पब्लिक स्कुलले पनि कक्षा १ को अनुमति पाएका छन् ।
प्रचलित शिक्षा ऐन नियमावली अनुसार नयाँ विद्यालयको अनुमति माग भएका विद्यालयलाई जिल्ला शिक्षा समितिको निर्णयमा साचालन अनुमति दिएको जिल्ला शिक्षा अधिकारी योगराज भट्टराईले जानकारी दिनुभएको छ । संबन्धित विद्यालय निरीक्षक र श्रोत ब्याक्तिले स्थलगत अध्ययन गर्दा ऐन नियमले तोकेको पुर्वाधार पुरा गरेका विद्यालयलाई शिक्षा समितिले बैठकले अनुमति दिने प्रावधान रहेको उहाँले बताउनुभयो ।
अभिभावकहरुले सामुदायिक विद्यालयको तुलनामा निजी विद्यालयमा पढाउन रुचाएकोले गाउँगाउँमा पनि निजी विद्यालय खुल्न थालेको शिक्षा कार्यालयले बताएको छ । निजी विद्यालयले अंग्रेजी माध्याममा पढाउने भएकाले पनि अभिभावकहरु पनि त्यतैतिर आकर्षित भएको शिक्षा अधिकारी भट्टराइले बताउनुभयो ।
त्यसैगरी यसैवर्षदेखि सदरमुकामको अन्नपुर्ण आवासिय विद्यालय बुंकोटको न्यु होराइजन एकेडेमी र गाइखुरको गोरखा मोर्डन स्कुलले निम्न माध्यामिक तहको अनुमति पाएका छन् । यससंगै निम्न माध्यामिक तह अध्ययन गराउन निजी विद्यालयको संख्या पुगेको छ । आरुघाटको न्यु होराइजन बोडिङ्ग स्कुलले यसवर्षदेखि माध्यामिक तहको पठन पाठन अनुमति पाएको छ । यो संगै माध्यामिक तह साचालन गर्ने निजी विद्यालयको संख्या ४ पुगेको शिक्षा कार्यालयले जनाएको छ ।